ພິທີສວນສະໜາມໄດ້ເລີ່ມຕົ້ນແລ້ວ(ຕອນທີ 1)
-----------------------------------------------------------------------------------------------------------------
ພິທີສວນສະໜາມໄດ້ເລີ່ມຕົ້ນແລ້ວ.ໂດຍມີທ່ານຝາງເຟີງຮຸຍ ຜູ່ບັນຊາການໃຫຍ່ການສວນສະໜາມ,ຜູ່ບັນຊາການເຂດທະຫານປັກກິ່ງເປັນເພື່ອນ ພາທາງ,ທ່ານຫູຈິນທາວຂີ່ລົດຈາກຕາເວັນຕົກໄປຕາເວັນອອກ,ກວດກ້ອນກຳລັງໜ້າດິນ44ກ້ອນທີ່ສະຫງ່າອົງອາດຕາມລຳດັບ,ກ້ອນກຳລັງເຫລົ່ານີ້ປະກອບດ້ວຍສາມເຫຼົ່າທັບຂອງກອງທັບປົດປ່ອຍ ປະຊາຊົນຈີນ,ກອງທະຫານປືນໃຫຍ່ທີສອງ,ກອງຕຳຫຼວດປະກອບອາວຸດປະຊາຊົນ, ກອງທະຫານລາດກອງຫຼອນແລະທະຫານກອງຫນູນ.
ກ້ອນກຳລັງທີ່ຮັບການກວດແຖວກ່ອນໝູ່ແມ່ນກ້ອນກຳລັງຍ່າງ14ກ້ອນທີ່ມາຈາກທະຫານບົກ,ທະຫານອາກາດ,ທະຫານເຮືອ,ທະຫານປືນໃຫຍ່ທີສອງ,ຕຳຫຼວດປະກອບອາວຸດ,ທະຫານລາດ,ທະຫານກອງໜູນແລະນັກສຶກສາຂອງໂຮງຮຽນການທະຫານ.ໃນນັ້ນກອງທະຫານສູ້ຮົບພິເສດແມ່ນເຂົ້າຮ່ວມການສວນສະໜາມສະຫຼອງວັນຊາດເປັນເທື່ອທຳອິດ.
ການປະກອບຂອງກ້ອນກຳລັງຍ່າງໄດ້ສ່ອງແສງໃຫ້ເຫັນປະຫວັດສາດແລະມູນເຊື້ອຂອງກອງທັບຈີນ.ກອງທະຫານທີ່ເຂົ້າຮ່ວມການສວນສະໜາມເທື່ອນີ້ລ້ວນແຕ່ມາຈາກກອງທະຫານວິລະຊົນທີ່ມີຄຸນງາມຄວາມດີອັນພົ້ນເດັ່ນໃນການສູ້ຮົບແລະກຸ່ມວິລະຊົນແບບຢ່າງທີ່ສ້າງຜົນງານດີເດັ່ນໃນການປະຕິບັດໜ້າທີ່ທາງການທະຫານຫຼາຍຢ່າງເຊັ່ນຕ້ານໄພແຜ່ນດິນໄຫວແລະໄພທຳມະຊາດຕ່າງໆ,ຕ້ານລັດທິກໍ່ການຮ້າຍຮັກສາຄວາມໝັ້ນຄົງ,ແລະຮັກສາສັນຕິພາບສາກົນເປັນຕົ້ນ.
ເມື່ອເວົ້າຈາກດ້ານໂຄງປະກອບຂອງນາຍແລະພົນທະຫານແລ້ວ,ນີ້ແມ່ນກອງທະຫານກອງໜຶ່ງທີ່ສ່ວນຫລາຍທີ່ສຸດແມ່ນປະກອບດ້ວຍຊາວໜຸ່ມທີ່ເກີດໃນຊຸມປີ1980ແລະຊຸມປີ1990,ມີລະດັບການສຶກສາສູງກວ່າ,ໂຄງປະກອບດ້ານວິຊາສະເພາະຍິ່ງສົມບູນກວ່າ,ມີວິໄສທັດກວ້າງໃກກວ່າ.ໃນນັ້ນ,ຜູ່ທີ່ຈົບລະດັບການສຶກສາຊັ້ນປະລິນຍາຕີຂຶ້ນໄປມີ1400ຄົນ,ກວມ30%ຂອງນາຍແລະພົນທະຫານທີ່ເຂົ້າຮ່ວມການສວນສະໜາມ.
