ກ້ອນກຳລັງອຸດສາຫະກຳ
-----------------------------------------------------------------------------------------------------------------
ກ້ອນກຳລັງທີ່ພວມຍ່າງມາແມ່ນປະກອບດ້ວຍກຳມະກອນແລະຊາວກະສິ ກອນທີ່ເຮັດວຽກໃນຕົວເມືອງ. ຢູ່ເທິງລົດປະດັບມີໝາກເຟືອງທີ່ໝາຍເຖິງແມ່ແຮງກ້າວໄປໜ້າທີ່ບໍ່ເຫືອດແຫ້ງຂອງອຸດສາຫະກຳຈີນ.
ໃນໄລຍະທີ່ປະເທດຈີນໃໝ່ຫາກໍ່ສ້າງຕັ້ງຂຶ້ນ, ພື້ນຖານອຸດສາຫະກຳອ່ອນແອທີ່ສຸດ.
ເມື່ອຜ່ານການພັດທະນາເປັນເວລາ 60 ປີ, ອຸດສາຫະກຳຂອງຈີນໄດ້ມີການປ່ຽນແປງໃນດ້ານທາດແທ້, ໄດ້ສ້າງລະບົບອຸດສາຫະກຳທັນສະໄໝເທື່ອລະກ້າວ. ປະຈຸບັນ, ຈີນໄດ້ເປັນປະເທດໃຫຍ່ທີໜຶ່ງໃນໂລກໃນດ້ານຜະລິດເຫຼັກກ້າເປັນເວລາ 10 ກວ່າປີລຽນຕິດ. ໃນໄລຍະເສດຖະກິດຊຸດໂຊມລົງປີ 2009, ປະລິມານຈຳໜ່າຍລົດຍົນຂອງຈີນໄດ້ເປັນທີໜຶ່ງໃນໂລກ 7 ເດືອນລຽນຕິດ. ຈີນໄດ້ຫັນຈາກປະເທດກະສິກຳທີ່ຫຼ້າຫຼັງກາຍມາເປັນປະເທດໜຶ່ງທີ່ມີລະດັບກາງຂອງ ອຸດສາຫະກຳ. ບົນພື້ນຖານທີ່ເປັນເອກະລາດເປັນເຈົ້າຕົນເອງ, ຍຶດໝັ້ນເດີນຕາມເສັ້ນທາງຫັນເປັນອຸດສາຫະກຳແບບໃໝ່ທີ່ມີສີສັນພິເສດຂອງຈີນ,ແລະພະຍາຍາມ ຊຸກຍູ້ການຫັນເປັນຂໍ້ມູນຂ່າວສານປະສານສົມທົບກັບການຫັນເປັນອຸດສາຫະກຳ.
ບາງຄົນເວົ້າວ່າ, ຈີນໄດ້ໃຊ້ເວລາ 60 ປີສຳເລັດຂະບວນການຫັນເປັນອຸດສາ ຫະກຳທີ່ປະເທດພັດທະນາແລ້ວໃຊ້ເວລາ 200 ຫາ 300 ປີຈຶ່ງສຳເລັດ, ສົມຊື່ເປັນສິ່ງມະຫັດສະຈັນທີ່ບໍ່ເຄີຍມີມາກ່ອນໃນປະຫວັດມວນມະນຸດ.
