ກ້ອນກຳລັງຄຳຂວັນ
-----------------------------------------------------------------------------------------------------------------
ທີ່ຍ່າງມານັ້ນແມ່ນກ້ອນກຳລັງຄຳຂວັນ,ຄຳຂວັນສອງຄຳທີ່ກ້ອນກຳລັງນີ້ຊູຂຶ້ນນັ້ນແມ່ນ: ສ້າງສາສັງຄົມທີ່ອິ່ມໜຳສຳລານໃນລະດັບກາງຢ່າງຮອບດ້ານ, ແລະຍຶດຫມັ້ນແນວຄິດສາມຕົວແທນທີ່ສຳຄັນ.
ໃນກອງປະຊຸມຄົບຄະນະຂອງສູນກາງພັກຄອມມູນິດຈີນຄັ້ງທີ 5 ຊຸດທີ 15 ທີ່ໄຂຂຶ້ນໃນປີ 2000,ໄດ້ສະເຫນີອອກມາວ່າ, ເລີ່ມແຕ່ສະຕະວັດໃຫມ່ເປັນຕົ້ນໄປ, ຈີນຈະເຂົ້າສູ່ໄລຍະພັດທະນາອັນໃຫມ່ແຫ່ງການສ້າງສາສັງຄົມທີ່ອິ່ມໜຳສຳລານໃນລະດັບກາງຢ່າງຮອບດ້ານ, ແລະເລັ່ງລັດຊຸກຍູ້ການສ້າງສາສັງຄົມນິຍົມທັນສະໄຫມ. ປີ 2002, ພັກຄອມມູນິດຈີນໄດ້ກຳນົດຫນ້າທີ່ທີ່ອິ່ມໜຳສຳລານໃນລະດັບກາງຢ່າງຮອບດ້ານຂອງຈີນໃນ 20 ປີຂ້າງຫນ້ານີ້. ເຊິ່ງລວມທັງ:ໃຫ້ເສດຖະກິດພັດທະນາຫລາຍກວ່າເກົ່າ,ສ້າງປະຊາທິປະໄຕໃຫ້ສົມບູນກວ່າເກົ່າ, ໃຫ້ວິທະຍາ ສາດແລະການສຶກສາກ້າວຫນ້າກວ່າເກົ່າ, ວັດທະະນະທຳຮຸ່ງເຮືອງກວ່າເກົ່າ, ສັງ ຄົມກົມກຽວກວ່າເກົ່າ, ແລະປະຊາຊົນມີຊີວິດການເປັນຢູ່ທີ່ຜາສຸກກວ່າເກົ່າ.
ທ່ານຈ່ຽງເຈີມີນໄດ້ປະດິດສ້າງແນວຄິດສາມຕົວແທນນັ້ນກໍ່ຄື: ພັກຄອມມູນິດຈີນແມ່ນຕົວແທນໃຫ້ແກ່ຄວາມຕ້ອງການຂອງການພັດທະນາກຳລັງການຜະລິດທີ່ກ້າວຫນ້າຂອງຈີນແຕ່ຕົ້ນຕະຫຼອດປາຍ, ເປັນຕົວແທນໃຫ້ແກ່ທິດກ້າວໄປຫນ້າຂອງວັດທະນະທຳຈີນ,ເປັນຕົວແທນໃຫ້ແກ່ຜົນປະໂຫຍດພື້ນຖານຂອງປະຊາຊົນຈີນທີ່ກວ້າງໃຫຍ່ໄພສານ. ແນວຄິດສາມຕົວແທນແມ່ນກົກຮາກຂອງການສ້າງພັກຄອມມູນິດຈີນ, ແມ່ນພື້ນຖານຂອງການກຳອຳນາດ, ແມ່ນແຫລ່ງທີ່ມາຂອງກຳລັງແຮງ. ພາຍໃຕ້ການຊີ້ນຳຂອງແນວຄິດສາມຕົວແທນ, ພັກຄອມມູນິດຈີນໄດ້ນຳພາປະຊາຊົນບັນດາເຜົ່າໃນທົ່ວປະເທດຈີນ ມີການກ້າວຫນ້າໃຫມ່ໃນຂະບວນວິວັດອັນຍິ່ງໃຫຍ່ແຫ່ງການສ້າງສາສັງຄົມທີ່ອີ່ມໜຳສຳລານໃນລະດັບກາງຢ່າງ ຮອບ ດ້ານ.