ໄຂກອງປະຊຸມກະກຽມໃຫ້ແກ່ກອງປະຊຸມໃຫຍ່ຄັ້ງທີ18ຂອງພັກກອມມູນິດຈີນ
(GMT+08:00) 2012-11-07 20:18:45 cri
ຕອນບ່າຍວັນທີ7ພະຈິກນີ້, ກອງປະຊຸມເພື່ອກະກຽມໃຫ້ແກ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ18ຂອງພັກກອມມູນິດຈີນໄດ້ໄຂຂຶ້ນຢູ່ຫໍສະພາປະຊາຊົນ, ໂດຍມີທ່ານຫູຈີນທ່າວ, ປະທານປະເທດຈີນເປັນປະທານ.ມີຜູ້ແທນ2280ທ່ານຈາກຜູ້ແທນສົມບູນແລະຜູ້ແທນພິເສດຂອງກອງປະຊຸມໃຫຍ່ຄັ້ງ18ຈຳນວນ2325ທ່ານເຂົ້າຮ່ວມ.
ກອງປະຊຸມໃຊ້ວິທີຍົກມືເພື່ອເປັນການລົງຄະແນນສຽງ, ໄດ້ຮັບຮອງລາຍຊື່ຄະນະກຳມະການສຳຫຼວດຄຸນວຸດທິຂອງຜູ້ແທນສົມບູນຈຳນວນ22ທ່ານ, ລາຍຊື່ຄະນະປະທານກອງປະຊຸມຈໍານວນ247ທ່ານ, ແລະຮັບຮອງທ່ານສີຈີ້ນຜີງເປັນເລຂາ ທິການໃຫຍ່ຂອງກອງປະຊຸມ. ກອງປະຊຸມຍັງໄດ້ຮັບຮອງການຈັດວາງອົງການແລະໜ້າທີ່ວຽກງານຂອງກອງເລຂາກອງປະຊຸມ.
ນອກນີ້, ກອງປະຊຸມໄດ້ຮັບຮອງວາລະປະຊຸມຂອງກອງປະຊຸມໃຫຍ່ຄັ້ງທີ18, ຄື: ຮັບຟັງບົດລາຍງານແລະບົດສຳຫຼວດຂອງຄະນະກຳມະການສູນກາງສະໄໝທີ17, ສຳຫຼວດບົດລາຍງານວຽກງານຂອງຄະນະກຳມະການກວດກາລະບຽບວິໄນສູນກາງສະໄໝທີ17, ພິຈາລະນາແລະຮັບຮອງ "ກົດລະບຽບພັກກອມມູນິດຈີນສະບັບດັດແກ້", ເລືອກຕັ້ງຄະນະກຳມະການສູນກາງສະໄໝທີ18, ແລະເລືອກຕັ້ງຄະນະກຳມະການກວດກາລະບຽບວິໄນສູນກາງສະໄໝທີ18.
