ການເດີນສວນສະໜາມໃນອະດີດ(ຕອນທີ 1)
-----------------------------------------------------------------------------------------------------------------
ການສວນສະໜາມແມ່ນພິທີສະເຫຼີມສະຫຼອງອັນສຳຄັນທີ່ສະແດງແສນຍານຸພາບຂອງປະເທດແລະກອງທັບ,ເຊີດຊູກຳລັງໃຈຂອງຊາດແລະກະຕຸ້ນນ້ຳໃຈຮັກຊາດ,ເປັນພິທີການທົ່ວໄປຂອງປະເທດຕ່າງໆໃນໂລກປັດຈຸບັນ.ນັບແຕ່ສາທາລະນະລັດປະຊາຊົນຈີນສ້າງຕັ້ງຂຶ້ນໃນປີ1949ມານີ້,ຈີນໄດ້ຈັດພິທີສວນສະໜາມ13ເທື່ອ,ສ່ວນການສວນນສະໜາມສະຫຼອງວັນຊາດເທື່ອທີ14ນີ້ຈະໂຮມສູນສະແດງຜົນສຳເລັດດ້ານການປ້ອງກັນປະເທດແລະການກໍ່ສ້າງກອງທັບຕັ້ງແຕ່ປະເທດຈີນໃໝ່ສ້າງຕັ້ງຂຶ້ນ60ປີໂດຍສະເພາະແມ່ນດຳເດີນການປະຕິຮູບແລະເປີດປະຕູສູ່ພາຍນອກ30ປີມານີ້.
60ປີກ່ອນຄືວັນທີ1ຕຸລາປີ1949,ຢູ່ເທິງຫໍທຽນອານເມີນນະຄອນຫຼວງປັກກິ່ງ,ທ່ານ ປະທານເໝົາເຈີຕຸ່ງໄດ້ປະກາດຢ່າງສະຫງ່າຜ່າເຜີຍຕໍ່ທົ່ວໂລກວ່າ,ລັດຖະບານສາທາລະ ນະລັດປະຊາຊົນຈີນສ້າງຕັ້ງຂື້ນແລ້ວ,ປະຊາຊົນຈີນໄດ້ລຸກຢືນຂຶ້ນນັບແຕ່ນີ້ໄປ.ໃນພິທີອັນໃຫຍ່ໂຕມະໂຫລານທີ່ປະຈັກຕາຊາວໂລກເທື່ອນັ້ນ,ກອງທັບປະຊາຊົນທີ່ສ້າງປະເທດຈີນໃໝ່ໄດ້ຮັບການກວດພົນຈາກຜູ່ນຳສູນກາງພັກແລະລັດທີ່ນຳໂດຍທ່ານເໝົາເຈີຕຸ່ງ.
ວັນທີ1ຕຸລາປີ1984ແມ່ນວັນຊາດຈີນຄົບຮອບ35ປີ,ທ່ານເຕິ້ງສ້ຽວພິງ ນາຍຊ່າງໃຫຍ່ອອກແບບການປະຕິຮູບແລະເປີດປະຕູສູ່ພາຍນອກຂອງຈີນ,ປະທານຄະນະກຳມະການການທະຫານສູນກາງຈີນໄດ້ກວດພົນນາຍແລະພົນທະຫານສາມເຫຼົ່າທັບຂອງກອງທັບຈີນ.ນີ້ແມ່ນພິທີກວດພົນເທື່ອທີ12ຂອງປະເທດຈີນໃໝ່,ເປັນພິທີກວດພົນເທື່ອທຳອິດໃນໄລຍະປະຫວັດສາດໃໝ່ທີ່ການພັດທະນາເສດຖະກິດສັງຄົມຂອງຈີນກ້າວເຂົ້າສູ່ໄລຍະພັດທະນາຢ່າງວ່ອງໄວ.ການປະຕິຮູບແລະເປີດປະຕູສູ່ພາຍນອກໄດ້ເຮັດໃຫ້ປະເທດຈີນຈະເລີນຄືນໃໝ່,ສ້າງຄວາມຮັ່ງມີໃຫ້ປະຊາຊົນແລະສ້າງກອງທັບໃຫ້ເຂັ້ມແຂງຂຶ້ນ.ການກວດພົນເທື່ອນັ້ນໄດ້ສະແດງຜົນສຳເລັດອັນຍີ່ງໃຫຍ່ແຫ່ງການ ປະຕິຮູບແລະເປີດປະຕູສູ່ພາຍນອກຂອງຈີນແລະໂສມໜ້າໃໝ່ຂອງກອງທັບຈີນຕໍ່ທົ່ວໂລກຢ່າງເຕັມສ່ວນ.