ດຽວນີ້ພວກເຮົາໄດ້ເຫັນລົດປະດັບຂອງແຂວງອ່ານຫຸ່ຍ.
-----------------------------------------------------------------------------------------------------------------
ແຂວງອ່ານຫຸ່ຍຕັ້ງຢູ່ພາກຕາເວັນອອກຂອງຈີນ, ແມ່ນບ່ອນຫນຶ່ງສຳຄັນທີ່ກຳເນີດວັດທະນະທຳຂອງຈີນ,ຢູ່ໃນແຂວງອ່ານຫຸ່ຍ, ມີພູຫວງຊ່ານທີ່ຖືກຈັດເຂົ້າ ເປັນ ມໍລະດົກວັດທະນະທຳແລະທຳມະຊາດຂອງໂລກ. ປີ 1978, ຊາວກະສິກອນ 18 ຄອບຄົວຂອງບ້ານສ້ຽວກາງເມືອງເຟິ້ງຢາງແຂວງອ່ານຫຸ່ຍໄດ້ເຊັນສັນຍາຮັບເຫມົາທີ່ດິນ, ກາຍເປັນບ່ອນກຳເນີດການປະຕິຮູບຊົນນະບົດຂອງຈີນ.
ດຽວນີ້ພວກເຮົາໄດ້ເຫັນລົດປະດັບຂອງແຂວງຟູຈ້ຽນ.
ແຂວງຟູຈ້ຽນຕັ້ງຢູ່ບ່ອນແຄມທະເລທາງພາກຕາເວັນອອກສຽງໃຕ້ຂອງຈີນ, ຜ່ານຊ່ອງແຄບທະເລກໍແມ່ນໄຕ້ຫວັນ. ແຂວງນີ້ແມ່ນບ້ານເກີດຂອງຊາວຈີນດ້າວ,ເຊິ່ງຊາວຈີນຕ່າງດ້າວທີ່ອາໄສຢູ່ແຫ່ງຕ່າງໆໃນໂລກຫຼາຍກວ່າ 10 ລ້ານຄົນ.
ດຽວນີ້ ພວກເຮົາໄດ້ເຫັນລົດປະດັບຂອງແຂວງຈ່ຽງຊີ.
ວັນທີ 1 ສິງຫາ 1927, ຢູ່ແຂວງຈ່ຽງຊີໄດ້ເກີດການລຸກຮືຂຶ້ນຢູ່ເມືອງນານຊ່າງ, ອັນໄດ້ເປີດສາກທີ່ພັກຄອມມູນິດຈີນນຳພາການຕໍ່ສູ້ດ້ວຍກຳລັງອາວຸດຢ່າງເປັນເອກະລາດແລະສ້າງກອງທັບປະຕິວັດ. ເດືອນຕຸລາປີ 1927, ພັກຄອມມູນິດຈີນໄດ້ສ້າງຕັ້ງຖານທັບຊົນນະບົດແຫ່ງທຳອິດຢູ່ພູຈິງກ່າງຂອງແຂວງຈ່ຽງຊີ,ພູຈິນກາງ ຖືກເອີ້ນເປັນອູ່ແຫ່ງການປະຕິວັດຈີນ. ໃນບໍ່ເທົ່າໃດປີມານີ້, ແຂວງຈ່ຽງຊີທີ່ມີພູຂຽວນ້ຳໃສນັ້ນໄດ້ເລືອກເອົາເສັ້ນທາງພັດທະນາສີຂຽວ,ຄື:ປູກປ່າຢູ່ເທິງພູ,ປູກເຂົ້າ ຢູ່ຕີນພູ,ອອກແຮງສ້າງອາລະຍະທຳທຳມະຊາດ,ເດີນຕາມເສັ້ນທາງພັດທະນາແບບຍືນຍົງ,ພະຍາຍາມບັນລຸການໃຫ້ເສດຖະກິດພັດທະນາທັງດີທັງໄວ.
ທີ່ທ່ານໄດ້ເຫັນໃນດຽວນີ້ແມ່ນລົດປະດັບທີ່ໃສ່ຊື່ວ່າ: ພູສີຂຽວທະເລສີຟ້າ,ເຊິ່ງເປັນລົດປະດັບຂອງແຂວງຊ່ານຕົ່ງຂອງຈີນ.ແຫລມຊ່ານຕົ່ງມີເສັ້ມທະເລຍາວ 3 ພັນກວ່າກິໂລແມັດ,ມີຊັບພະຍາກອນທະເລຢ່າງອຸດົມສົມບູນ,ແມ່ນເຂດໜຶ່ງທີ່ເສດ ຖະກິດທະເລຟົດຟື້ນກວ່າຫມູ່ຂອງຈີນ.
ທີ່ພວກເຮົາໄດ້ເຫັນຢູ່ດຽວນີ້ແມ່ນລົດປະດັບທີ່ໃສ່ຊື່ວ່າ:ຍຸກສະໄຫມຈະເລີນທີ່ດອກໄມ້ບານ,ມັນໄດ້ສະແດງໃຫ້ເຫັນສະເຫນ່ຂອງແຂວງເຫີນານ. ແຂວງເຫີນານແມ່ນແຫລ່ງກຳເນີດວັດທະນະທຳຈີນແລະປະຊາຊາດຈີນທີ່ສຳຄັນ. ພາຍຫລັງສະ ຖາປະນາປະເທດຈີນໃຫມ່ແລ້ວ, ແຂວງເຫີນານທັງແມ່ນແຂວງໃຫຍ່ດ້ານກະສິກຳແລະປະຊາກອນ,ທັງກາຍເປັນແຂວງໃຫຍ່ດ້ານເສດຖະກິດແລະອຸດສາຫະກຳທີ່ ຈະເລີນໃຫມ່. ແຂວງເຫີນານຍັງແມ່ນຊຸມທາງລົດໄຟ,ທາງຫລວງ, ສາຍການບິນ,ໂທລະຄົມແລະພະລັງງານທີ່ສຳຄັນຫຼາຍຂອງຈີນ.
ດຽວນີ້ພວກເຮົາໄດ້ເຫັນລົດປະດັບຂອງແຂວງຫູໄປ. ແຂວງນີ້ແມ່ນຊຸມທາງ ຄົມມະນາຄົມຂົນສົ່ງທາງນ້ຳແລະທາງບົກຂອງຈີນ. ອຸດສາຫະກຳການຜະລິດລົດຍົນແມ່ນຂະແຫນງການເສົາຄ້ຳທີ່ສຳຄັນຂອງແຂວງຫູໄປ.
ລົດປະດັບທີ່ແລ່ນຜ່ານໃນດຽວນີ້ແມ່ນລົດປະດັບຂອງແຂວງຫູນານທີ່ຕັ້ງຢູ່ຍ່ານກາງຂອງແມ່ນ້ຳຢາງຊີກຽງ,ແຂວງນີ້ໄດ້ຈາກ "ອູ່ເຂົ້າອູ່ປາ" ພັດທະນາໄປສູ່ແຂວງເຂັ້ມແຂງໃນດ້ານອຸດສາຫະກຳແລະວິທະຍາສາດການສຶກສາ.
ທີ່ພວກເຮົາໄດ້ເຫັນໃນດຽວນີ້ແມ່ນລົດປະດັບທີ່ຊື່ວ່າ:ນຳພາຍຸກສະໄຫມ.ເຊິ່ງໄດ້ສະແດງໃຫ້ເຫັນຄວາມກ້າຫານຂອງແຂວງກວາງຕຸ້ງໃນການດຳເນີນການປະຕິຮູບແລະໄຂປະຕູສູ່ພາຍນອກ.
ແຂວງກວາງຕຸ້ງຕັ້ງຢູ່ແຄມທະເລພາກໃຕ້ຂອງແຜ່ນດິນໃຫຍ່ຈີນ,ແມ່ນແຂວງຫນຶ່ງທີ່ເສດຖະກິດພັດທະນາທີ່ສຸດ. ປີ 1980, ເມືອງເສີນເຈິ້ນ,ເມືອງຈູ່ຫ້າຍ,ເມືອງຊົວທາວຂອງແຂວງກວາງຕຸ້ງແລະເມືອງເຊ້ຍເມີນຂອງແຂວງຝູຈ້ຽນໄດ້ສ້າງເປັນເຂດເສດຖະກິດພິເສດ,ກາຍເປັນປ່ອງຢ້ຽມແລະບ່ອນທົດລອງການປະຕິຮູບແລະໄຂປະຕູສູ່ພາຍນອກຂອງຈີນ. ເມື່ອເຂົ້າສູ່ສະຕະວັດໃໝ່, ແຂວງກວາງຕຸ້ງໄດ້ກ້າວໄປພ້ອມກັບຍຸກສະໄຫມ, ຊອກຫາການບຸກທະລຸອັນໃຫມ່, ບັນລຸການຍົກລະດັບຂອງອຸດສາຫະກຳແລະການປະດິດສ້າງໂດຍຕົນເອງ. ຈ້ອງມອງເບິ່ງອະນາຄົດ, ແຂວງກວາງຕຸ້ງຍັງແມ່ນຜູ່ນຳໜ້າຂອງການປະຕິຮູບແລະໄຂປະຕູສູ່ພາຍນອກຂອງຈີນ.