ກ້ອນກຳລັງຄົມມະນາຄົມຂົນສົ່ງ
-----------------------------------------------------------------------------------------------------------------
ຜູ້ຕາງໜ້າຂະແໜງການຄົມມະນາຄົມຂົນສົ່ງພວມເດີນມາ,ກ້ອນກຳລັງນີ້ໄດ້ສະແດງໃຫ້ເຫັນຜົນງານດ້ານຄົມມະນາຄົມຂົນສົ່ງຂອງຈີນໃນ 60 ປີມານີ້.
ປະຈຸບັນ, ນອກຈາກເຄືອຂ່າຍອິນເຕີເນັດແລ້ວ, ຍັງມີເຄືອຂ່າຍອີກຊະນິດໜຶ່ງປົກຫຸ້ມທົ່ວປະເທດຈີນ, ນັ້ນກໍຄືເຄືອຂ່າຍຄົມມະນາຄົມຂົນສົ່ງທີ່ມີຢູ່ທາງບົກ, ທາງອາກາດແລະທາງນ້ຳ. ປະຈຸບັນຢູ່ຈີນ, ບໍ່ວ່າຢາກໄປບ່ອນໃດ, ເຄືອຂ່າຍຄົມມະນາຄົມນີ້ຈະອຳນວຍຄວາມສະດວກໃຫ້ການເດີນທາງຂອງປະຊາຊົນ.
ແຕ່ໃນ 60 ປີກ່ອນ, ທາງລົດໄຟຂອງຈີນທີ່ແລ່ນລົດໄດ້ມີແຕ່ 1 ໝື່ນກວ່າກິໂລແມັດເທົ່ານັ້ນ, ໃນທົ່ວປະເທດ ມີແຕ່ທາງຫຼວງ 3 ໝື່ນກວ່າກິໂລແມັດ, ການພັດທະນາຂອງຂະແໜງການຄົມມະນາຄົມຂົນສົ່ງຫຼຸດໂຕນຈາກປະເທດຕາເວັນຕົກເກືອບສະຕະວັດໜຶ່ງ.
ປະຈຸບັນ, ການກໍ່ສ້າງພື້ນຖານໂຄງລ່າງດ້ານຄົມມະນາຄົມ, ເຕັກນິກແລະເຄື່ອງອຸປະກອນຄົມມະນາຄົມຂົນສົ່ງຂອງຈີນໄດ້ຮັບການປັບປຸງໃຫ້ດີຂຶ້ນຢ່າງຫຼວງຫຼາຍ, ປະລິມານຂັບຖ່າຍສິນຄ້າໃນທ່າກຳປັ່ນທົ່ວປະເທດເປັນອັນດັບໜຶ່ງໃນໂລກ, ລວມຍອດໄລຍະທາງຫຼວງເປັນອັນດັບທີສອງໃນໂລກ, ລົດໄຟດ່ວນເລກ "ເຮີເຊຍ" ແປວ່າ "ກົມກຽວ" ທີ່ຈີນອອກແບບແລະຜະລິດເອງນັ້ນໄດ້ເປີດສັງກາດຄວາມໄວສູງຂອງທາງລົດໄຟຈີນ. ເຄື່ອງບິນອາຍພຸ່ນໄລຍະກາງແລະໄລຍະສັ້ນທີ່ຈີນຄົ້ນ ຄວ້າຜະລິດເອງກໍ່ໄດ້ເລີ່ມເປີດບໍລິການແລ້ວ. ຄົມມະນາຄົມໄດ້ປ່ຽນແປງຈັງຫວະຊີວິດການເປັນຢູ່, ຄວາມໄວໄດ້ຫຼຸດໜ້ອຍໄລຍະທາງທີ່ຫ່າງໄກຈາກກັນ.