ພາກທີສາມ:ກ້າວຂ້າມສະຕະວັດ
-----------------------------------------------------------------------------------------------------------------
ດຽວນີ້, ການເດີນຂະບວນສວນສະໜາມຂອງມວນຊົນໄດ້ເຂົ້າສູ່ພາກທີສາມທີ່ມີຫົວຂໍ້ວ່າ: ຂ້າມສະຕະວັດ. ກ້ອນກຳລັງທີ່ຢູ່ທາງຫນ້າມີຊື່ວ່າ "ເຂົ້າສູ່ສະໄຫມໃຫມ່". ຄົນທັງຫລາຍໄດ້ອ້ອມຊູຮູບຖ່າຍແຜ່ນໃຫຍ່ຂອງທ່ານຈ່ຽງເຈີມີນ,ໃຈກາງຫມູ່ຄະນະນຳສູນກາງພັກຄອມມູນິດຈີນຮຸ້ນທີສາມ ເດີນຜ່ານສະຫນາມຫລວງ.ໄລ ຍະດຳລົງຕຳແຫນ່ງຂອງທ່ານຈ່ຽງເຈີມີນຈາກທ້າຍສະຕະວັດທີ 20 ຂ້າມໄປສູ່ຕົ້ນສະຕະວັດທີ 21, ສະນັ້ນ, ກ້ອນກຳລັງນີ້ຈຶ່ງຕັ້ງຊື່ເປັນກ້ອນກຳລັງຂ້າມສະຕະວັດ.
ປີ 1997, ເມື່ອໄດ້ຜ່ານຜ່າການປົກຄອງແບບລ່າເມືອງຂຶ້ນຂອງອັງກິດເປັນເວລາ 150 ປີແລ້ວ, ຮົງກົງໄດ້ກັບຄືສູ່ປະເທດຈີນ. ປີ 1999, ມາເກົາທີ່ຖືກປອກຕຸຍການຍຶດຄອງເປັນເມືອງຂຶ້ນນັ້ນກໍ່ໄດ້ກັບຄືນສູ່ປະເທດຈີນ. ຈີນໄດ້ປະຕິບັດນະໂຍ ບາຍ "ປະເທດດຽວສອງລະບອບ" ຢູ່ຮົງກົງແລະມາເກົາ, ພຶດຕິກຳໃນຫລາຍປີມານີ້ສະແດງໃຫ້ເຫັນວ່າ, ນະໂຍບາຍ"ປະເທດດຽວສອງລະບອບ"ແມ່ນສຳເລັດຜົນແລະສອດຄ່ອງກັບສະພາບຕົວຈິງຂອງຈີນ,ແລະໄດ້ສ້າງພື້ນຖານອັນຫມັ້ນແກ່ນໃຫ້ແກ່ການໂຮມປະເທດຈີນເຂົ້າເປັນເອກະພາບກັນຢ່າງຮອບດ້ານ.
ປີ 2001, ຈີນໄດ້ເຂົ້າຮ່ວມອົງການການຄ້າໂລກ, ເສດຖະກິດຂອງຈີນໄດ້ ຮັກສາການເຕີບໂຕຢ່າງວ່ອງໄວຕະຫຼອດມາ,ເຊິ່ງສະເລ່ຍແລ້ວເຕີບໂຕ 10% ຂຶ້ນໄປຕໍ່ປີ.