ດຽວນີ້ພວກເຮົາໄດ້ເຫັນລົດປະດັບແຂວງເຫີເປ.
-----------------------------------------------------------------------------------------------------------------
ແຂວງເຫີໄປແມ່ນເຂດຜະລິດທັນຍາຫານແລະຝ້າຍທີ່ສຳຄັນຂອງຈີນ,ແມ່ນບ່ອນເຊື່ອມຕໍ່ຄົມມະນາຄົມລະຫວ່າງປັກກິ່ງກັບແຫ່ງຕ່າງໆຂອງຈີນ,ມີເງື່ອນໄຂຄົມມະນາຄົມສະດວກທີ່ສຸດ. ປັດຈຸບັນ,ແຂວງເຫີໄປໄດ້ສ້າງການພົວພັນທາງເສດຖະກິດການຄ້າກັບ 170 ກວ່າປະເທດແລະເຂດແຄວ້ນໃນໂລກ.
ດຽວນີ້,ພວກເຮົາໄດ້ເຫັນລົດປະດັບທີ່ຊື່ວ່າ "ແຂວງຊ່ານຊີທີ່ມີສະເຫນ່".
ແຂວງຊ່ານຊີແມ່ນແຫລ່ງໜຶ່ງທີ່ກຳເນີດປະຊາຊາດຈີນ,ມີປະຫວັດອັນຍາວນານ, ຊັບພະຍາກອນການທ່ອງທ່ຽວກໍ່ອຸດົມສົມບູນຫລາຍ,ໄດ້ນາມມະຍົດເປັນ "ຫໍພິພິຕະພັນແຫ່ງວັດທະນະທຳບູຮານຂອງຈີນ". ແຂວງຊ່ານຊີມີຊັບພະຍາກອນບໍ່ແຮ່ຢ່າງຫລວງຫລາຍ,ແມ່ນຫນຶ່ງໃນ 6 ບ່ອນທີ່ຜະລິດຖ່ານຫີນຂອງໂລກ.
ລົດທີ່ແລ່ນມາຫາໃນດຽວນີ້ຊື່ວ່າ:ສາຍຮຸ່ງທົ່ງຫຍ້າ,ເຊິ່ງເປັນລົດປະດັບຂອງູເຂດປົກຄອງຕົນເອງມົງໂກໃນ.
ເຂດປົກຄອງຕົນເອງມົງໂກໃນຕັ້ງຢູ່ເຂດຊາຍແດນພາກເຫນືອຂອງຈີນ,ທາງທິດຕາເວັນຕົກສຽງເຫນືອຕິດກັບມົງໂກຣີແລະຣັດເຊຍ,ແມ່ນເຂດປົກຄອງຕົນເອງຂອງຊົນເຜົ່າສ່ວນຫນ້ອຍແຫ່ງທຳອິດຂອງຈີນ. ຕັ້ງແຕ່ສ້າງຕັ້ງປະເທດຈີນໃຫມ່ມານີ້,ຢູ່ເຂດມົງໂກໃນ,ຊົນເຜົ່າສາມັກຄີ, ເຂດຊາຍແດນມີຄວາມຫມັ້ນທ່ຽງ, ສັງຄົມກົມກຽວກັນ, ຈັງຫວະເຕີບໂຕທາງເສດຖະກິດເປັນທີ 1 ໃນທົ່ວປະເທດ 7 ປີລຽນຕິດ.
ລົດປະດັບທີ່ພວກເຮົາໄດ້ເຫັນໃນດຽວນີ້ຊື່ວ່າ: ນົດເພງທີ່ຈະເລີນ. ມັນສະແດງໃຫ້ເຫັນຄວາມຮຸ່ງເຮືອງໃນອະດີດ,ຄວາມຈະເລີນໃຫມ່ໃນຊູ່ມື້ນີ້ແລະການຈ້ອງມອງເບິ່ງອະນາຄົດອັນສວຍງາມຂອງຖານອຸດສາຫະກຳເກົ່າແຂວງຫລຽວນິງ ທາງພາກຕາເວັນອອກສຽງເຫນືອຂອງຈີນ.
ດຽວນີ້,ພວກເຮົາໄດ້ເຫັນລົດປະດັບທີ່ຊື່ວ່າ: "ຈີຫລິນທີ່ຍອດຢ້ຽມ" ພວມແລ່ນເຂົ້າມາ,ມັນໄດ້ໂຮມສູນສະແດງໃຫ້ເຫັນພື້ນຖານວັດທະນະທຳແລະຫມາກຜົນຂອງການສ້າງສາຂອງປະຊາຊົນບັນດາເຜົ່າຢູ່ແຂວງຈີຫລິນ.