ກ້ອນກຳລັງການສະແດງ
-----------------------------------------------------------------------------------------------------------------
ຢູ່ຫຼັງກ້ອນກຳລັງຂອງມວນຊົນແມ່ນການຟ້ອນຂະຫນາດໃຫຍ່ທີ່ໃສ່ຊື່ວ່າ: ກ້າວຂ້າມສະຕະວັດ. ນັກຟ້ອນເພດຊາຍ 600 ກວ່າຄົນໄດ້ຟ້ອນໃຫ້ເຫັນເຖິງຟອງນ້ຳຂອງແມ່ນ້ຳຢາງຊີກຽງທີ່ສະຫງ່າງາມ,ກໍເປັນສັນຍະລັກສະແດງໃຫ້ເຫັນວ່າ,ກຳປັ່ນແຫ່ງການປະຕິຮູບແລະໄຂປະຕູສູ່ພາຍນອກຂອງຈີນພວມເດີນໄປສູ່ສະຕະວັດທີ 21 ທີ່ໃຫມ່ອ່ຽມ.
ພາກທີ 4: ການພັດທະນາຕາມຫຼັກວິທະຍາສາດ
ດຽວນີ້ ການເດີນຂະບວນສວນສະໜາຂອງມວນຊົນໄດ້ເຂົ້າສູ່ພາກທີ 4, ຫົວຂໍ້ຂອງພາກນີ້ແມ່ນ: "ການພັດທະນາຕາມຫຼັກວິທະຍາສາດ", ກ້ອນກຳລັງເດີນສວນສະໜາມໄດ້ເດີນມາໂດຍປິ່ນອ້ອມຮູບໃຫຍ່ຂອງທ່ານຫູຈິນທ່າວ, ຜູ້ນຳສູງສຸດຂອງຈີນໃນປະຈຸບັນ.
ໃນໄລຍະກຳອຳນາດ, ຄະນະນຳຊຸດໃໝ່ຂອງພັກຄອມມູນິດຈີນທີ່ມີທ່ານຫູຈິນທ່າວເປັນເລຂາທິການໃຫຍ່ສູນກາງພັກຄອມມູນິດຈີນ, ໄດ້ຜ່ານຜ່າການທົດສອບຕ່າງໆ, ແລະກໍ່ໄດ້ສ້າງສິ່ງມະຫັດສະຈັນເທື່ອແລ້ວເທື່ອອີກ. ເຊັ່ນ, ພະຍາດ ອັກເສບປອດຮຸນແຮງຫຼືSARSໃນປີ 2003, ໄພຫິມະແລະນ້ຳກ້າມແລະແຜ່ນດິນໄຫວແຮງຢູ່ເມືອງເວິ້ນສວນແຂວງເສສວນໃນປີ 2008, ລ້ວນແຕ່ເຮັດໃຫ້ປະຊາຊົນຈີນໄດ້ປະສົບການທົດສອບທີ່ບໍ່ເຄີຍມີມາກ່ອນ.
ພາຍຫຼັງແຜ່ນດິນໄຫວເກີດຂຶ້ນຢູ່ເມືອງເວິ້ນສວນ 3 ເດືອນ, ໃນເດືອນສິງຫາປີ 2008, ງານກິລາໂອແລັມປິກລະດູຮ້ອນຄັ້ງທີ 29 ໄດ້ຈັດຂຶ້ນຢູ່ນະຄອນຫຼວງປັກກິ່ງຢ່າງສຳເລັດຜົນ. ງານກິລາໂອແລັມປິກປັກກິ່ງໄດ້ເປີດປະຕູໃໝ່ໃຫ້ໂລກເພື່ອຮັບຮູ້ປະເທດຈີນ. ທ່ານຢາກ ໂຣກ, ປະທານຄະນະກຳມະການໂອແລັມປິກສາກົນຕີລາຄາວ່າ, ງານກິລາໂອແລັມປິກປັກກິ່ງແມ່ນງານກິລາໂອແລັມປິກທີ່ຫາອັນປຽບບໍ່ໄດ້ຢ່າງແທ້ຈິງ.
ຍາມໃດ,ຈີນກໍໄດ້ສ້າງສິ່ງມະຫັດສະຈັນໃນວິກິດການເລື້ອຍໆ. ນັບແຕ່ປີກາຍນີ້ເປັນຕົ້ນມາ, ເສດຖະກິດໂລກໄດ້ຊຸດໂຊມລົງ ຍ້ອນວິກິດການການເງິນ, ເສດ ຖະກິດຈີນ ກໍ່ໄດ້ຖືກຜົນກະທົບຈາກວິກິດການການເງິນສາກົນເຊັ່ນດຽວກັນ. ເພື່ອແກ້ໄຂວິກິດການ, ລັດຖະບານຈີນໄດ້ວາງມາດຕະການຕ່າງໆ, ໃນຫົກເດືອນຕົ້ນປີນີ້, ເສດຖະກິດຈີນໄດ້ຮັກສາຈັງຫວະເຕີບໂຕ 7,1%, ແລະເກີດມີທ່າອຽງດີຂຶ້ນ, ການພັດທະນາຕາມຫຼັກວິທະຍາສາດ ເຮັດໃຫ້ຈີນໄດ້ນຳໜ້າພົ້ນອອກຈາກຜົນກະ ທົບຂອງວິກິດການການເງິນ.
ທ່ານຫູຈິນທ່າວກ່າວວ່າ, ພະຍາຍາມບາກບັ່ນສູ້ຊົນເພື່ອຊີງເອົາໄຊຊະນະໃໝ່ໃນການສ້າງສາສັງຄົມອິ່ມໜຳສຳລານໃນລະດັບກາງຢ່າງຮອບດ້ານ,ແລະເປີດສັງ ກາດໃໝ່ແຫ່ງຊີວິດການເປັນຢູ່ອັນດີງາມຂອງປະຊາຊົນ.
