ກ້ອນກຳລັງອະນຸລັກສິ່ງແວດລ້ອມ
-----------------------------------------------------------------------------------------------------------------
ທີ່ພວມເດີນມາແມ່ນກ້ອນກຳລັງອະນຸລັກສິ່ງແວດລ້ອມທີ່ປະກອບດ້ວຍຜູ້ປະ ຕິບັດງານແລະອາສາສະໝັກອະນຸລັກສິ່ງແວດລ້ອມ, ຢູ່ເທິງລົດປະດັບ,ເດັກນ້ອຍຢອກຫຼິ້ນຢູ່ລະຫວ່າງທ້ອງຟ້າແຈ່ມໃສແລະນ້ຳທີ່ສະອາດ, ເຕີບໃຫຍ່ຢ່າງຜາສຸກໃນບ້ານສີຂຽວ. ຄຽງຄູ່ກັບການພັດທະນາດ້ານເສດຖະກິດແລະສັງຄົມຂອງຈີນ, ສະຕິອະນຸລັກສິ່ງແວດລ້ອມຂອງຊາວຈີນກໍ່ເພີ່ມຂຶ້ນເລື້ອຍໆ.
ໃນຊຸມປີ 1960, ຈີນໄດ້ປະກາດໃຊ້ຂໍ້ກຳນົດສັງລວມກ່ຽວກັບການອະນຸລັກສີ່ງແວດລ້ອມສະບັບທຳອິດ, ຮອດຊຸມປີ 1990, ການອະນຸລັກສິ່ງແວດລ້ອມໄດ້ຍົກຂັ້ນໄດຂຶ້ນເປັນນະໂຍບາຍແຫ່ງຊາດ. ຈີນຖືການບັນລຸການພັດທະນາແບບຍືນຍົງເປັນຍຸດທະສາດແຫ່ງຊາດ, ອອກແຮງຊຸກຍູ້ການສ້າງສາອາລະຍະທຳທຳມະຊາດ.
ປະຈຸບັນ, ການອະນຸລັກສິ່ງແວດລ້ອມ ໄດ້ກາຍເປັນຄ່ານິຍົມຂອງສາທາ ລະ ນະຊົນ. ໃນຫຼາຍຄອບຄົວຂອງຊາວຈີນ, ເມື່ອຮອດລະດູຮ້ອນ, ກໍຈະປະຕິບັດຕາມການກຳນົດຂອງລັດຖະບານທີ່ວ່າ "ປັບເຄື່ອງປັບອາກາດບໍ່ໃຫ້ຕ່ຳກວ່າ 26 ອົງສາໃນລະດູຮ້ອນ". ໃນການເດີນທາງ, ປະຊາຊົນກໍ່ເລີ່ມນິຍົມໃຊ້ພາຫະນະຄົມມະນາຄົມສາທາລະນະ. ເມື່ອຮອດລະດູໃບໄມ້ປົ່ງ, ຈີນກໍ່ມີມູນເຊື້ອທີ່ສະໝັກປູກຕົ້ນໄມ້. ການສ້າງສາສັງຄົມທີ່ປະຢັດຊັບພະຍາກອນແລະເປັນມິດຕໍ່ສິ່ງແວດລ້ອມນັ້ນໄດ້ກາຍເປັນຄາດໝາຍຂອງລັດຖະບານຈີນ.
