ກ້ອນກຳລັງວັດທະນະທຳທີ່ຈະເລີນຮຸ່ງເຮືອງ
-----------------------------------------------------------------------------------------------------------------
ກ້ອນກຳລັງທີ່ປະກອບດ້ວຍຜູ້ປະຕິບັດງານແລະຜູ້ມັກວັນນະຄະດີເດີນມາແລ້ວ. ກ້ອນກຳລັງນີ້ໄດ້ສະແດງໃຫ້ເຫັນໝາກຜົນຂອງປະເທດຈີນໃໝ່ໃນການສ້າງສາວັດທະນະທຳໃນ 60 ປີມານີ້.
ປະຈຸບັນ, ຫໍສະໝຸດສາທາລະນະຢູ່ແຫ່ງຕ່າງໆທົ່ວປະເທດຈີນໄດ້ມີເຖິງ 2800 ກວ່າແຫ່ງ, ມີຫໍພິພິດທະພັນແລະຫໍລະລຶກ 1000 ກວ່າແຫ່ງ, ແລະເປີດບໍລິການໃຫ້ສັງຄົມໂດຍບໍ່ເກັບຄ່າ.
ເພື່ອເຮັດໃຫ້ຊີວິດການເປັນຢູ່ດ້ານວັດທະນະທຳຂອງຊາວກະສິກອນ ອຸດົມ ສົມບູນຂຶ້ນ, ຈີນໄດ້ປະຕິບັດໂຄງການ "ໃຫ້ທຸກໆບ້ານຟັງວິທະຍຸແລະເບິ່ງໂທລະ ພາບໄດ້",ເຊິ່ງໄດ້ແກ້ໄຂບັນຫາຟັງວິທະຍຸແລະເບິ່ງໂທລະພາບຢູ່ຊົນນະບົດອັນ ກວ້າງໃຫຍ່.
ການປະຕິຮູບໂຄງປະກອບວັດທະນະທຳຂອງຈີນກໍ່ໄດ້ເຮັດໃຫ້ອຸດສາຫະກຳ ວັດທະນະທຳມີຄວາມຊີວິດຊີວາເພີ່ມຂຶ້ນ. ໃນເດືອນກໍລະກົດປີນີ້, ໂດຍປະເຊີນກັບວິກິດການການເງິນສາກົນ, ຈີນຍັງໄດ້ຈັດວາງແຜນການຟື້ນຟູອຸດສາຫະກຳວັດທະນະທໃຫ້ຈະເລີນ,ເຊິ່ງເປັນຂີດໝາຍສະແດງໃຫ້ເຫັນວ່າ,ອຸດສາຫະກຳວັດ ທະນະທຳໄດ້ຂຶ້ນສູ່ລະດັບຍຸດທະສາດແຫ່ງຊາດ, ທັງນີ້ມີຄວາມໝາຍສຳຄັນຍິ່ງຕໍ່ຈີນໃນການຮັບມືກັບວິກິດການການເງິນ, ຊຸກຍູ້ການປັບປຸງໂຄງປະກອບເສດຖະ ກິດ, ບັນລຸການພັດທະນາເສດຖະກິດແລະສັງຄົມແບບຍືນຍົງຂອງຈີນ.
ກ້ອນກຳລັງການພັດທະນາກິລາ
ທີ່ພວມເດີນມາດຽວນີ້ແມ່ນກ້ອນກຳລັງແຫ່ງການພັດທະນາກິລາ, ເຊິ່ງປະ ກອບດ້ວຍນັກກິລາ, ຜູ້ປະຕິບັດງານດ້ານກິລາແລະມວນຊົນຜູ້ມັກຫຼິ້ນກິລາ. ລົດປະດັບມີສາມຊັ້ນ, ໝາຍເຖິງທົ່ວປວງຊົນອອກກຳລັງກາຍ, ກິລາດັ້ງເດີມ, ແລະກິລາປະເພດແຂ່ງຂັນ.
ນັບແຕ່ປະເທດຈີນໃໝ່ສ້າງຕັ້ງຂຶ້ນມານີ້, ສຸຂະພາບແລະຄວາມຫ້າວຫັນອອກ ກຳລັງກາຍຂອງຄົນຈີນ, ໄດ້ສູງຂຶ້ນຢ່າງບໍ່ຢຸດຢັ້ງ. ລັດຖະບານຈີນຍັງຕົກລົງວ່າ, ນັບແຕ່ປີນີ້ເປັນຕົ້ນໄປ, ຈັດເອົາວັນທີ 8 ສິງຫາທຸກປີເປັນວັນອອກກຳລັງກາຍທົ່ວປວງຊົນຂອງຈີນ.
ນັບແຕ່ປະເທດຈີນໃໝ່ສ້າງຕັ້ງຂຶ້ນມານີ້, ໃນການແຂ່ງຂັນກິລາປະເພດຕ່າງໆ, ນັກກິລາຈີນຊີງໄດ້ແຊມປຽນໂລກ 2300 ກວ່າເທື່ອ, ສ້າງສະຖິຕິໂລກເກືອບ 1200ເທື່ອ, ໄດ້ສົມຊື່ເປັນປະເທດໃຫຍ່ດ້ານກິລາຢ່າງແທ້ຈິງ.