ກ້ອນກຳລັງໂອລິມປິກປັກກິ່ງ
-----------------------------------------------------------------------------------------------------------------
ໄປພ້ອມໆກັບສຽງເພງ"you and me"ທີ່ເປັນເພງເອກຂອງງານກິລາໂອລິມ ປິກປັກກິ່ງ, ກ້ອນກຳລັງກິລາໂອແລັມປິກທີ່ປະກອບດ້ວຍຮູບຈຳລອງຮັງນົກ, ເມກສິລິມຸງຄຸນ, ທວນໄຟແລະສັດນຳໂຊກໂອແລັມປິກໄດ້ເດີນມາແລ້ວ. ໃນກ້ອນກຳລັງນີ້ໄດ້ເຕົ້າໂຮມຜູ້ຕາງໜ້າອາສາສະໝັກ, ຜູ້ກໍ່ສ້າງ, ແລະຜູ້ປະຕິບັດງານໂອແລັມປິກ, ຈໍໃຫຍ່ຢູ່ເທິງລົດປະດັບໄດ້ສາຍຮູບພາບທີ່ໜ້າເບິ່ງຕ່າງໆຂອງງານກິລາໂອແລັມປິກ ປັກກິ່ງ.
ການຈັດງານກິລາໂອແລັມປິກປັກກິ່ງຢ່າງສຳເລັດຜົນກໍໄດ້ເຮັດໃຫ້ຊາວໂລກເຫັນປະເທດຈີນທີ່ມີປະຫວັດຍາວນານແລະມີວັດທະນະທຳອັນຈະເລີນຮຸ່ງເຮືອງ, ປະເທດຈີນທີ່ພວມຈະເລີນຂຶ້ນແລະເຊື່ອມໂຍງເຂົ້າສູ່ໂລກ.
ກ້ອນກຳລັງປະຊາກອນແລະສາທາລະນະສຸກ
ທີ່ພວມເດີນມາດຽວນີ້ແມ່ນກ້ອນກຳລັງປະຊາກອນແລະສາທາລະນະສຸກທີ່ມີຜູ້ປະຕິບັດງານສາທາລະນະສຸກແລະວາງແຜນຄອບຄົວ,ເຊິ່ງມີຫົວຂໍ້ກ່ຽວກັບສຸຂະ ພາບ, ຊີວິດແລະຄວາມຫວັງ.
ກ່ອນປະເທດຈີນໃໝ່ສ້າງຕັ້ງຂຶ້ນ, ອາຍຸທີ່ສະເລ່ຍຂອງຄົນຈີນມີແຕ່ 35 ປີ. ນັບແຕ່ປະເທດຈີນໃໝ່ສ້າງຕັ້ງຂຶ້ນ 60 ປີມານີ້, ລະບົບສາທາລະນະສຸກແລະລະບົບການປິ່ນປົວໄດ້ປັບປຸງໃຫ້ດີຂຶ້ນຢ່າງບໍ່ຢຸດຢັ້ງ, ລະບຽບການຮັບປະກັນການປິ່ນປົວພື້ນຖານໄດ້ສ້າງຂຶ້ນໃນເບື້ອງຕົ້ນ, ລະດັບສຸຂະພາບຂອງປະຊາຊົນກໍ່ດີຂຶ້ນຢ່າງຕໍ່ເນື່ອງ. ປະຈຸບັນ, ອາຍຸສະເລ່ຍຂອງຄົນຈີນໄດ້ຈາກ 35 ປີຂຶ້ນເປັນ 73 ປີ, ອັດຕາການຕາຍຂອງແມ່ມານແລະແມ່ທີ່ເກີດລູກພ້ອມດ້ວຍອັດຕາການຕາຍຂອງເດັກແດງກໍ່ໄດ້ຫຼຸດຕ່ຳລົງຢ່າງຫຼວງຫຼາຍ. ສາມາດເວົ້າໄດ້ວ່າ, ຄົນຈີນມີອາຍຸຍືນ ກວ່າເກົ່າ, ແລະມີສຸຂະພາບເຂັ້ມແຂງກວ່າເກົ່າແລ້ວ.
ນອກນີ້, ໃນຊຸມປີ 1970, ຈີນໄດ້ປະຕິບັດນະໂຍບາຍວາງແຜນຄອບຄົວ. ໃນ 30 ກວ່າປີມານີ້, ຈີນໄດ້ຫຼຸດການເກີດລູກໃໝ່ 400 ລ້ານກວ່າຄົນ, ນີ້ເຮັດໃຫ້ວັນປະຊາກອນ1 ຕື້300 ລ້ານຄົນຂອງຈີນແລະວັນປະຊາກອນ 6 ຕື້ຄົນຂອງໂລກໄດ້ມາເຖິງຊ້າໄປ 4 ປີ.