ພາກທີ 7: ອະນາຄົດທີ່ສວຍງາມ
-----------------------------------------------------------------------------------------------------------------
ທີ່ທ່ານຈະໄດ້ເຫັນໃນຕໍ່ໄປນີ້ແມ່ນຫົວຂໍ້ສຸດທ້າຍຂອງການເດີນຂະບວນສວນ ສະໜາມຂອງມວນຊົນ ຄື:ອະນາຄົດອັນສວຍງາມ. ກ້ອນກຳລັງເຫຼົ່ານີ້ ປະກອບດ້ວຍຊາວຫນຸ່ມແລະເຍົາວະຊົນຫມົດ. ຊາວຫນຸ່ມເຍົາວະຊົນແມ່ນອະນາຄົດຂອງຈີນ, ຄວາມຫວັງຂອງປະຊາຊາດ. ການຈັດໃຫ້ຊາວຫນຸ່ມເຍົາຊະຊົນເປັນການອັດທ້າຍຂອງການເດີນຂະບວນສວນສະໜາມຂອງມວນຊົນ, ມີຄວາມຫມາຍວ່າ: ພາ ລະກິດສ້າງສາສັງຄົມນິຍົມທີ່ມີສີສັນພິເສດຂອງຈີນມີຄົນສືບທອດກັນໄປ.
ກ້ອນກຳລັງວາດພາບແຜນຜັງ
ກ້ອນກຳລັງນຳຫນ້າແມ່ນກ້ອນກຳລັງວາດພາບແຜນຜັງ. ເມື່ອຮອດເວລາ ສ້າງຕັ້ງພັກຄອມມູນິດຈີນຄົບຮອບ 100 ປີ,ຈະສ້າງເປັນສັງຄົມທີ່ອີ່ມໜຳສຳລານ ລະດັບສູງທີ່ສົ່ງຜົນປະໂຫຍດໄປເຖິງປະຊາກອນໜຶ່ງຕື້ກວ່າຄົນ; ເມື່ອຮອດເວລາ ຄົບຮອບ 100 ປີຂອງການສ້າງຕັ້ງປະເທດຈີນໃຫມ່, ຈະບັນລຸການສ້າງເປັນທັນສະໄຫມໃນຂັ້ນພື້ນຖານ, ສ້າງເປັນປະເທດສັງຄົມນິຍົມທັນສະໄຫມທີ່ມັ້ງຄັ້ງເຂັ້ມແຂງ, ມີປະຊາທິປະໄຕ, ມີຄວາມສີວິໄລແລະກົມກຽວກັນ, ເປົ້າຫມາຍສູ້ຊົນອັນນີ້ໄດ້ວາດພາບເຖິງອະນາຄົດອັນສວຍງາມຂອງຈີນ. ລົດປະດັບຄັນຫນຶ່ງທີ່ຖືກຕົບແຕ່ງເປັນກຳປັ່ນໃຫຍ່ເປັນສັນຍະລັກສະແດງໃຫ້ເຫັນປະຊາຊົນບັນດາເຜົ່າໃນທົ່ວປະເທດຈີນ ຢູ່ພາຍໃຕ້ການນຳພາຂອງພັກຄອມມູນິດຈີນ,ສາມັກຄີເປັນຈິດຫນຶ່ງໃຈດຽວກັນ, ຜ່ານຜ່າຟ້າຝົນລົມແດງ, ເດີນໄປສູ່ອະນາຄົດອັນສວຍງາມຂອງສາທາ ລະນະລັດຢ່າງກ້າຫານ.
ກ້ອນກຳລັງການສະແດງ
ທີ່ພວກເຮົາໄດ້ເຫັນໃນດຽວນີ້ແມ່ນກອງຕີກອງແລະເປົ່າແກຊີ່ເຊີ້ກວງ,ແປວ່າ "ແສງເຈັດສີ",ເຊິ່ງປະກອບດ້ວຍນັກຮຽນປະຖົມແລະມັດທະຍົມຂອງນະຄອນຫຼວງ ປັກກິ່ງ 1400 ກວ່າຄົນ, ເຂົາເຈົ້າຢ່ວງບາດກ້າວເປັນເອກະພາບກັນຍ່າງຜ່ານສະ ຫນາມຫລວງທ່ຽນອ່ານເມີນ, ສະແດງໃຫ້ເຫັນຄວາມມີຊີວິດຊີວາຂອງຊາວຫນຸ່ມເຍົາວະຊົນ.
ກ້ອນກຳລັງທວນໄຟໝູ່ດາວ
ກ້ອນກຳລັງທວນໄຟໝູ່ດາວທີ່ປະກອບດ້ວຍສະມາຊິກກອງເຍົາວະຊົນນຳຫນ້າ. ກອງເຍົາວະຊົນນຳຫນ້າ ແມ່ນອົງການຈັດຕັ້ງມະຫາຊົນຂອງຊາວຫນຸ່ມເຍົາວະຊົນຈີນ.
ປີນີ້ແມ່ນການສ້າງຕັ້ງກອງເຍົາວະຊົນນຳຫນ້າຄົບຮອບ 60 ປີ. ໃນ 60 ປີມານີ້, ກອງເຍົາວະຊົນນຳຫນ້າໄດ້ຮ່ວມກັບປະເທດຊາດ,ກ້າວໄປຫນ້າກັບຍຸກສະໄຫມ, ກາຍເປັນມຫມູ່ຄະນະທີ່ອົບອຸ່ນ,ແລະຖັນແຖວທີ່ເຕີບໂຕເລື້ອຍໆ.
ກ້ອນກຳລັງມື້ຫນ້າຈະສວຍງາມກວ່າເກົ່າ
ດຽວນີ້,ເດັກນ້ອຍເຍົາວະຊົນ 5 ພັນກວ່າຄົນທີ່ມືຈັບໝາກໂປ່ມສີແລະພວງມາ ລາໄດ້ຍ່າງເຂົ້າມາ. ລົດປະດັບທີ່ເປັນຮູບກະຕ່າດອກໄມ້ໂຕໃຫຍ່ທີ່ມີດອກໄມ້ນາໆສີນັ້ນມີຄວາມຫມາຍວ່າ ປະເທດຊາດມີອະນາຄົດທີ່ສວຍງາມຄືດອກໄມ້ນາໆພັນ.
ເດັກນ້ອຍເຍົາວະຊົນໃນຊູ່ມື້ນີ້ແມ່ນເຕີບໃຫຍ່ຂຶ້ນໃນສະໄຫມທີ່ເປີດປະຕູ. ສະພາບແວດລ້ອມສັງຄົມທີ່ເປີດປະຕູແມ່ນມີຂຶ້ນຍ້ອນນະໂຍບາຍປະຕິຮູບແລະໄຂປະຕູສູ່ພາຍນອກຂອງຈີນ. ການປ່ຽນແປງດ້ານໂຄງປະກອບສັງຄົມຢ່າງຮອບດ້ານ ຍ້ອນການປະຕິຮູບແລະໄຂປະຕູສູ່ພາຍນອກ ເຮັດໃຫ້ຈີນເຂົ້າສູ່ໄລຍະປະຫວັດ ສາດອັນໃຫມ່. ວຽກງານທຸກລາຍມີສະພາບທີ່ກ້າວໄປຫນ້າເລື້ອຍໆ,ທັງຫມົດເຫລົ່ານີ້ລ້ວນແຕ່ໄດ້ສ້າງສະພາບແວດລ້ອມທີ່ດີໃຫ້ແກ່ການເຕີບໂຕຂອງຊາວຫນຸ່ມເຍົາ ວະຊົນ.
ໃນທ່າມກາງສຽງເພງທີ່ຊື່ວ່າ: "ຮ້ອງເພງສັນລະເສີນປະເທດຊາດ",ເດັກນ້ອຍເຍົາວະຊົນໄດ້ປ່ອຍໝາກໂປ່ມຂຶ້ນສູ່ທ້ອງຟ້າ, ແລ້ວໄຊໂຍໂຮຮ້ອງ ແລ່ນໄປສູ່ຂົວຈີ່ນສຸ້ຍ,ນົກກາງແກສັນຕິພາບ 6 ຫມື່ນໂຕ ບິນຂຶ້ນສູ່ທ້ອງຟ້າ. ໃບຫນ້າອັນຍິ້ມແຍ້ມແຈ່ມໃສ,ດອກໄມ້ທີ່ສວຍສົດອົດງາມ,ໝາກໂປ່ມທີ່ມີຫລາຍສີຫລາຍສັນ,ແລະນົກກາງແກສັນຕິພາບທີ່ຂາວຈ່ານຜ່ານ, ໃນຂະນະນີ້, ສະຫນາມຫລວງທ່ຽນອ່ານເມີນໄດ້ກາຍເປັນໂລກແຫ່ງດອກໄມ້ແລະທະເລແຫ່ງສຽງເພງ.
ທ່ານຫລິວຊີ, ເລຂາຄະນະພັກນະຄອນຫລວງປັກກິ່ງປະກາດພິທີສະເຫລີມ ສະຫລອງຈົບລົງ.
