ພາກທີສອງ: ການປະຕິຮູບແລະໄຂປະຕູສູ່ພາຍນອກ
-----------------------------------------------------------------------------------------------------------------
ທີ່ທ່ານຈະໄດ້ເຫັນໃນຕໍ່ໄປນີ້ແມ່ນການເດີນສວນສະໜາມຂອງມວນຊົນທີ່ມີຫົວຂໍ້ທີສອງຄື:ການປະຕິຮູບແລະໄຂປະຕູສູ່ພາຍນອກ.
ດຽວນີ້ແມ່ນກ້ອນກຳລັງທີ່ຊື່ວ່າ "ເລື່ອງໃນລະດູໃບໄມ້ປົ່ງ" ທີ່ປະກອບດ້ວຍ ປະມານ 3000 ຄົນ,ເຂົາເຈົ້າຍ່າງຢູ່ອ້ອມຂ້າງຮູບພາບແຜ່ນໃຫຍ່ຂອງທ່ານເຕິ້ງ ສຽວຜິງ, ຜູ່ອອກແບບການປະຕິຮູບແລະໄຂປະຕູສູ່ພາຍນອກຂອງຈີນ ເດີນເຂົ້າສູ່ໃຈກາງສະຫນາມຫລວງທ່ຽນອ່ານເມີນ, ຂະນະນີ້ ເບື້ອງຫລັງຂອງສະຫນາມຫລວງກໍ່ປ່ຽນເປັນຄຳວ່າ: ປົດປ່ອຍແນວຄິດ.
ທ່ານເຕິ້ງສຽວຜິງແມ່ນໃຈກາງຂອງຫມູ່ຄະນະນຳສູນກາງພັກຄອມມູນິດຈີນຮຸ້ນທີສອງ,ແລະກໍ່ແມ່ນຜູ່ອອກແບບການປະຕິຮູບແລະໄຂປະຕູສູ່ພາຍນອກແລະການສ້າງສາຈີນໃຫ້ທັນສະໄຫມ. ເດືອນທັນວາປີ 1978, ຈີນໄດ້ຈັດກອງປະຊຸມຄົບຄະນະຂອງພັກຄອມມູນິດຈີນຄັ້ງທີ 3 ຊຸດທີ 11,ທ່ານເຕິ້ງສຽວຜິງໄດ້ສະເໜີໃຫ້ປົດປ່ອຍແນວຄິດ,ສະແຫວງຫາສັດຈະຈາກຄວາມເປັນຈິງ,ແລະໄດ້ສະເໜີທິດສະດີສ້າງສາສັງຄົມນິຍົມທີ່ມີສີສັນພິເສດຂອງຈີນ. ຈາກນັ້ນມາ,ຈີນໄດ້ເຂົ້າສູ່ໄລຍະໃຫມ່ແຫ່ງການປະຕິຮູບແລະໄຂປະຕູສູ່ພາຍນອກ. ປີ 1979,ທ່ານເຕິ້ງສຽວຜິງລິເລີ່ມໃຫ້ສ້າງເຂດເສດຖະກິດພິເສດ,ເປີດປະຕູຂອງ 14 ຕົວເມືອງແຄມທະເລ, ພັດທະນາແລະເປີດປະຕູຂອງເຂດໃຫມ່ຜູຕົ່ງຂອງນະຄອນຊຽງໄຮ້,ຊຸກຍູ້ໃຫ້ຈີນເກີດມີ ສະຖາ ນະການເປີດປະຕູສູ່ພາຍນອກຢ່າງຮອບດ້ານ. ໃນກອງປະຊຸມໃຫຍ່ຄັ້ງທີ 15 ຂອງພັກຄອມມູນິດຈີນທີ່ໄຂຂຶ້ນໃນປີ 1997, ໄດ້ຂ້ອນໂຮມເອົາທິດສະດີ "ສ້າງສາສັງຄົມນິຍົມທີ່ມີສີສັນພິເສດຂອງຈີນ" ເຂົ້າເປັນທິດສະດີເຕິ້ງສຽວຜິງ.
ເພື່ອແກ້ໄຂບັນຫາຮົງກົງ,ມາເກົາແລະໄຕ້ຫວັນ, ບັນລຸການໂຮມປະເທດຊາດເປັນເອກະພາບກັນໂດຍສັນຕິ, ໂດຍອີງຕາມສະພາບຕົວຈິງ, ທ່ານເຕິ້ງສຽວຜິງໄດ້ສະເໜີແລວຄວາມຄິດທີ່ວ່າ"ປະເທດດຽວ,ສອງລະບອບ"ຢ່າງມີຫົວຄິດປະດິດສ້າງ. ອີງຕາມແລວຄວາມຄິດດັ່ງກ່າວ, ຮົງກົງໄດ້ກັບຄືນສູ່ປະເທດຈີນໃນປີ 1997, ມາເກົາກໍ່ໄດ້ກັບຄືນສູ່ປະເທດຈີນໃນປີ 1999 ແລ້ວ.
ໃນດ້ານການຕ່າງປະເທດ,ທ່ານເຕິ້ງສຽວຜິງໄດ້ສະເຫນີອອກມາວ່າ ສັນຕິ ພາບກັບການພັດທະນາແມ່ນສອງຫົວຂໍ້ໃຫຍ່ໃນໂລກປັດຈຸບັນ,ໄດ້ວາງນະໂຍບາຍ ການຕ່າງປະເທດທີ່ສັນຕິພາບ,ເອກະລາດແລະເປັນເຈົ້າຕົນເອງ. ຕັ້ງຫນ້າຂະ ຫຍາຍການພົວພັນມິດຕະພາບກັບປະເທດອ້ອມຂ້າງແລະ ປະເທດໂລກທີ 3, ສ້າງສະພາບການໃຫມ່ແຫ່ງການຕ່າງປະເທດຂອງຈີນ.
ຢູ່ໃນພຶດຕິກຳຕົວຈິງ,ປະຊາຊົນຈີນໄດ້ມີຄວາມຮັບຮູ້ຄືກັນ ນັ້ນກໍ່ຄື: "ເດີນຕາມເສັ້ນທາງຂອງຕົນ,ສ້າງສາສັງຄົມນິຍົມທີ່ມີສີສັນພິເສດຂອງຈີນ".
ທີ່ຍ່າງມານັ້ນແມ່ນກ້ອນກຳລັງຊູຄຳຂວັນປະຕິຮູບແລະໄຂປະຕູສູ່ພາຍນອກທີ່ປະກອບດ້ວຍ 3200 ກວ່າຄົນ,ເຂົາເຈົ້າໄດ້ຈັບເອົາຮວງເຂົ້າສີຮຸ່ງກິນນ້ຳເຈັດສີ,ຊູປ້າຍຄຳຂວັນໃຫຍ່ສອງປ້າຍຍ່າງໃກ້ເຂົ້າມາ,ເຊິ່ງປ້າຍຄຳຂວັນສອງປ້າຍນີ້ຕ່າງໄດ້ ຂຽນວ່າ: "ຍຶດຫມັ້ນທິດສະດີເຕິ້ງສຽວຜິງ", ແລະ "ຊຸກຍູ້ການປະຕິຮູບໄຂປະຕູສູ່ພາຍນອກແລະພາລະກິດສ້າງສາສັງຄົມນິຍົມທັນສະໄຫມ". ໃນຂະນະດຽວກັນນີ້, ຮູບພາບເບື້ອງຫລັງຢູ່ຕາມສະຫນາມຫລວງກໍ່ປ່ຽນເປັນຄຳທີ່ວ່າ: ປະຕິຮູບແລະໄຂປະຕູສູ່ພາຍນອກ.
ປີ 1978, ຊາວກະສິກອນຈີນໄດ້ເຊັນສັນຍາຮັບເຫມົາທີ່ດິນລາຍຄອບຄົວເປັນຄັ້ງທຳອິດ, ເພື່ອປະຕິບັດລະບົບຮັບເຫມົາການຜະລິດໃນຄອບຄົວ, ນີ້ເຮັດໃຫ້ຊາວກະສິກອນໄດ້ຮັບສິດຕັດສິນການຜະລິດແລະແບ່ງປັນ, ນະໂຍບາຍດັ່ງກ່າວເຮັດໃຫ້ຊາວກະສິກອນມີຄວາມຫ້າວຫັນໃນການເຮັດໄຮ່ໄຖນາ. ຈາກນັ້ນມາ, ຈີນໄດ້ຄ່ອຍໆແກ້ໄຂບັນຫາກິນອິ່ມນຸ່ງອຸ່ນຂອງປະຊາຊົນທົ່ວປະເທດຢ່າງສຳເລັດຜົນ.
ປີ 1980, ຢູ່ເມືອງເສີນເຈິ້ນ,ເມືອງຈູ່ຫາຍ,ເມືອງຊົວທາວແລະເມືອງເຊ້ຍເມີນທີ່ເປັນເມືອງແຄມທະເລທາງພາກຕາເວັນອອກສຽງໃຕ້ຂອງຈີນ ໄດ້ສ້າງເປັນເຂດ ເສດຖະກິດພິເສດ, ກາຍເປັນປ່ອງຢ້ຽມແລະບ່ອນທົດລອງການປະຕິຮູບແລະໄຂປະຕູສູ່ພາຍນອກຂອງຈີນ. ການສ້າງຕັ້ງເຂດເສດຖະກິດພິເສດກໍໄດ້ມີຜົນສະທ້ອນອັນໃຫຍ່ຫຼວງຕໍ່ການພັດທະນາເສດຖະກິດຂອງຈີນ,ກາຍເປັນຈຸດເຕີບໂຕຕົ້ນຕໍອັນໃຫມ່ຂອງເສດຖະກິດຈີນ.
ໃນຂະນະດຽວກັນນີ້, ຈີນກໍ່ໄດ້ຮັບຜົນງານພົ້ນເດັ່ນຢ່າງຫຼວງຫລາຍໃນຂົງເຂດອື່ນໆ. ປີ 1984, ທ້າວສີຫ້າຍເຟິ່ງ, ນັກກິລາຍິງປືນຂອງຈີນ ຊິງໄດ້ຫລຽນຄຳໃນງານກິລາໂອແລັມປິກທີ່ໂລສແອນເຈີລິສ,ເຮັດໃຫ້ຈີນໄດ້ຮັບຫລຽນຄຳຫຼຽນທຳອິດໃນງານກິລາໂອແລັມປິກ.
ທີ່ທ່ານໄດ້ເຫັນນີ້ແມ່ນການຟ້ອນຫມູ່ຄະນະຂະຫນາດໃຫຍ່ທີ່ມີ 676 ຄົນຮ່ວມກັນສະແດງທີ່ມີຊື່ວ່າ: ຈີນໃນໄວຄະນອງ. ນັກສະແດງຈັບເອົາແຜ່ນໄຫມສີແດງ, ສະແດງໃຫ້ເຫັນຄວາມຈູບຈ້າວຫ້າວຫັນຂອງຊາວຫນຸ່ມຮຸ້ນໃໝ່ຈີນ.
ປີ 1977, ຈີນໄດ້ຟື້ນຟູປະຕິບັດລະບອບການເສັງເຂົ້າມະຫາວິທະຍາໄລທີ່ຂາດສະບັ້ນໄປເປັນເວລາ 10 ປີ, ນີ້ບໍ່ພຽງແຕ່ໄດ້ປ່ຽນແປງຊະຕາກຳຂອງຄົນຮຸ່ນຫນຶ່ງທໍ່ນັ້ນ, ຍັງໄດ້ປ່ຽນແປງຊະຕາກຳຂອງປະເທດຈີນອີກດ້ວຍ.
ໃນຂະບວນການປະຫວັດສາດທີ່ຈີນດຳເນີນການປະຕິຮູບແລະໄຂປະຕູສູ່ພາຍນອກ, ຊາວຫນຸ່ມມີແນວຄິດຟົດຟື້ນ, ມີສາຍຕາອັນກວ້າງໄກ, ທັງມີຈິດໃຈປະດິດສ້າງໃຫມ່, ເຂົາເຈົ້າທຸ້ມເທເຫື່ອແຮງເຂົ້າໃນພຶດຕິກຳແຫ່ງການສ້າງສາປະເທດຊາດດ້ວຍຄວາມຫ້າວຫັນ, ເຕີບໃຫຍ່ມາເປັນກຳລັງໃໝ່ແລະຫລັກແຫລ່ງຂອງການພັດທະນາຂອງຊາດ.