ດຽວນີ້ພວກເຮົາໄດ້ເຫັນລົດປະດັບຂອງແຂວງເຫີ່ຍລົງຈ່ຽງທີ່ຢູ່ພາກຕາເວັນອອກສຽງເໜືອຂອງຈີນ
-----------------------------------------------------------------------------------------------------------------
ດຽວນີ້ພວກເຮົາໄດ້ເຫັນລົດປະດັບຂອງແຂວງເຫີ່ຍລົງຈ່ຽງທີ່ຢູ່ພາກຕາເວັນອອກສຽງເໜືອຂອງຈີນ, ມັນໄດ້ສະແດງໃຫ້ເຫັນແຂວງເຫີ່ຍລົງຈ່ຽງທີ່ເປັນສາງເຂົ້າແລະບໍ່ນ້ຳມັນໃຫຍ່ຂອງຈີນ.
ດຽວນີ້ພວກເຮົາໄດ້ເຫັນລົດປະດັບຂອງນະຄອນຊຽງໄຮ້, ຢູ່ເທິງລົດບັນທຸກສັດນຳໂຊກທີ່ມີຊື່ວ່າ "ໄຫປາວ", ແປວ່າ "ມິ່ງຂວັນທະເລ" ທີ່ເປັນຕຸກກະຕານຳໂຊກຂອງງານວາງສະແດງໂລກຊຽງໄຮ້.
ນະຄອນຊຽງໄຮ້ຕັ້ງຢູ່ປາກແມ່ນ້ຳຢາງຊີກຽງທີ່ຢູ່ພາກກາງເສັ້ນແຄມທະເລຂອງແຜ່ນດິນໃຫຍ່ຈີນ, ແມ່ນຕົວເມືອງໃຫຍ່ກວ່າໝູ່ຂອງຈີນ, ກໍ່ແມ່ນໜຶ່ງໃນ 4 ກຳແພງນະຄອນຂອງຈີນ, ເປັນຖານອຸດສາຫະກຳໃຫຍ່ທີ່ສຸດແລະທ່າກຳປັ່ນການຄ້າກັບຕ່າງປະເທດທີ່ໃຫຍ່ກວ່າໝູ່ຂອງຈີນ. ນະຄອນຊຽງໄຮ້ບໍ່ພຽງແຕ່ແມ່ນໃຈກາງວິທະຍາສາດເຕັກໂນໂລຊີ, ການຄ້າ, ການເງິນແລະຂໍ້ມູນຂ່າວສານຂອງຈີນເທົ່ານັ້ນ, ແລະຍັງເປັນສະຖານທີ່ໄດ້ໂຮມສູນວັດທະນະທຳທົ່ວໂລກ. ຊຽງໄຮ້ກຳລັງອອກແຮງສ້າງເປັນສູນການເງິນສາກົນແລະສູນການເດີນເຮືອ. ໃນປີ 2010, ນະຄອນຊຽງໄຮ້ຈະຈັດງານວາງສະແດງໂລກ, ເຊື່ອວ່າ ຈະນຳເອົາໂອກາດພັດະນາໃໝ່ໃຫ້ນະຄອນຊຽງໄຮ້.
ທີ່ພວກເຮົາໄດ້ເຫັນໃນດຽວນີ້ແມ່ນລົດປະດັບທີ່ຊື່ວ່າ: "ສິລິມຸງຄຸນ". ເຊິ່ງເປັນລົດປະດັບຂອງແຂວງຈ່ຽງຊູ່.
ແຂວງຈ່ຽງຊູ່ແມ່ນແຂວງໃຫຍ່ດ້ານເສດຖະກິດຂອງຈີນ,ຕັ້ງຢູ່ພາກຕາເວັນອອກຂອງຈີນ,ໄດ້ນາມມະຍົດທີ່ເປັນບ້ານ "ໃນນ້ຳມີປາ ໃນນາມີເຂົ້າ". ປີ 2008, ລວມຍອດມູນຄ່າຜະລິດຕະພັນຂອງແຂວງນີ້ຫລາຍກວ່າ 3 ພັນຕື້ຢວນ, ສູງກວ່າລະດັບສະເລ່ຍຂອງທົ່ວປະເທດຢ່າງຫລວງຫລາຍ.
ດຽວນີ້ພວກເຮົາໄດ້ເຫັນລົດປະດັບທີ່ຊື່ວ່າ: "ໄຂ້ມຸກແມ່ນ້ຳຊຽນຖາງ", ເຊິ່ງເປັນລົດປະດັບຂອງແຂວງເຈີຈ່ຽງ.
ແຂວງເຈີຈ່ຽງຕັ້ງຢູ່ແຄມທະເລທາງພາກຕາເວັນອອກສຽງໃຕ້ຂອງຈີນ,ແມ່ນແຂວງແຄມທະເລທີ່ເປີດປະຕູສູ່ພາຍນອກທີ່ມີເສດຖະກິດພັດທະນາສົມຄວນຂອງຈີນ.ກະສິກຳແລະອຸດສາຫະກຳຂອງແຂວງເຈີຈ່ຽງລ້ວນແຕ່ພັດທະນາຫລາຍ.ສິ່ງທີ່ເປັນຕາເອີ່ຍເຖິງນັ້ນໃນທົ່ວແຂວງເຈີຈ່ຽງ,ມີ 67 ເມືອງເປີດປະຕູສູ່ຕ່າງປະເທດແລ້ວ, ມີ 37 ເມືອງຖືກຈັດເປັນເຂດເປີດປະຕູດ້ານເສດຖະກິດຢູ່ແຄມທະເລ.