ຕິເບດທີ່ກົມກຽວກັນ, ມັນໄດ້ວາດພາບເຖິງຜົນງານໃຫມ່ຂອງການສ້າງສາເຂດຕິເບດ,
-----------------------------------------------------------------------------------------------------------------
ດຽວນີ້ພວກເຮົດໄດ້ເຫັນລົດປະດັບທີ່ຊື່ວ່າ: ຕິເບດທີ່ກົມກຽວກັນ, ມັນໄດ້ວາດພາບເຖິງຜົນງານໃຫມ່ຂອງການສ້າງສາເຂດຕິເບດ,ໄດ້ສະແດງເຖິງຄວາມອວຍ ພອນອັນດີງາມຂອງປະຊາຊົນບັນດາເຜົ່າຢູ່ເຂດຕິເບດທີ່ມີຕໍ່ປະເທດຊາດ.
ປີ 1951,ພາຍຫລັງໄດ້ປົດປ່ອຍຕິເບດໂດຍສັນຕິແລ້ວ,ເຜົ່າຕິເບດກັບບັນດາຊົນເຜົ່າຂອງຈີນໄດ້ບັນລຸຄວາມສະເຫມີພາບແລະສາມັກຄີກັນ, ການປະຕິຮູບແບບ ປະຊາທິປະໄຕທີ່ດຳເນີນໃນປີ 1959 ໄດ້ຍົກເລີກລະບອບຂ້າທາດກະສິກອນທີ່ການເມືອງກັບສາສະຫນາໂຮມສູນກັນ, ເຮັດໃຫ້ຂ້າທາດກະສິກອນລ້ານກວ່າຄົນໄດ້ຮັບຄວາມເສລີພາບດ້ານຮ່າງກາຍ. ສ່ວນການສ້າງຕັ້ງເຂດປົກຄອງຕົນເອງຕິ ເບດໃນ 1965, ກໍ່ເຮັດໃຫ້ປະຊາຊົນຕິເບດມີສິດເປັນເຈົ້າຕົນເອງມາຄຸ້ມຄອງວຽກງານຂອງເຂດຕົນ. ໃນຫລາຍປີມານີ້, ການພັດທະນາເສດຖະກິດສັງຄົມຂອງຕິ ເບດ ໄດ້ຮັບຫມາກຜົນຢ່າງຫລວງຫລາຍ, ຊີວິດການເປັນຢູ່ຂອງປະຊາຊົນຍົກສູງຂຶ້ນເລື້ອຍໆ. ລວມຍອດມູນຄ່າການຜະລິດຂອງເຂດຕິເບດ
ໄດ້ຮັກສາຈັງຫວະເຕີບໂຕ 12% ເປັນ 7 ປີລຽນຕິດ,ຢູ່ເຂດຕິເບດໄດ້ນຳໜ້າບັນລຸການສຶກສາພາກບັງຄັບໂດຍບໍ່ເກັບຄ່າໃນທົ່ວເມືອງແລະຊົນນະບົດຢູ່ໃນທົ່ວປະເທດຈີນ, ນຳໜ້າບັນຸລການປະກັນໄພປິ່ນປົວຂອງປະຊາຊົນໃນທົ່ວຕົວເມືອງ ແລະ ໄດ້ປະຕິບັດລະບຽບການ ປິ່ນປົວທີ່ຖືການປິ່ນປົວໂດຍບໍ່ເກັບຄ່າເປັນພື້ນຖານ.
ດຽວນີ້ ພວກເຮົາໄດ້ເຫັນລົດປະດັບຂອງແຂວງສ້ານຊີ່.ເຊິ່ງສະແດງໃຫ້ເຫັນພາບຂອງແຂວງສ້ານຊີ່ທີ່ມີວັດທະນະທຳ,ເມືອງອຽນອ່ານສີຂຽວແລະແຂວງສ້ານຊີ່ ທີ່ທັນສະໄຫມ. ແຂວງສ້ານຊີ່ຕັ້ງຢູ່ໃຈກາງຂອງແຜນທີ່ພູມສາດຈີນ,ແມ່ນແຫລ່ງກຳເນີດມະນຸດບູຮານຂອງຈີນແລະວັດທະນະທຳປະຊາຊາດຈີນທີ່ສຳຄັນ. ແຫ່ງນີ້ເຄີຍເປັນໃຈກາງຂອງຫລາຍໆລາດຊະວົງໃນປະຫວັດສາດຈີນ,ແລະກໍ່ແມ່ນບ່ອນທີ່ອາ ລະຍະທຳປະຊາຊາດຈີນເດີນໄປສູ່ໂລກກ່ອນຫມູ່,ເສັ້ນທາງຜ້າໄຫມທີ່ມີຊື່ສຽງກໍ່ມີຈຸດເລີ່ມຢູ່ເມືອງ ຊາງອ່ານບູຮານຂອງແຂວງສ້ານຊີ່. ແຂວງສ້ານຊີ່ ມີປູຊະນີຍະສະຖານຫລາຍແຫ່ງຄື:ຮູບປັ້ນທະຫານແລະມ້າໃນສຸສານຊິນຊີຮົງເຕທີ່ຖືກຖືເປັນສິ່ງ ມະຫັດສະຈັນທີແປດຂອງໂລກ,ມີບັນຍາກາດວັດທະນະທຳອັນເຂັ້ມຂຸ້ນ.
ແຂວງສ້ານຊີ່ຍັງແມ່ນບ່ອນສັກສິດຂອງການປະຕິວັດສະໄຫມມໍ່ຂອງຈີນ. ປີ 1935, ກອງທັບແດງໄດ້ເດີນທັບທາງໄກໄປຮອດເມືອງອຽນອ່ານ, ຢູ່ແຫ່ງນີ້, ພັກຄອມມູນິດຈີນໄດ້ນຳພາປະຊາຊົນຈີນຕໍ່ສູ້ເປັນເວລາ 13 ປີ,ແລ້ວໄດ້ຮັບໄຊຊະນະໃນສົງຄາມຕໍ່ຕ້ານຍີ່ປຸ່ນແລະສົງຄາມປົດປ່ອຍຊາດ. ພາຍຫລັງສ້າງຕັ້ງປະເທດຈີນໃຫມ່,ໂດຍສະເພາະແມ່ນດຳເນີນການປະຕິຮູບແລະໄຂປະຕູສູ່ພາຍນອກເປັນຕົ້ນມາ, ເສດຖະກິດແຂວງສ້ານຊີ່ໄດ້ພັດທະນາເຂົ້າສູ່ໄລຍະດີທີ່ສຸດໃນປະຫວັດສາດ, ຍຸດທະສາດພັດທະນາພາກຕາເວັນຕົກຂອງຈີນໄດ້ນຳເອົາໂອກາດໃຫມ່ມາໃຫ້ ການພັດທະນາຂອງແຂວງສ້ານຊີ່.
ດຽວນີ້ພວກເຮົາໄດ້ເຫັນລົດປະດັບຂອງແຂວງການຊູ້. ເຊິ່ງໄດ້ສະແດງໃຫ້ເຫັນຄວາມຊີວິດຊີວາໃຫມ່ຂອງແຂວງການຊູ້ບົນເສັ້ນທາງຜ້າໄຫມບູຮານ. ແຂວງການຊູ້ຕັ້ງຢູ່ຍ່ານເຫນືອແລະຍ່ານກາງຂອງແມ່ນ້ຳເຫລືອງ, ແມ່ນບ່ອນໜຶ່ງທີ່ກຳ ເນີດປະຊາຊາດຈີນ. ໃນສະໄໝລາຊະວົງຮ້ານແລະລາດຊະວົງຖາງ, ແຂວງການຊູ້ກໍ່ກາຍເປັນບ່ອນທີ່ຕ້ອງຜ່ານໃນເສັ້ນທາງຜ້າໄຫມທີ່ໃຫ້ວັດທະນະທຳຈີນກັບຝ່າຍຕາເວັນຕົກແລກປ່ຽນກັນແລະຄ້າຂາຍກັນ.
