ສຽງເພງອັນມ່ວນຊື່ນຂອງບ້ານເຜົ່າຈວ້າງ
-----------------------------------------------------------------------------------------------------------------
ລົດປະດັບທີ່ແລ່ນຜ່ານໃນດຽວນີ້ຊື່ວ່າ:ສຽງເພງອັນມ່ວນຊື່ນຂອງບ້ານເຜົ່າຈວ້າງ,ເຊິ່ງໄດ້ສະແດງໃຫ້ເຫັນຮີດຄອງປະເພນີຂອງຊົນເຜົ່າຂອງເຂດປົກຄອງຕົນເອງເຜົ່າຈວ້າງກວາງຊີ. ເຂດປົກຄອງຕົນເອງເຜົ່າຈວ້າງກວາງຊີຕັ້ງຢູ່ພາກຕາເວັນຕົກສຽງໃຕ້ຂອງຈີນ,ແມ່ນເຂດທຽບເທົ່າແຂວງທີ່ມີປະຊາຊົນຊົນເຜົ່າສ່ວນຫນ້ອຍຫລາຍກວ່າຫມູ່ຂອງຈີນ. ເຂດກວາງຊີແມ່ນຊ່ອງທາງທີ່ອອກສູ່ທະເລທີ່ສະດວກກວ່າຫມູ່ຂອງເຂດພາກຕາເວັນຕົກສຽງໃຕ້ຂອງຈີນ,ຕິດກັບປະເທດອາຊຽນຕ່າງໆ.ໃນຫລາຍປີມານີ້,ໂດຍສວຍໃຊ້ຍຸດທະສາດພັດທະນາພາກຕາເວັນຕົກຢ່າງໃຫຍ່ຂອງຈີນ, ເສດຖະກິດຂອງກວາງຊີໄດ້ພັດທະນາຢ່າງວ່ອງໄວ,ໃນ 6 ເດືອນຕົ້ນປີນີ້, ຈັງຫວະເຕີບໂຕທາງເສດຖະກິດຂອງເຂດເສດຖະກິດອ່າວພາກເຫນືອຂອງເຂດກວາງຊີໄດ້ສູງກວ່າລະດັບສະເລ່ຍຂອງທົ່ວປະເທດ 9,2%.
ດຽວນີ້ພວກເຮົາໄດ້ເຫັນລົດປະດັບທີ່ມີຊື່ວ່າ ໄຫຫລຳສີຂຽວ, ເຊິ່ງໄດ້ສະແດງໃຫ້ເຫັນເຖິງເປົ້າຫມາຍພັດທະນາຂອງແຂວງໄຫຫລຳທີ່ຢາກສ້າງເປັນເກາະທ່ອງທ່ຽວສາກົນ. ແຂວງໄຫຫລຳແມ່ນແຂວງທີ່ໜຸ່ມກວ່າຫມູ່ຂອງຈີນ ແລະ ແມ່ນເຂດ ເສດຖະກິດພິເສດທີ່ໃຫຍ່ກວ່າຫມູ່ຂອງຈີນ,ອາກາດຢູ່ແຫ່ງນີ້ສະບາຍຫລາຍຕະ ຫຼອດປີ, ຂຽວງາມຕະຫລອດສີ່ລະດູ. ປີ 2008, ໄຫຫລຳໄດ້ປະກາດແຜນການດຳເນີນງານກ່ຽວກັບການສ້າງເປັນເກາະທ່ອງທ່ຽວສາກົນ,ເພື່ອໃຫ້ຂະແຫນງການ ທ່ອງທ່ຽວຂອງແຂວງໄຫລຫລຳເຊື່ອມຕໍ່ກັບສາກົນຢ່າງຮອບດ້ານ.
ດຽວນີ້ ພວກເຮົາໄດ້ເຫັນລົດທີ່ໃສ່ຊື່ວ່າ: ຮ້ອງເພງຕໍ່ເຂື່ອນຊ່ານເຊຍ,ເຊິ່ງສະແດງໃຫ້ເຫັນໂຄງການຊ່ານເຊຍຂອງນະຄອນຈຸ່ງກິ່ງທີ່ເປັນຫນຶ່ງໃນ 4 ກຳແພງນະຄອນຂອງຈີນ. ໂຄງການຊ່ານເຊຍແມ່ນໂຄງການຊຸມຊົນລະປະທານທີ່ໃຫຍ່ທີ່ສຸດໃນໂລກປັດຈຸບັນ,ໄດ້ໂຮມສູນສະຕິປັນຍາແລະກຳລັງວັງຊາຂອງຫມູ່ຄະນະນຳແລະປະຊາຊົນຈີນຫລາຍຮຸ່ນຄົນ. ຕາມແຜນການ, ໃນທ້າຍເດືອນຕຸລາປີນີ້, ໂຄງ ການຊ່ານເຊຍຈະຂັງນ້ຳໃຫ້ສູງເຖິງ 175 ແມັດ, ເມື່ອຮອດເວລານັ້ນ, ໂຄງການ ຊ່ານເຊຍທີ່ສ້າງມາເປັນເວລາ 17 ປີນັ້ນຈະໄດ້ສ້າງສຳເລັດຫມົດແລ້ວ. ໂຄງການດັ່ງກ່າວຈະສ້າງຜົນປະໂຫຍດອັນມະຫາສານໃນດ້ານການລ້ຽງສັດນ້ຳ, ການທ່ອງ ທ່ຽວ,ການອະນຸລັກສິ່ງແວດລ້ອມ, ສ້າງສິ່ງແວດລ້ອມໃຫ້ສະອາດ,ຍົກຍ້າຍປະຊາ ຊົນແບບພັດທະນາ,ເປັ່ງນ້ຳທາງພາກໃຕ້ໄປສູ່ພາກເຫນືອ,ແລະລະບາຍນ້ຳເຂົ້ານາສວນ.
ທີ່ພວກເຮົາໄດ້ເຫັນແມ່ນລົດປະດັບທີ່ໃສ່ຊື່ວ່າ: ເສສວນທີ່ບຸກຫນ້າບືນຕົວ, ເຊິ່ງສະແດງໃຫ້ເຫັນຫມາກຜົນອັນຍິ່ງໃຫຍ່ທີ່ແຂວງເສສວນຈີນສ້າງບ້ານແປງເມືອງຄືນໃຫມ່ຫລັງເກີດໄພແຜ່ນດິນໄຫວແລະເລັ່ງລັດການພັດທະນາເສດຖະກິດພາກຕາເວັນຕົກ.
ດຽວນີ້ພວກເຮົາໄດ້ເຫັນລົດປະດັບທີ່ຊື່ວ່າ:ກຸ້ຍໂຈ່ວທີ່ມີຫລາຍສີຫລາຍສັນ, ອັນໄດ້ສະແດງໃຫ້ເຫັນປະຫວັດສາດອັນຮຸ່ງເຮືອງແລະສີສັນພິເສດຂອງຊົນເຜົ່າຕ່າງໆ. ເດືອນມັງກອນປີ 1935, ການນຳຂອງສູນກາງພັກຄອມມູນິດຈີນໄດ້ຈັດກອງປະຊຸມຢູ່ເມືອງຈຸ່ນອີ້ແຂວງກຸ້ຍໂຈວ, ໄດ້ກຳນົດຖານະນຳພາຂອງທ່ານເຫມົາເຈີຕົ່ງຢູ່ໃນສູນກາງພັກ, ເຮັດໃຫ້ກອງທັບແດງແລະສູນກາງພັກຄອມມູນິດຈີນໄດ້ຮັບການຮັກສາໄວ້ໃນສະພາບທີ່ອັນຕະລາຍທີ່ສຸດ, ກາຍເປັນບາດລ້ຽວທີ່ເອົາເປັນເອົາຕາຍໃນປະຫວັດສາດຂອງພັກຄອມມູນິດຈີນ.
ແຂວງກຸ້ຍໂຈ່ວແມ່ນແຂວງໜຶ່ງທີ່ມີຫຼາຍຊົນເຜົ່າ,ລວມທັງໝົດມີ 49 ຊົນເຜົ່າ. ແຕ່ລະຊົນເຜົ່າມີວັດທະນະທຳແລະຮີດຄອງປະເພນີຂອງຕົນ,ມື້ບຸນຂອງຊົນເຜົ່າຕ່າງໆໃນແຕ່ລະປີມີ 1000 ກວ່າອັນ,ບັນຍາກາດຊົນເຜົ່າເຂັ້ມຂຸ້ນທີ່ສຸດ.
ແຂວງກຸ້ຍໂຈ່ວຍັງແມ່ນແຂວງໃຫຍ່ດ້ານພະລັງງານຂອງຈີນ, ມີພະລັງງານນ້ຳແລະບໍ່ຖ່ານຫີນຢ່າງອຸດົມສົມບູນ. ເຫລົ້າເຫມົາຖາຍທີ່ເມືອງເຫມົາຖາຍຂອງກຸ້ຍໂຈ່ວຜະລິດນັ້ນຖືກເອີ້ນເປັນເຫລົ້າແຫ່ງຊາດຈີນ.
ດຽວນີ້ພວກເຣົາໄດ້ເຫັນລົດປະດັບຂອງແຂວງຢຸນນານທີ່ມີ 7 ສີແລ່ນຜ່ານມາ, ມັນໄດ້ໂຮມສູນທິວທັດທຳມະຊາດແລະສີສັນຊົນເຜົ່າຂອງແຂວງຢຸນນານ. ແຂວງຢຸນນານແມ່ນແຂວງທີ່ມີຊົນເຜົ່າຫລາຍທີ່ສຸດຂອງຈີນ,ລວມທັງໝົດ ມີ 52 ຊົນເຜົ່າ. ຊົນເຜົ່າຕ່າງໆໄດ້ຮັກສາຮີດຄອງປະເພນີຂອງໃຜລາວ. ນອກນີ້,ແຂວງຢຸນນານກໍ່ຖືກເອີ້ນເປັນ "ລາຊະອະນາຈັກຂອງສັດ, ລາຊະອະນາຈັກຂອງພືດແລະລາຊະອະນາຈັກຂອງໂລຫະມີສີ", ທັງມີຊັບພະຍາກອນທ່ອງທ່ຽວຢ່າງອຸດົມສົມບູນ, ໃນນັ້ນ, ເມືອງບູຮານລີ້ຈ່ຽງ, ບ່ອນທີ່ແມ່ນ້ຳສາມສາຍເຕົ້າໂຮມກັນແລະປ່າຫີນ ຖືກຈັດເປັນມໍລະດົກທຳມະຊາດຂອງອົງການຢູເນັສໂກສະຫະປະຊາຊາດ.
