ການຊູ້ທີ່ເປັນເສັ້ນທາງຜ້າໄຫມອັນເກົ່າແກ່ນີ້ກໍ່ເກີດມີຄວາມຊີວິດຊີວາໃຫມ່.
-----------------------------------------------------------------------------------------------------------------
ພາຍຫລັງສ້າງຕັ້ງປະເທດຈີນໃຫມ່ແລ້ວ, ການຊູ້ທີ່ເປັນເສັ້ນທາງຜ້າໄຫມອັນເກົ່າແກ່ນີ້ກໍ່ເກີດມີຄວາມຊີວິດຊີວາໃຫມ່.
ດຽວນີ້ ພວກເຮົາໄດ້ເຫັນລົດປະດັບທີ່ຊື່ວ່າ: ຊິ່ງຫາຍທີ່ສວຍງາມ, ເຊິ່ງເປັນລົດປະດັບຂອງແຂວງຊິ່ງຫາຍ. ແຂວງຊິ່ງຫາຍຕັ້ງຢູ່ພາກຕາເວັນອອກສຽງເຫນືອຂອງພູພຽງຊິ່ງຫາຍຕິເບດ,ແມ່ນແຫຼ່ງຂອງແມ່ນ້ຳຢາງຊີກຽງແລະແມ່ນ້ຳເຫຼືອງ. ແຂວງຊິ່ງຫາຍຍັງມີຊັບພະຍາກອນທຳມະຊາດອຸດົມສົມບູນ,ແຮ່ທາດຫຼາຍຢ່າງມີປະລິມານສະສົມຫຼາຍທີ່ສຸດຂອງຈີນ. ນອກນີ້ ທິວທັດທຳມະຊາດຂອງແຂວງຊິ່ງຫາຍກໍສວຍງາມສະຫງ່າຜ່າເຜີຍ,ຊັບພະຍາກອນມະນຸດແລະທ່ອງທ່ຽວກໍອຸດົມ ສົມບູນຄືກັນ.
ລົດປະດັບທີ່ຊື່ວ່າ:"ນິງເຊ້ຍທີ່ກົມກຽວກັນ"ພວມແລ່ນຜ່ານພວກເຮົາ.
ເຂດປົກຄອງຕົນເອງເຜົ່າຫຸຍນິງເຊ້ຍຕັ້ງຢູ່ເສັ້ນທາງຜ້າໄຫມ,ມີອາລະຍະທຳແມ່ນ້ຳເຫລືອງອັນຍາວນານ. ທົ່ງພຽງນິງເຊ້ຍມີດິນດຳນ້ຳຊຸມ, ເຫມາະສຳລັບພັດ ທະນາກະສິກຳ,ຈິ່ງຖືກເອີ້ນເປັນອູ່ເຂົ້າອູ່ປາທີ່ຕັ້ງຢູ່ນອກກຳແພງເມືອງຈີນ. ເຂດນິງເຊ້ຍມີ 31 ຊົນເຜົ່າ, ແມ່ນເຂດທີ່ປະຊາຊົນເຜົ່າຫຸຍຕັ້ງພຸມລຳເນົາຫລາຍທີ່ສຸດຂອງຈີນ,ຢູ່ແຫ່ງນີ້,ຊົນເຜົ່າຕ່າງໆສາມັກຄີກັນ, ຮ່ວມກັນສະແຫວງຫາການພັດທະນາ.
ດຽວນີ້ພວກເຮົາໄດ້ເຫັນລົດປະດັບທີ່ຊື່ວ່າ: "ຄຳອວຍພອນຈາກພູຖ່ຽນຊ່ານ" ພວມແລ່ນຜ່ານ,ລົດນີ້ໄດ້ສະແດງໃຫ້ເຫັນເຖິງຊີວິດການເປັນຢູ່ອັນມີສຸກຂອງປະ ຊາຊົນບັນດາເຜົ່າຢູ່ເຂດຊິນຈ່ຽງ.
ເຂດປົກຄອງຕົນເອງອູຍເກີຊິນຈ່ຽງແມ່ນເຂດບໍລິຫານງານລະດັບແຂວງທີ່ ໃຫຍ່ກວ່າຫມູ່ຂອງຈີນ,ສ້າງຕັ້ງຂຶ້ນໃນປີ 1955. ເຂດຊິນຈ່ຽງແມ່ນ"ບ້ານຟ້ອນລຳທຳເພງ"ຂອງຈີນ,ແລະແມ່ນ"ບ້ານແຫ່ງຫມາກໄມ້"ຂອງຈີນ,ທ່ານໂຈ່ວເອີນລາຍ, ນາຍົກລັດຖະມົນຕີຜູ່ທຳອິດຂອງປະເທດຈີນໃຫມ່ເອີ້ນຊິນຈ່ຽງເປັນ "ບ່ອນປະເສີດ" ແຫ່ງຫນຶ່ງ. ຊິນຈ່ຽງມີຊົນເຜົ່າສ່ວນຫນ້ອຍຢ່າງຫລວງຫລາຍ, ມີຊັບພະຍາກອນ ການທ່ອງທ່ຽວທີ່ອຸດົມສົມບູນ, ຄື:ຫນອງຄານັສ,ເມືອງໂຫລວຫລານບູຮານ,ແລະຫນອງທ່ຽນຊື. ໃນຫລາຍສິບປີມານີ້, ປະຊາຊົນບັນດາເຜົ່າຂອງຊິນຈ່ຽງ ສາມັກຄີກັນເຂົ້າ, ໄດ້ຮັບຫມາກຜົນຢ່າງໃຫຍ່ຫລວງໃນການສ້າງສາເຂດຊິນຈ່ຽງ. ຄຽງຄູ່ກັບການປະຕິບັດຍຸດທະສາດພັດທະນາພາກຕາເວັນຕົກຢ່າງໃຫຍ່, ເຂດຊິນຈ່ຽງໄດ້ປະເຊີນກັບໂອກາດພັດທະນາທີ່ໃຫຍ່ກວ່າເກົ່າ.
ລົດປະດັບທີ່ກຳລັງແລ່ນຜ່ານພວກເຮົາມີຊື່ວ່າ:ດອກຈື່ຈິ່ນບານເຮືອງ. ດອກຈື່ຈິ່ນແມ່ນດອກໄມ້ປະຈຳເຂດບໍລິຫານພິເສດຮົງກົງ, ລົດຄັນນີ້ໄດ້ສະແດງໃຫ້ເຫັນຄວາມສະເຫນ່ຂອງຮົງກົງທີ່ຖືກເອີ້ນເປັນ"ໄຂ້ມຸກບົວລະພາ".
ໃນສະໄຫມສົງຄາມຢາຝິ່ນເມື່ອປີ 1842, ຮົງກົງຕົກເປັນເມືອງຂຶ້ນຂອງອັງກິດ. ວັນທີ 1 ກໍລະກົດປີ 1997,ຈີນຟື້ນຟູອະທິປະໄຕເຫນືອຮົງກົງ,ສ້າງເຂດພິເສດຮົງກົງຕາມແນວຄວາມຄິດ"ປະເທດຫນຶ່ງສອງລະບອບ", ກໍ່ຄື:ໃຫ້ຊາວຮົງກົງປົກຄອງຮົງກົງ,ປົກຄອງຕົນເອງໃນລະດັບສູງ. ໃນ 12 ປີຫຼັງຈາກກັບຄືນປະເທດຊາດ,ເສດຖະກິດຮົງກົງໄດ້ພັດທະນາຢ່າງແຂງແຮງ, ຊີວິດການເປັນຢູ່ຂອງປະຊາ ຊົນດີຂຶ້ນເລື້ອຍໆ,ຖານະໃນສາກົນກໍ່ຍົກສູງຂຶ້ນເລື້ອຍໆ. ປັດຈຸບັນ, ຮົງກົງແມ່ນສູນກາງການເງິນ, ການບໍລິການແລະການເດີນເຮືອທີ່ສຳຄັນຂອງສາກົນ, ກໍ່ແມ່ນເຂດຫນຶ່ງທີ່ຮັ່ງມີກວ່າຫມູ່, ເສດຖະກິດພັດທະນາກວ່າຫມູ່ແລະລະດັບຊີວິດການເປັນຢູ່ສູງກວ່າຫມູ່ໃນທົ່ວໂລກ. ຫຼັງຈາກກັບຄືນສູ່ປະເທດຊາດແລ້ວ, "ໄຂ້ມຸກບົວລະພາ" ໜ່ວຍນີ້ຍິ່ງມີຄວາມຊີວິດຊີວາຫລາຍກວ່າເກົ່າ.
ລົດປະດັບທີ່ແລ່ນມາໃນດຽວນີ້ມີຊື່ວ່າ: ດອກບົວໃນສະໄຫມທີ່ຮຸ່ງເຮືອງ. ດອກບົວແມ່ນດອກປະຈຳເຂດບໍລິຫານພິເສດມາເກົາ. ລົດນີ້ໄດ້ສະແດງໃຫ້ເຫັນ ເຖິງຄວາມຈະເລີນຮຸ່ງເຮືອງແລະຊີວິດຊີວາຂອງມາເກົາໃນ 10 ປີຫຼັງຈາກກັບຄືນສູ່ປະເທດດຊາດ.
ແຕ່ກ່ອນ,ມາເກົາເປັນບ້ານຊາວຫາປາ,ໃນສະຕະວັດທີ 16 ຖືກປອກຕຸຍການເຊົ່າ. ຈົນມາຮອດວັນທີ 20 ທັນວາ 1999, ຈີນຟື້ນຟູອະທິປະໄຕເຫນືອມາເກົາ, ສ້າງຕັ້ງເຂດບໍລິຫານພິເສດມາເກົາໂດຍອີງຕາມແນວທາງ "ປະເທດຫນຶ່ງສອງລະ ບອບ", ປະຕິບັດການໃຫ້ຄົນມາເກົາປົກຄອງມາເກົາ,ປົກຄອງຕົນເອງໃນລະດັບສູງ.ໃນ 10 ປີທີ່ກັບຄືນສູ່ປະເທດຊາດ,ເສດຖະກິດສັງຄົມຂອງມາເກົາໄດ້ເຂົ້າສູ່ໄລຍະພັດທະນາຢ່າງວ່ອງໄວ, ປັດຈຸບັນ, ມາເກົາແມ່ນບ່ອນທີ່ມີປະຊາກອນແໜ້ນໜາທີ່ສຸດໃນໂລກ,ແລະກໍ່ແມ່ນຕົວເມືອງຫນຶ່ງທີ່ຮັ່ງມີທີ່ສຸດໃນທົ່ວໂລກ.
ລົດປະດັບທີ່ພວມແລ່ນຜ່ານໃນດຽວນີ້ຊື່ວ່າ: ໄຕ້ຫວັນ--ເກາະລ້ຳເລີດ,ລົດນີ້ໄດ້ສະແດງໃຫ້ເຫັຄວາມສວຍງາມ,ອຸດົມຮັ່ງມີແລະການພັດທະນາຂອງແຂວງໄຕ້ຫວັນຂອງຈີນ, ສ່ອງແສງເຖິງສາຍເລືອດທີ່ຕັດຂາດບໍ່ໄດ້ລະຫວ່າງສອງຝັ່ງຊ່ອງແຄບໄຕ້ຫວັນ, ແລະຄວາມປາຖະຫນາຮ່ວມຂອງປະຊາຊົນຢູ່ສອງຝັ່ງທີ່ມີຕໍ່ອະນາ ຄົດການພັດທະນາໂດຍສັນຕິລະຫວ່າງສອງຝັ່ງ.
ລົດປະດັບເຫລົ່ານີ້ລ້ວນແຕ່ໄດ້ສະແດງຢ່າງເຕັມທີ່ໃຫ້ເຫັນເຖິງພູຜາແມ່ນ້ຳທີ່ສວຍງາມ,ຮີດຄອງປະເພນີ,ວັດທະນະທຳ,ຜົນງານອັນປະຈັກຕາແລະອະນາຄົດທີ່ສວຍງາມຂອງແຫ່ງຕ່າງໆທົ່ວປະເທດຈີນ, ສ່ອງແສງເຖິງຄວາມອວຍພອນດ້ວຍຄວາມຈິງໃຈຂອງປະຊາຊົນບັນດາເຜົ່າທົ່ວປະເທດ ທີ່ມີຕໍ່ປະເທດຊາດ, ທັງເປັນການສະແດງຕົວຕໍ່ໂລກ.