ກ້ອນກຳລັງແຫ່ງຄວາມສາມັກຄີແລະບາກບັ່ນສູ້ຊົນ
-----------------------------------------------------------------------------------------------------------------
ທີ່ກຳລັງເດີນມາແມ່ນກ້ອນກຳລັງແຫ່ງຄວາມສາມັກຄີແລະບາກບັ່ນສູ້ຊົນທີ່ປະກອບດ້ວຍ 2200 ຄົນ, ເຂົາເຈົ້າຊູທຸງຊາດນ້ອຍ, ເດີນອ້ອມລົດປະດັບທີ່ເປັນຮູບກຳປັ່ນໃຫຍ່, ນຳພາລົດປະດັບທ້ອງຖິ່ນຕ່າງໆຂອງຈີນເດີນເຂົ້າມາ, ເປັນຂີດໝາຍສະແດງໃຫ້ເຫັນປະຊາຊົນ 56 ຊົນເຜົ່າສາມັກຄີກັນຢ່າງໃກ້ຊິດຢູ່ອ້ອມພັກຄອມມູນິດຈີນ, ທຸ້ມເທເຫື່ອແຮງເຂົ້າຮ່ວມການສ້າງສາປະເທດຊາດຢ່າງກ້າຫານ. ໃນຂະນະດຽວກັນ, ຮູບເບື້ອງຫຼັງຢູ່ສະໜາມຫຼວງກາຍເປັນຕົວໜັງສືທີ່ວ່າ "ຄວາມຈະເລີນຮຸ່ງເຮືອງ".
60ປີຂອງປະເທດຈີນໃໝ່, ຊົນເຜົ່າຕ່າງໆຊຸກຍູ້ເຊິ່ງກັນແລະກັນ ແລະພັດທະ ນາພ້ອມກັນ, ປະກອບສ່ວນຂອງຊົນເຜົ່າຕົນເຂົ້າໃນການສ້າງສາປະເທດຊາດ. ຍົກຕົວຢ່າງຂອງ 5 ເຂດປົກຄອງຕົນເອງຊົນເຜົ່າ, ເຂດປົກຄອງຕົນເອງມົງໂກໃນມີຈັງຫວະເຕີບໂຕດ້ານເສດຖະກິດເປັນອັນດັນທີໜຶ່ງໃນທົ່ວປະເທດ 7 ປີລຽນຕິດ; GDP ຂອງເຂດປົກຄອງຕົນເອງເຜົ່າຫຸຍນີງເຊ້ຍ ໄດ້ເພີ່ມຈາກ 309 ລ້ານຢວນໃນປີ 1958 ທີ່ເປັນປີທີ່ຫາກໍ່ສ້າງຕັ້ງເຂດ ຂຶ້ນເປັນ 107 ຕື້ຢວນໃນປີ 2008; ເຂດປົກຄອງຕົນເອງຕິເບດໄດ້ຮັກສາການເຕີບໂຕດ້ານເສດຖະກິດຫຼາຍກວ່າ 12% 8 ປີລຽນຕິດ; GDP ຂອງເຂດປົກຄອງຕົນເອງອຸຍເກີຊີ່ນຈ່ຽງ ໄດ້ເພີ່ມຈາກ 1 ຕື້ 200 ລ້ານຢວນໃນປີ 1955 ຂຶ້ນເປັນ 420 ຕື້ 300 ລ້ານຢວນໃນປີ 2008; ເຂດປົກຄອງຕົນເອງເຜົ່າຈ້ວງກວາງຊີກໍ່ເພີ່ມຈາກ 14 ຕື້ 600 ລ້ານຢວນໃນປີ 1958 ຂຶ້ນເປັນ 590 ຕື້ກວ່າຢວນໃນປີ 2007.
ນັບແຕ່ປະເທດຈີນໃໝ່ສ້າງຕັ້ງຂຶ້ນ 60 ປີມານີ້, ໂດຍສະເພາະແມ່ນປະຕິບັດການປະຕິຮູບແລະໄຂປະຕູສູ່ພາຍນອກມານີ້, ຊົນເຜົ່າສ່ວນໜ້ອຍແລະເຂດຊົນເຜົ່າຂອງຈີນ ໄດ້ເກີດການປ່ຽນແປງແບບໜ້າມືເປັນຫຼັງມື, ເຊິ່ງສະແດງໃຫ້ເຫັນວ່າ, ສະຖຽນລະພາບແລະການພັດທະນາແມ່ນຄວາມປາຖະໜາຮ່ວມຂອງປະຊາຊົນເຜົ່າຕ່າງໆ.