ກ້ອນກຳລັງບ້ານກົມກຽວ
-----------------------------------------------------------------------------------------------------------------
ຊາວຈີນມັກເວົ້າວ່າ, ຄອບຄົວມີຄວາມກົມກຽວແລ້ວ, ທຸກວຽກຈະຈະເລີນ, ໃນປີ2004, ພັກຄອມມູນິດຈີນໄດ້ສະເໜີເປົ້າໝາຍຍຸດທະສາດພັດທະນາສັງຄົມທີ່ວ່າສ້າງສັງຄົມທີ່ກົມກຽວກັນ, ດຽວນີ້ ພວກເຮົາໄດ້ເຫັນກ້ອນກຳລັງບ້ານທີ່ກົມກຽວ, ຢູ່ເທິງລົດປະດັບ, ມີຮູບຈຳລອງເຂດຊຸມຊົນທີ່ສວຍງາມ, ຢູ່ເທິງລົດມີຜູ້ຕາງໜ້າຄູ່ສົມລົດໃໝ່, ຜູ້ຕາງໜ້າຄອບຄົວອົບອຸ່ນ, ຜູ້ຕາງໜ້າຄົນພິການ, ແລະຜູ້ຕາງໜ້າພະນັກງານເຂດຊຸມຊົນແລະອື່ນໆ, ເຂົາເຈົ້າໄດ້ນຸ່ງຊຸດສະຫຼອງມື້ບຸນ, ຍິ້ມແຍ້ມແຈ່ມໃສ, ເຊິ່ງສະແດງໃຫ້ເຫັນສະພາບສວຍງາມຂອງບ້ານທີ່ກົມກຽວກັນ.
ກ້ອນກຳລັງຮ່ວມແຮງຮ່ວມໃຈ
ດຽວນີ້ຜູ້ກຳລັງເດີນມາແມ່ນກ້ອນກຳລັງຮ່ວມແຮງຮ່ວມໃຈ, ກ້ອນກຳລັງນີ້ປະ ກອບດ້ວຍມວນຊົນວົງການຕ່າງໆຂອງນະຄອນຫຼວງປັກກິ່ງ, ແລະຜູ້ຕາງໜ້າກຸ່ມຄົນທີ່ເຄີຍເຂົ້າຮ່ວມການກູ້ໄພແລະຕ້ານໄພນ້ຳຖ້ວມແລະແຜ່ນດິນໄຫວ. ກ້ອນກຳລັງນີ້ຢາກສະແດງໃຫ້ເຫັນນ້ຳໃຈເປັນຈິດໜຶ່ງໃຈດຽວກັນຂອງປະຊາຊົນຈີນໃນການຮັບມືກັບໄພທຳມະຊາດຕ່າງໆ.
ກ້ອນກຳລັງ ດວງໃຈຮັກຊາດຈີນຂອງຂ້ອຍ
ກ້ອນກຳລັງດວງໃຈຮັກຊາດຈີນຂອງຂ້ອຍທີ່ປະກອບດ້ວຍນັກສຶກສາຈີນທີ່ຮຽນຈົບຈາກຕ່າງປະເທດ, ແລະຈີນຕ່າງດ້າວເດີນມາແລ້ວ.
ນັບແຕ່ປະເທດຈີນໃໝ່ສ້າງຕັ້ງຂຶ້ນ 60 ປີມານີ້, ຄົນຈີນທີ່ໄປຮ່ຳຮຽນຢູ່ຕ່າງປະເທດນັບມື້ນັບຫຼາຍຂຶ້ນ, ປະຈຸບັນ, ນັກສຶກສາຈີນແຈກຢາຍຢູ່ 100 ກວ່າປະເທດແລະເຂດແຄວ້ນໃນໂລກ, ຮຽນເກືອບໝົດທຸກວິຊາທີ່ມີຢູ່ໃນປະຈຸບັນ. ພ້ອມກັນນັ້ນ, ຈີນກໍ່ໄດ້ສ້າງເງື່ອນໄຂທີ່ດີເພື່ອດຶງດູດຜູ້ດີເດັ່ນຮຽນຈົບແລ້ວກັບຄືນປະເທດຊາດ. ຜູ້ຮຽນຈົບນັບມື້ນັບຫຼາຍກໍ່ໄດ້ເລືອກກັບຄືນເຮັດວຽກຢູ່ຈີນ.
ໃນທຸກເວລາ, ຊາວຈີນຕ່າງດ້າວກໍ່ເອົາໃຈໃສ່ນຳການພັດທະນາຂອງປະເທດຊາດ. ຕົວຢ່າງວ່າ, ໃນໄລຍະເບື້ອງຕົ້ນທີ່ປະຕິບັດການປະຕິຮູບແລະໄຂປະຕູສູ່ພາຍນອກ, ຊາວຈີນຕ່າງດ້າວຈຳນວນຫຼວງຫຼາຍ ໄດ້ນຳໜ້າກັບມາລົງທຶນຢູ່ຈີນ, ປະຈຸບັນ, ຊາວຈີນຕ່າງດ້າວຫຼາຍຄົນກໍ່ອອກແຮງຊ່ອຍເຫຼືອພັດທະນາການສຶກສາ, ຊ່ອຍເຫຼືອຜູ້ປະສົບໄພແລະຜູ້ມີຄວາມຫຍຸ້ງຍາກ, ຊຸກຍູ້ມິດຕະພາບລະຫວ່າງຈີນກັບຕ່າງປະເທດແລະອື່ນໆ, ເພື່ອປະກອບສ່ວນຂອງຕົນເຂົ້າໃນການພັດທະນາຂອງປະເທດຊາດ.