ພາກທີ 1: ບາກບັ່ນສູ້ຊົນສ້າງສາພາລະກິດ
-----------------------------------------------------------------------------------------------------------------
ທີ່ທ່ານຈະໄດ້ເຫັນໃນຕໍ່ໄປນີ້ແມ່ນຫົວຂໍ້ທຳອິດທີ່ວ່າ:ບາກບັ່ນສູ້ຊົນສ້າງພາລະກິດ.
"ກ້ອນກຳລັງບາກບັ່ນສູ້ຊົນດ້ວຍເລືອດເນື້ອ" ທີ່ຍ່າງມາຫາພວກເຮົານັ້ນ ປະກອບດ້ວຍ 2400 ກວ່າຄົນ. ກ້ອນກຳລັງນີ້ໄດ້ສະແດງໃຫ້ເຫັນຂະບວນການປະຕິວັດຂອງປະຊາຊົນຈີນ ທີ່ຢູ່ໃຕ້ການນຳພາຂອງພັກຄອມມູນິຈີນ ເພື່ອສ້າງ ສາປະເທດຈີນໃຫມ່. ໃນກ້ອນກຳລັງນີ້ມີປະຊາຊົນຈີນ 100 ຄົນທີ່ມີອາຍຸເຊັ່ນດຽວກັນກັບປະທດຈີນໃຫມ່. ເຂົາເຈົ້າຖືພວງມາລາຍ່າງຢູ່ຂ້າງລົດທີ່ປະດັບປະດາມີອະ ນຸສາວະລີວິລະຊົນປະຊາຊົນ. ພ້ອມກັນນັ້ນ,ຮູບພາບເບື້ອງຫລັງຢູ່ສະຫນາມຫລວງກໍ່ກາຍເປັນໂຕຫນັງສືທີ່ວ່າ: ສະແດງຄວາມເຄົາລົບຕໍ່ວິລະຊົນປະຊາຊົນ.
ລົດປະດັບຂອງກ້ອນກຳລັງບາກບັ່ນສູ້ຊົນດ້ວຍເລືອດເນື້ອ ແມ່ນລົດທີ່ຍາວກວ່າຫມູ່ໃນລົດປະດັບທີ່ເຂົ້າຮ່ວມການເດີນຂະບວນສວນສະໜາມ, ຍາວ 31 ແມັດ, ກວ້າງ 15 ແມັດ. ຢູ່ນອກລົດປະດັບໄດ້ຫ້ອຍມີຫລຽນໄຊ 1 ສິງຫາ ທີ່ມອບໃຫ້ຜູ່ສ້າງຜົນງານໃນສະໄຫມສົງຄາມປະຕິວັດທີ່ດິນຂອງຈີນ,ຫລຽນໄຊເອກະລາດ ອິດ ສະຫລະພາບທີ່ມອບໃຫ້ຜູ້ມີຄຸນງາມຄວາມດີໃນສະໄຫມສົງຄາມຕໍ່ຕ້ານຍີ່ປຸ່ນແລະຫລຽນໄຊປົດປ່ອຍທີ່ມອບໃຫ້ຜູ້ມີຄຸນງາມຄວາມດີໃນສະໄຫມສົງຄາມປົດ ປ່ອຍຊາດ. ຫລຽນໄຊສາມຫຼຽນນີ້ໄດ້ສະແດງໃຫ້ເຫັນຂະບວນວິວັດປະຕິວັດຂອງຈີນ. ນັກຮົບເກົ່າທີ່ເຄີຍສ້າງຜົນງານໃນການສ້າງຕັ້ງປະເທດຈີນໃຫມ່ 20 ທ່ານໄດ້ ຢືນຢູ່ເທິງລົດ.
ດຽວນີ້,ແມ່ນກ້ອນກຳລັງທີ່ຊື່ວ່າ:ສ້າງດິນແດນໃຫມ່ທີ່ປະກອບດ້ວຍ 2700 ຄົນ, ເຂົາເຈົ້າໄດ້ຊູຜ້າໄຫມສີແດງ,ແລະຍ່າງຢູ່ອ້ອມຂ້າງຮູບພາບແຜ່ນໃຫຍ່ຂອງທ່ານເຫມົາເຈີຕົ່ງທີ່ເປັນຜູ່ສ້າງຕັ້ງປະເທດຈີນໃຫມ່. ໃນຂະນະນີ້, ຮູບພາບເບື້ອງຫລັງຢູ່ສະຫນາມຫລວງກໍ່ກາຍເປັນໂຕຫນັງສືຄື:ສັງຄົມນິຍົມດີ.
ທ່ານເຫມົາເຈີຕົ່ງແມ່ນໃຈກາງຂອງຄະນະນຳສູນກາງພັກຄອມມູນິດຈີນຮຸ່ນທຳອິດ, ທ່ານໄດ້ນຳພາພັກຄອມມູນິດຈີນ, ສ້າງເສັ້ນທາງທີ່ຈາກຊົນນະບົດໄປປິດລ້ອມຕົວເມືອງ, ຍາດເອົາອຳນາດການປົກຄອງດ້ວຍກຳລັງອາວຸດ, ສ້າງແນວຄິດເຫມົາເຈີຕົງ,ແລະສະຖາປະນາສາທາລະນະລັດປະຊາຊົນຈີນ.
ໃນມື້ນີ້ເມື່ອ 60 ປີກ່ອນ,ຢູ່ສະຫນາມຫລວງທ່ຽນອ່ານມີນ, ທ່ານເຫມົາເຈີຕົງໄດ້ປະກາດຕໍ່ທົ່ວໂລກວ່າ: ລັດຖະບານປະຊາຊົນສູນກາງຂອງສາທາລະນະລັດປະຊາຊົນຈີນສ້າງຕັ້ງຂຶ້ນໃນມື້ນີ້.
ການສ້າງຕັ້ງປະເທດຈີນໃຫມ່ນັ້ນໄດ້ປົດປ່ອຍແລະພັດທະນາກຳລັງການຜະ ລິດ, ໄດ້ປ່ຽນປະເທດຈີນເກົ່າທີ່ເຄິ່ງສັກດີນາເຄິ່ງລ່າເມືອງຂຶ້ນທີ່ຖືກຕ່າງປະເທດຂົ່ມເຫງຮ້ອຍກວ່າປີນັ້ນ ໃຫ້ກາຍເປັນປະເທດຈີນສັງຄົມນິຍົມໃຫມ່ ທີ່ເປັນເອກະ ລາດ, ປະຊາຊົນເປັນເຈົ້າບ້ານຄອງເມືອງ, ເຮັດໃຫ້ປະຊາຊົນຈີນເດີນໄປສູ່ຄວາມເປັນເອກະລາດແລະຮັ່ງມີເຂັ້ມແຂງ.
ດຽວນີ້ແມ່ນກ້ອນກຳລັງ "ສ້າງພາລະກິດດ້ວຍຄວາມທໍລະຫົດອົດທົນ" ທີ່ປະກອບດ້ວຍ 3300 ກວ່າຄົນພວມຍ່າງມາ. ໃນລົດປະດັບຂອງກ້ອນກຳລັງນີ້, ມີຜູ້ຕາງໜ້າແບບຢ່າງຜູ່ອອກແຮງງານ 20 ຄົນໃນແຕ່ລະສະໄຫມ ນັບແຕ່ສ້າງຕັ້ງ ປະເທດຈີນໃຫມ່ມານີ້. ກໍ່ຍ້ອນມີປະຊາຊົນຜູ່ອອກແຮງງານອັນໄພສານທີ່ມີພວກເພິ່ນເປັນຕົວແທນ, ອີງໃສ່ມືທັງສອງທີ່ດຸຫມັ່ນໄດ້ສ້າງຜົນງານຢ່າງຫລວງຫລາຍໃນການສ້າງສາປະເທດຈີນໃຫມ່. ຮູບຈຳລອງ "ຂົວແມ່ນ້ຳຢາງຊີກຽງ" ແລະອື່ນໆທີ່ຕິດຕັ້ງຢູ່ເທິງລົດປະດັບນັ້ນກໍ່ແມ່ນຜົນງານພົ້ນເດັ່ນ.
ໃນໄລຍະຫາກໍ່ສ້າງຕັ້ງປະເທດຈີນໃຫມ່, ປະຊາຊົນຈີນໃຊ້ສອງມືເປົ່າ ບາກບັ່ນສູ້ຊົນ ຜ່ານຜ່າຄວາມຫຍຸ້ງຍາກຕ່າງໆ. ປີ 1959, ຈີນໄດ້ຊອກເຫັນບໍ່ນ້ຳມັນເຊື້ອໄຟຢູ່ເມືອງຕ້າຊິ້ງ,ທາງພາກຕາເວັນອອກສຽງເຫນືອຂອງຈີນ, ອັນໄດ້ສິ້ນສຸດປະຫວັດສາດຂາດນ້ຳມັນເຊື້ອໄຟຂອງຈີນຢ່າງເຖິງຖອງ. ປີ 1964, ລູກລະເບີດປະລະມານູລູກທຳອິດຂອງຈີນລະເບີດຂຶ້ນຢ່າງສຳເລັດຜົນ, ປີ 1967, ລູກລະເບີດອິໂຕຼແຊນລູກທຳອິດລະເບີດຢ່າງສຳເລັດຜົນ, ປີ 1968, ຂົວແມ່ນ້ຳຢາງຊີກຽງຢູ່ເມືອງນານກິ່ງໄດ້ສ້າງສຳເລັດ, ປີ 1970, ດາວທຽມໜ່ວຍທຳອິດຂອງຈີນຂຶ້ນສູ່ອະວະກາດ,ທັງຫມົດເຫລົ່ານີ້ລ້ວນແຕ່ແມ່ນສັນຍະລັກທີ່ປະຊາຊົນຈີນສ້າງສາປະເທດດ້ວຍກຳລັງຂອງຕົນເອງ.
ໃນດ້ານການຕ່າງປະເທດ, ປີ 1953, ທ່ານໂຈ່ວເອີນລາຍ, ນາຍົກລັດຖະມົນ ຕີໃນຄາວນັ້ນໄດ້ສະເຫນີຫລັກ 5 ປະການຢູ່ຮ່ວມກັນໂດຍສັນຕິ,ປີ 1971, ປະເທດຈີນໃຫມ່ໄດ້ຟື້ນຟູທີ່ນັ່ງທີ່ຊອບດ້ວຍກົດໝາຍຢູ່ສະຫະປະຊາຊາດ.
