ກ້ອນກຳລັງການພັດທະນາດ້ານກະສິກຳ
-----------------------------------------------------------------------------------------------------------------
ຢູ່ນຳໜ້າ ແມ່ນກ້ອນກຳລັງການພັດທະນາດ້ານກະສິກຳ ທີ່ປະກອບດ້ວຍຜູ້ແທນຊາວກະສິກອນ. ຢູ່ເທິງລົດປະດັບໄດ້ປະດັບປະດາດ້ວຍຮວງເຂົ້າທີ່ໃຫຍ່, ມີຄວາມໝາຍວ່າມີຜົນເກັບກ່ຽວອັນອຸດົມສົມບູນ. ທ່ານຢວນລົງພີງ, ບັນດິດສະພາ ບັນດິດວິສະວະກຳຈີນທີ່ໄດ້ນາມມະຍົດເປັນ"ບິດາເຂົ້າພັນປະສົມ" ກໍ່ຢືນຢູ່ເທິງລົດ.
ຈີນແມ່ນປະເທດໃຫຍ່ດ້ານກະສິກຳ, ມີຊາວກະສິກອນ 800 ລ້ານຄົນ. ກະ ສິກຳແມ່ນພື້ນຖານຂອງເສດຖະກິດແຫ່ງຊາດ. ການພັດທະນດ້ານກະສິກຳໃນ 60 ປີມານີ້, ສາມາດເວົ້າໄດ້ວ່າ ຈີນໄດ້ສ້າງສິ່ງມະຫັດສະຈັນອັນໜຶ່ງ, ນັ້ນກໍຄືໃຊ້ດິນປູກຝັງ 7% ຂອງໂລກລ້ຽງປະຊາກອນ 22% ຂອງໂລກ. ໃນໄລຍະເບື້ອງຕົ້ນທີ່ປະເທດຈີນໃໝ່ຫາກໍ່ສ້າງຕັ້ງຂຶ້ນ, ກະສິກຳແມ່ນຢູ່ໃນສະພາບຫຼ້າຫຼັງທີ່ສຸດ.
ການພັດທະນາກະສິກຳຂອງຈີນມີການພົວພັນກັບນະໂຍບາຍກະສິກຳຕ່າງໆຂອງລັດຖະບານຈີນ. ຫຼັງຈາກປະເທດຈີນໃໝ່ສ້າງຕັ້ງຂຶ້ນແລ້ວ, ຈີນໄດ້ຊຸກຍູ້ການປະຕິຮູບທີ່ດິນຢ່າງຮອບດ້ານ, ຊາວກະສິກອນໄດ້ຮັບທີ່ດິນເປັນຄັ້ງທຳອິດໃນປະ ຫວັດສາດ. ໃນຊຸມປີ 1980, ຊົນນະບົດຈີນເລີ່ມປະຕິບັດມາດຕະການທີ່ເອົາທີ່ດິນທັງໝົດທີ່ເປັນກຳມະສິດຮວມໝູ່ນັ້ນມອບໃຫ້ຄອບຄົວຊາວກະສິກອນຮັບເໝົາ ເປັນໄລຍະຍາວ, ໃຫ້ເຂົາເຈົ້າຮັບຜິດຊອບຜົນໄດ້ຜົນເສຍໂດຍຕົນເອງ. ໃນປີ 2005, ຈີນກໍ່ໄດ້ຍົກເລີກອາກອນກະສິກຳທີ່ປະຕິບັດມາໄດ້ 2000 ກວ່າປີແລ້ວ.ຍ້ອນວ່າຈີນໄດ້ຮັກສາລະດັບຕ່ຳສຸດທີ່ຢ່າງໜ້ອຍຕ້ອງມີດິນປູກຝັງ 120 ລ້ານເຮັກຕານັ້ນຢ່າງເດັດຂາດຕະຫຼອດມາ, ບວກກັບວ່າ ໄດ້ປູກເຂົ້າດ້ວຍວິທະຍາສາດເຕັກນິກກະສິກຳທັນສະໄໝ, ຈີນໄດ້ຮັບປະກັນຄວາມປອດໄພດ້ານທັນຍາຫານ. ຈີນໄດ້ແກ້ໄຂບັນຫາເຂົ້າກິນຂອງປະຊາກອນ 1 ຕື້ 300 ລ້ານຄົນ, ນີ້ກໍ່ແມ່ນການປະກອບສ່ວນອັນໃຫຍ່ຫຼວງຂອງຈີນເຂົ້າໃນການພັດທະນາຂອງມວນມະນຸດ
