ກ້ອນກຳລັງໂລກດຽວກັນ
-----------------------------------------------------------------------------------------------------------------
ກ້ອນກຳລັງໂລກດຽວກັນກຳລັງເດີນມາແລ້ວ, ເຊິ່ງປະກອບດ້ວຍເພື່ອນມິດ ສາກົນ, ຊ່ຽວຊານຕ່າງປະເທດ, ນັກສຶກສາຕ່າງປະເທດທີ່ມາຮຽນຢູ່ຈີນ, ແລະຜູ້ຕາງໜ້າອົງການທຶນຕ່າງປະເທດປະຈຳປັກກິ່ງ.
ຢູ່ເທິງລົດປະດັບມີວົງໂຄຈອນຮູບໄຂ່ທີ່ອ້ອມໜ່ວຍໂລກ, ໝາຍເຖິງຫົວຂໍ້ຫຼັກໃນຍຸກປະຈຸບັນ, ຄື: ສັນຕິພາບ, ການພັດທະນາ, ແລະການຮ່ວມມື. ໃນຖານະທີ່ເປັນປະເທດພວມພັດທະນາທີ່ໃຫຍ່ກວ່າໝູ່ໃນໂລກ, ຈີນໄດ້ປະຕິບັດນະໂຍບາຍການຕ່າງປະເທດທີ່ມີສັນຕິພາບ, ເອກະລາດແລະເປັນເຈົ້າຕົນເອງຕະຫຼອດມາ, ຍຶດໝັ້ນເດີນຕາມເສັ້ນທາງພັດທະນາໂດຍສັນຕິ. ໂດຍສະເພາະແມ່ນ ຫຼັງຈາກ ປະຕິບັດການປະຕິຮູບແລະໄຂປະຕູສູ່ພາຍນອກ 30 ປີມານີ້, ຈີນໄດ້ຕັ້ງໜ້າເຊື່ອມໂຍງເຂົ້າໃນປະຊາຄົມໂລກ, ໄດ້ເຂົ້າຮ່ວມ 100 ກວ່າອົງການຈັດຕັ້ງສາກົນລະຫວ່າງລັດຖະບານ, ໄດ້ລົງນາມໃນສົນທິສັນຍາສາກົນ 300 ກວ່າສະບັບ, ເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ 22 ເທື່ອ, ລວມທັງໄດ້ໄດ້ສົ່ງພະນັກງານຮັກສາສັນຕິພາບຫຼາຍກວ່າ 1 ໝື່ນເທື່ອຄົນ, ໄດ້ກາຍເປັນສະມາຊິກສຳຄັນໃນລະບົບສາກົນ.
ພາກທີ 6, ດິນແດນຈີນທີ່ສວຍງາມ
ອີກບໍ່ດົນຈະແມ່ນການເດີນຂະບວນສວນສະໜາມຂອງມວນຊົນທີ່ມີຫົວຂໍ້ວ່າ "ດິນແດນປະຊາຊາດຈີນທີ່ສະຫງ່າງາມ". ລົດປະດັບ 34 ຄັນທີ່ແຂວງ, ກຳແພງນະຄອນ, ເຂດປົກຄອງຕົນເອງ, ຮົງກົງ, ມາເກົາແລະໄຕ້ຫວັນອອກແບບແລະຜະລິດຢ່າງປານີດໄດ້ຜ່ານເຂດໃຈກາງຕາມລຳດັບ.
