ກ້ອນກຳລັງລົດຖັງ
-----------------------------------------------------------------------------------------------------------------
ກ້ອນກຳລັງລົດຖັງທີໜຶ່ງແມ່ນທະຫານກອງໜ້າຂອງກ້ອນກຳລັງອາວຸດຍຸດໂທປະກອນທັງໝົດ.ກ້ອນກຳລັງລົດຖັງທີໜຶ່ງປະກອບດ້ວຍກອງພັນໃຫຍ່ກອງທັບແດງທີ່ກຳເນີດຂຶ້ນເມື່ອປີ1928,ນີ້ແມ່ນກອງທະຫານວິລະຊົນທີ່ມີປະຫວັດເກົ່າແກ່ກວ່າສປ ຈີນ.
ໃນພິທີສວນສະໜາມສະຫລອງວັນສ້າງຕັ້ງປະເທດຈີນໃໝ່ຄົບຮອບ35ປີ, ກອງພັນໃຫຍ່ກອງນີ້ຍັງແມ່ນກ້ອນກຳລັງລົດຈັກ, ໃນການສວນສະໜາມສະຫລອງວັດຊາດຈີນຄົບຮອບ50ປີ, ໄດ້ກາຍເປັນກ້ອນກຳລັງລົດຫຸ້ມເກາະລຳລຽງພົນທະຫານຮາບ.
ໃນການສວນສະໜາມເທື່ອນີ້, ກອງພັນໃຫຍ່ຂອງກອງທັບແດງໄດ້ປະກອບລົດຖັງແບບ99ຮຸ່ນທີ3ທີ່ມີລະດັບຂໍ້ມູນຂ່າວສານອ່າວສູງ.ການປ່ຽນອາວຸດຍຸດໂທປະກອນຂອງກອງທະຫານວິລະຊົນກອງນີ້ກໍແມ່ນພາບຫຍໍ້ໃຫ້ແກ່ການພັດທະນາແບບກ້າວກະໂດດແຫ່ງການກໍ່ສ້າງກອງທັບຈີນໃຫ້ທັນສະໄໝ.
2, ກ້ອນກຳລັງລົດຖັງທີ2
ກ້ອນກຳລັງລົດຖັງທີ2ແມ່ນປະກອບດ້ວຍລົດຖັງແບບ96A, ລົດຖັງຊະນິດນີ້ແມ່ນລົດຖັງຫລັກທີ່ກອງທັບຈີນປະກອບ.
ໃນສະໄໝໃໝ່,ຄວາມສາມາດສູ້ຮົບຮ່ວມໃຕ້ເງື່ອນໄຂຂໍ້ມູນຂ່າວສານຂອງກອງທັບບົກຈີນໄດ້ຍົກສູງຂຶ້ນຢ່າງບໍ່ຢຸດຢັ້ງ.
3, ກ້ອນກຳລັງລົດຕະລຸມບອນສະເທີນນ້ຳສະເທີນບົກ
ກຳລັງໃກ້ເຂົ້າມານີ້ແມ່ນກ້ອນກຳລັງລົດຕະລຸມບອນສະເທີນນ້ຳສະເທີບົກແບບ05. ຕົ້ນກຳເນີດຂອງກອງທະຫານກອງນີ້ເຄີຍເຂົ້າຮ່ວມການລຸກຮືຂຶ້ນເມືອງໜານຊ່າງໃນວັນທີ1ສິງຫາປີ1927, ການລຸກຮືຂຶ້ນເທື່ອນີ້ເປັນຂີດໝາຍສະແດງໃຫ້ເຫັນວ່າ, ກອງທັບປະຊາຊົນທີ່ນຳພາໂດຍພັກກອມມູນິດຈີນໄດ້ກຳເນີດເກີດຂຶ້ນແລ້ວ. ໃນສະໄໝໃໝ່, ກອງທະຫານກອງນີ້ໄດ້ກາຍເປັນກອງທະຫານລົດຮົບສະເທີນນ້ຳສະເທີນບົກກອງທຳອິດໃນປະຫວັດສາດຈີນ.
