ພິທີສວນສະໜາມໄດ້ເລີ່ມຕົ້ນແລ້ວ(ຕອນທີ 2)
-----------------------------------------------------------------------------------------------------------------
ທ່ານປະທານຫູຈິນທາວຖາມສະບາຍຢ່າງສຸດໃຈຕໍ່ນາຍແລະພົນທະຫານທີ່ເຂົ້າຮ່ວມການສວນສະໜາມວ່າ"ສະບາຍດີ,ສະຫາຍທັງຫຼາຍ!"
ນາຍແລະພົນທະຫານຕອບເປັນສຽງດຽວກັນວ່າ"ສະບາຍດີ,ປະທານ"
ທ່ານປະທານຫູຈິນທາວເວົ້າຕໍ່ວ່າ"ພວກສະຫາຍເມື່ອຍບໍ່?"
ນາຍແລະພົນທະຫານຕອບເປັນສຽງດັງວ່າ"ເພື່ອຮັບໃຊ້ປະຊາຊົນ,ພວກເຮົາບໍ່ເມື່ອຍ!"
ຕໍ່ຈາກນັ້ນ,ທ່ານປະທານຫູຈິນທາວຍັງຈະກວດພົນກ້ອນກຳລັງອາວຸດຍຸດໂທປະກອນ30ກ້ອນທີ່ນຳໂດຍກ້ອນກຳລັງຂອງກອງລົດຖັງແບບໃໝ່ລຸ້ນ99ຕາມລຳດັບ.ອາວຸດຍຸດໂທປະກອນ52ຊະນິດທີ່ວາງສະແດງເທື່ອນີ້ລ້ວນແຕ່ແມ່ນຈີນຜະລິດ,ມີອາວຸດຍຸດໂທປະກອນຂໍ້ມູນຂ່າວສານທີ່ທັນສະໄໝຕ່າງໆ,ເຊັ່ນເຄື່ອງບິນເຕືອນໄພ,ລົດຫົ້ມເກາະລຸ້ນໃໝ່,ລາດາແບບໃໝ່,ຍົນບໍ່ມີຄົນຂັບດາວທຽມສື່ສານແລະອື່ນໆ.ໃນນັ້ນ,ອາວຸດຍຸດໂທປະກອນສ່ວນຫຼາຍແມ່ນນຳມາສະແດງເປັນເທື່ອທຳອິດ.
ໃນນັ້ນ,ກ້ອນກຳລັງຕຳຫຼວດປະກອບອາວຸດທີ່ປະກອບດ້ວຍກອງຕະລຸມ ບອນເສືອດາວ,ກ້ອນກຳລັງລາດາແບບໃໝ່,ກ້ອນກຳລັງທະຫານສື່ສານ,ກ້ອນກຳລັງເຮືອບິນສອດແນມບໍ່ມີຄົນຂັບ,ກ້ອນກຳລັງຂີປະນາວຸດລາດຕະເວນແລະກ້ອນກຳລັງ ອື່ນໆກໍ່ແມ່ນປະກົດຕົວໃນການສວນສະໜາມສະຫຼອງວັນຊາດເປັນເທື່ອທຳອິດ.
ໃນຍຸກໃໝ່ສະຕະວັດໃໝ່,ຈີນຈະຊຸກຍູ້ການກໍ່ສ້າງການປ້ອງກັນປະເທດແລະການກໍ່ສ້າງກອງທັບໃຫ້ທັນສະໄໝຢ່າງມີແຜນການແລະຂັ້ນຕອນ.ຖືການເອົາຊະນະສົງຄາມພາກສ່ວນພາຍໃຕ້ເງື່ອນໄຂຫັນເປັນຂໍ້ມູນຂ່າວສານເປັນຈຸດຢືນ,ເນັ້ນໜັກການສະກັດກັ້ນວິກິດການແລະສົງຄາມ,ຍົກສູງຄວາມສາມາດຂອງກອງທັບໃນການຮັບມືກັບການຂົ່ມຂູ່ຄວາມໝັ້ນຄົງດ້ວຍຮູບແບບຕ່າງໆ, ສຳເລັດໜ້າທີ່ການທະຫານເປັນຢ່າງດີ.
ຈີນຍຶດໝັ້ນທັດສະນະຄວາມປອດໄພອັນໃໝ່ທີ່ໄວ້ເນື້ອເຊື່ອໃຈກັນ,ຕ່າງຝ່າຍຕ່າງມີຜົນປະໂຫຍດ,ສະເໝີພາບແລະປະສານຮ່ວມມືກັນ.ມີຈຸດຢືນໃຫ້ແກ້ໄຂຄວາມຂັດແຍ່ງກັນແລະບັນຫາຈຸດຮ້ອນສາກົນດ້ວຍສັນຕິວິທີ,ຊຸກຍູ້ການສົນທະນາແລະການຮ່ວມມືດ້ານຄວາມໝັ້ນຄົງກັບປະເທດຕ່າງໆ,ຄັດຄ້ານການເປີດກວ້າງພັນທະມິດການທະຫານ,ຄັດຄ້ານການຮຸກຮານຂະຫຍາຍອານາເຂດ.ຈີນຍັງໃຫ້ຄຳໝັ້ນສັນຍາຢ່າງຈິງຈັງວ່າ,ບໍ່ວ່າໃນປັດຈຸບັນຫຼືໃນອະນາຄົດ,ບໍ່ວ່າຈະພັດທະນາຮອດລະດັບໃດ,ຈີນກໍ່ຈະບໍ່ເປັນເຈົ້າອຳນາດແລະບໍ່ຂະຫຍາຍອານາເຂດດ້ວຍກຳລັງທະຫານ.ຍຶດໝັ້ນເດີນຕາມເສັ້ນທາງພັດທະນາທີ່ສັນຕິພາບ,ປະຕິບັດຍຸດທະສາດເປີດປະຕູທີ່ຕ່າງຝ່າຍຕ່າງມີຜົນປະໂຫຍດ,ຊຸກຍູ້ການກໍ່ສ້າງໂລກທີ່ກົມກຽວກັນທີ່ມີສັນຕິພາບຖາວອນແລະຮ່ວມກັນຈະເລີນຮຸ່ງເຮືອງ.
