ການເດີນສວນສະໜາມໃນອະດີດ(ຕອນທີ 2)
-----------------------------------------------------------------------------------------------------------------
ວັນທີໜຶ່ງຕຸລາປີ1999,ໃນການກວດພົນເນື່ອງໃນໂອກາດວັນສ້າງຕັ້ງປະທດຈີນໃໝ່ຄົບຮອບ50ປີ, ທ່ານຈ່ຽງເຈີມິນ ປະທານປະເທດຈີນໄດ້ກວດກວດນາຍແລະພົນທະຫານສາມເຫົ່ຼາທັບຢູ່ສະໜາມຫຼວງທຽນອານເມີນ. ການກວດພົນເທື່ອນັ້ນໄດ້ສະແດງຢ່າງຮອບດ້ານເຖິງຜົນສຳເລັດທາງປະຫວັດສາດອັນສຳຄັນທີ່ກອງທັບຈີນທີ່ກ້າວເດີນໄປຖືກທິດທາງທ່ວງທ່າຂະຫຍາຍຕົວຂອງການປະຕິຮູບການທະຫານອັນໃໝ່ຂອງໂລກ,ເພີ່ມທະວີການສ້າງສາທັນສະໄໝຂອງຈີນ.
ນັບແຕ່ກ້າວຂົ້າສູ່ສະຕະວັດໃໝ່ມານີ້, ພັກແລະລັດຖະບານຈີນໄດ້ເນັ້ນໃສ່ຄວາມປອດໄພແຫ່ງຊາດແລະສະພາບການຍຸດທະສາດການພັດທະນາ, ຖືເອົາພັດທະນະທັດວິທະຍາສາດເປັນແນວທາງສຳຄັນທີ່ຊີ້ນຳການກໍ່ສ້າງການປ້ອງກັນປະເທດແລະການກໍ່ສ້າງກອງທັບ.
ເລັ່ງລັດປະຕິຮູບການທະຫານທີ່ມີສີສັນພິເສດຂອງຈີນ, ເພີ່ມທະວີການກໍ່ສ້າງກອງທັບໃຫ້ເປັກອງທັບແບບປະຕິວັດ,ທັນສະໄໝແລະມີລະບຽບແບບແຜນຢ່າງຮອບດ້ານ, ເພື່ອບັນລຸການສ້າງປະເທດໃຫ້ຮັ່ງມີແລະສ້າງກອງທັບໃຫ້ເຂັ້ມແຂງເປັນເອກະພາບກັນໃນຂະບວນການສ້າງສັງຄົມເຫຼືອຢູ່ເຫຼືອກິນຢ່າງຮອບດ້ານ, ການກໍ່ສ້າງການປ້ອງກັນປະເທດແລະການກໍ່ສ້າງກອງ ທັບໄດ້ກ້າວເຂົ້າສູ່ໄລຍະພັດທະນາອັນໃໝ່.
ກອງທັບຈີນໄປຕາມທິດທາງປະຕິຮູບການທະຫານຂອງໂລກຢ່າງເປັນເຈົ້າການ,ໄດ້ວາງທິດທາງຍຸດທະສາດການທະຫານທີ່ປ້ອງກັນຕົວຢ່າງຕັ້ງໜ້າໃນສະໄໝໃໝ່,ໃຫ້ຄວາມສຳຄັນຕໍ່ການສະກັດກັ້ນວິກິດການແລະສົງຄາມ,ສ້າງກຳລັງປ້ອງກັນທີ່ກະທັດຮັດແລະມີປະສິດທິພາບສູງ, ແລະນຳໃຊ້ວິທີສ້າງຄວາມເກງຂາມຢ່າງຄ່ອງແຄ້ວ.ຈີນຍຶດໝັ້ນນະໂຍບາຍທີ່ບໍ່ໃຫ້ອາວຸດນິວເຄຼຍກ່ອນູຕະຫຼອດມາ,ຍຶດໝັ້ນຍຸດທະສາດນິວເຄຼຍທີ່ປ້ອງກັນຕົວ, ບໍ່ຊ່ວງເສັງກຳລັງຮົບນິວເຄຼຍກັບປະເທດໃດໆ. ກອງທັບຈີນປະຕິບັດຕາມຫຼັກການປ້ອງກັນຕົວຢ່າງເຄັ່ງຄັດ, ໃຊ້ກຳລັງອາວຸດຢ່າງລະມັດລະວັງ, ພະຍາຍາມຫຼຸດຄວາມສ່ຽງແລະຄ່າຕອບແທນຂອງສົງຄາມໃຫ້ຕ່ຳລົງ. ກອງທັບຈີນແມ່ນກ້ອນກຳລັງສຳຄັນແຫ່ງການປົກປັກຮັກສາສັນຕິພາບຂອງໂລກ.