ກ້ອນກຳລັງການສະແດງ
-----------------------------------------------------------------------------------------------------------------
ຢູ່ຫຼັງກ້ອນກຳລັງການເດີນສວນສະໜາມ, ແມ່ນການສະແດງການຟ້ອນສຸຍຊິ້ວແປວ່າແຂນເສື້ອນ້ຳຂະໜາດໃຫຍ່ທີ່ມີຊື່ວ່າ "ອວຍພອນປະເທດຊາດ", ການຟ້ອນ ແຂນເສື້ອນ້ຳ ມາຈາກການຟ້ອນຂອງສິລະປະງິ້ວຂອງຈີນ. ຢູ່ປາກແຂນເສື້ອຂອງນັກສະແດງຕິດຜ້າໄໝສີຂາວແຜ່ນໜຶ່ງ, ເມື່ອຟ້ອນຂຶ້ນມາຄ້າຍຄືກັບຄື້ນນ້ຳ, ສະນັ້ນຈຶ່ງໄດ້ຊື່ວ່າ "ສຸຍຊິ້ວ", ແປວ່າແຂນເສື້ອນ້ຳ.
ພວກເຮົາໄດ້ເຫັນວ່າ, ເນື່ອງໃນໂອກາດປະເທດຈີນໃໝ່ສ້າງຕັ້ງຂຶ້ນຄົບຮອບ 60 ປີ ນັກສະແດງໃນກ້ອນກຳລັງນີ້, ໃຊ້ມືຈັບດອກໂບຕັນທີ່ບານຂຶ້ນ, ຟ້ອນແຂນເສື້ອທີ່ງາມຕາ, ເພື່ອອວຍພອນໃຫ້ປະເທດຊາດສຸກສັນວັນເກີດ, ປະຊາຊົນທັງປວງມີສຸຂະພາບເຂັ້ມແຂງແລະຢູ່ເຢັນເປັນສຸກ.
ພາກທີ 5: ຜົນສຳເລັດທີ່ສະຫງ່າລາສີ
ດຽວນີ້ການເດີນຂະບວນສວນສະໜາມຂອງມວນຊົນໄດ້ເຂົ້າສູ່ພາກທີ 5 ແລ້ວ. ຫົວຂໍ້ພາກນີ້ແມ່ນ: "ຜົນສຳເລັດອັນສະຫງ່າລາສີ". ໃນ 60 ປີມານີ້, ຈີນໄດ້ມີ ການປ່ຽນແປງແບບໜ້າມືເປັນຫຼັງມື. ການເດີນຂະບວນສວນສະໜາມຂອງມວນຊົນພາກນີ້, ກໍຈະສະແດງໃຫ້ເຫັນຜົນສຳເລັດດ້ານຕ່າງໆຂອງຈີນ.