ກ້ອນກຳລັງຍານອະວະກາດເສີນໂຈ່ວຂຶ້ນສູ່ອະວະກາດ
-----------------------------------------------------------------------------------------------------------------
ຜູ້ຕາງໜ້າຜູ້ປະຕິບັດງານວິທະຍາສາດເຕັກນິກການບິນອະວະກາດເດີນມາແລ້ວ. ພວກເຮົາໄດ້ເຫັນວ່າ, ຢູ່ເທິງລົດປະດັບມີວີລະຊົນການບິນອະວະການ. ປີ 2003, ທ່ານຢາງລີ້ເວີຍໄດ້ຂຶ້ນສູ່ອະວະອາດໂດຍຍານອະວະກາດເສີນໂຈ່ວເລກ 5 ທີ່ຈີນຄົ້ນຄວ້າຜະລິດເອງ, ກາຍເປັນຄົນຈີນທຳອິດທີ່ເຂົ້າສູ່ອະວະກາດ. ຈີນກໍ່ກາຍເປັນປະເທດທີສາມໃນໂລກທີ່ສາມາດດຳເນີນການບິນອະວະກາດບັນທຸກມະນຸດ.
ດຽວນີ້ຜູ້ທີ່ຍ່າງອອກມາຈາກຮູບຈຳລອງຍານອະວະກາດໃນລົດປະດັບແມ່ນທ່ານໄຈຈື້ກ່າງ, ນັກວີລະຊົນການບິນອະວະກາດ, ທ່ານໄດ້ສະແດງໃຫ້ເຫັນສະ ພາບທີ່ຊາວຈີນອອກຈາກຍານໃນອະວະກາດເປັນຄັ້ງທຳອິດ. ວັນທີ 27 ກັນຍາ2008, ທ່ານໄຈຈື້ກ່າງໄດ້ຂັບຍານອະວະກາດບັນທຸກມະນຸດເສີນໂຈ່ວເລກ 7, ດຳເນີນການຍ່າງໃນອະວະກາດເປັນເວລາ 19 ນາທີ 35 ວິນາທີ. ໄດ້ຈົ່ງຮອຍຕີນຂອງຄົນຈີນໄວ້ໃນອະວະກາດເປັນຄັ້ງທຳອິດ.
ກ້ອນກຳລັງການພັດທະນາການສຶກສາ
ດຽວນີ້ຜູ້ເດີນມາແມ່ນກ້ອນກຳລັງການພັດທະນາການສຶກສາທີ່ປະກອບດ້ວຍຜູ້ຕາງໜ້າອາຈານແລະນັກສຶກສາໃນໂຮງຮຽນຊັ້ນສູງ.
ໃນໄລຍະປະເທດຈີນໃໝ່ຫາກໍ່ສ້າງຕັ້ງຂຶ້ນ, ໃນປະຊາກອນ 600 ລ້ານຄົນມີ 400 ກວ່າລ້ານແມ່ນຜູ້ກືກໜັງສື, ໃນຊົນນະບົດຜູ້ກືກໜັງສືກໍ່ສູງເຖິງ 95% ຂຶ້ນໄປ. ໃນປີ 1986, ຈີນໄດ້ປະກາດໃຊ້ "ກົດໝາຍວ່າດ້ວຍການສຶກສາພາກບັງຄັບສາທາລະນະລັດປະຊາຊົນຈີນ", ຮອດປີ 2001, ຈີນໄດ້ປະກາດຕໍ່ຊາວໂລກວ່າ, ໄດ້ບັນລຸເປົ້າໝາຍຍຸດທະສາດທີ່ປະຕິບັດການສຶກສາພາກບັງຄັບ 9 ປີໃຫ້ທົ່ວເຖິງ ໃນຂັ້ນພື້ນຖານ, ແລະໄດ້ລົບລ້າງຄວາມກືກໜັງສືໃນຊາວໜຸ່ມແລະໄວກາງໃນຂັ້ນ ພື້ນຖານ, ດຽວນີ້ໃນນັກຮຽນ 10 ຄົນທີ່ເຂົ້າຮ່ວມການເສັງເຂົ້າມະຫາວິທະຍາໄລນັ້ນມີ 6 ຄົນຈະເສັງຜ່ານເຂົ້າໄດ້.