ກ້ອນກຳລັງດິນແດນຊາດຈີນທີ່ສວຍງາມ
-----------------------------------------------------------------------------------------------------------------
ດຽວນີ້,ກ້ອນກຳລັງດິນແດນຊາດຈີນທີ່ສວຍງາມທີ່ປະກອບດ້ວຍ 6200 ຄົນເດີນເຂົ້າມາແລ້ວ, ນີ້ແມ່ນກ້ອນກຳລັງທີ່ມີຈຳນວນຄົນຫຼາຍກວ່າໝູ່ໃນກ້ອນກຳລັງເດີນສວນສະໜາມຂອງມວນຊົນເທື່ອນີ້. ເຂົາເຈົ້າຈັບເອົາຮວງເຂົ້າສີຄຳແລະສີເງິນ, ປິ່ນອ້ອມລົດປະດັບ 34 ຄັນທີ່ເປັນສັນຍະລັກຂອງ31ແຂວງ, ເຂດປົກຄອງຕົນເອງແລະກຳແພງນະຄອນ, ພ້ອມດ້ວຍຮົງກົງ, ມາເກົາແລະໄຕ້ຫວັນເຂົ້າສູ່ເຂດໃຈກາງຂອງສະໜາມຫຼວງ. ລົດປະດັບເຫຼົ່ານີ້ມີຮູບຊົງຕ່າງກັນ, ລຽນເປັນສອງແຖວ, ແລ່ນສົນສວານກັນເຂົ້າມາຕາມລຳດັບ. ພ້ອມກັນນັ້ນ, ຮູບເບື້ອງຫຼັງທີ່ເປັນຮູບແຕ້ມສິລະປະພື້ນເມືອງຈີນຂະໜາດໃຫຍ່ທີ່ມີຊື່ວ່າ "ດິນແດນຊາດສວຍສົດງົດງາມປານນີ້" ຄ່ອຍໆເປີດອອກຢູ່ສະໜາມຫຼວງທ່ຽນອ່ານເມີນ. ຢູ່ເທິງຮູບພາບນີ້, ດວງຕາເວັນສີແດງສ່ອງແສງຢູ່ເທິງດິນແດນສວຍງາມຂອງປະເທດຊາດ, ສະແດງໃຫ້ເຫັນເຖິງຄວາມຊີວິດຊີວາຂອງຈີນ.
ດຽວນີ້ພວກເຮົາໄດ້ເຫັນລົດປະດັບ "ເພງປັກກິ່ງ", ເຊິ່ງໄດ້ສ່ອງແສງທັດສະນະຄະຕິທີ່ສ້າງ "ປັກກິ່ງທີ່ມີວັດທະນະທຳ, ປັກກິ່ງທີ່ມີວິທະຍາສາດເຕັກນິກ, ແລະປັກກິ່ງສີຂຽວ". ປັກກິ່ງແມ່ນນະຄອນຫຼວງຂອງຈີນ, ກໍ່ແມ່ນໃຈກາງການເມືອງ, ເສດຖະກິດ, ຄົມມະນາຄົມແລະວັດທະນະທຳຂອງຈີນ. ປັກກິ່ງມີປະຫວັດ 3000 ກວ່າປີແລ້ວຕັ້ງແຕ່ສ້າງເປັນເມືອງມານີ້, ແມ່ນຕົວເມືອງທີ່ມີມໍລະດົກວັດທະນະທຳໂລກຫຼາຍທີ່ສຸດໃນໂລກ, ປັກກິ່ງພວມສະແດງໂສມໜ້າອັນໃໝ່ອ່ຽມທີ່ທັງມີລັກສະ ນະບູຮານທັງທັນສະໄໝ, ຕ້ອນຮັບເພື່ອນມິດທົ່ວໂລກ.
ດຽວນີ້ພວກເຮົາໄດ້ເຫັນລົດປະດັບຂອງນະຄອນທຽນສິນ, ເຊິ່ງສະແດງໃຫ້ເຫັນແຜນການຂອງນະຄອນທຽນສິນທີ່ອອກແຮງສ້າງເປັນເມືອງທ່າສາກົນ, ໃຈ ກາງເສດຖະກິດພາກເໜືອແລະເມືອງຊີວະພາບ. ນະຄອນທຽນສິນແມ່ນຕົວເມືອງແຄມທະເລໃຫຍ່ກວ່າໝູ່ທີ່ເປີດປະຕູສູ່ພາຍນອກຢູ່ພາກເໜືອຈີນ, ປະຈຸບັນ, ໃນ ຈຳ ນວນ 500 ບໍລິສັດເຂັ້ມແຂງໃນໂລກ ມີ 128 ແຫ່ງໄດ້ລົງທຶນສ້າງໂຮງງານຢູ່ນະຄອນທຽນສິນ, ນະຄອນທຽນສິນໄດ້ກາຍເປັນເຂດໜຶ່ງທີ່ນັກລົງທຶນຕ່າງປະເທດໄດ້ຜົນກຳໄລສູງສຸດ. ໃນປີ 2008, ນະຄອນທຽນສິນໄດ້ຮັບປະກວດເປັນຕົວເມືອງທີ່ມີຄວາມຮູ້ສຶກຜາສຸກທີ່ສຸດຂອງຈີນ.