ອັດກອງປະຊຸມໃຫຍ່ຜູ້ແທນພັກກອມມູນິດຈີນຄັ້ງທີ18
ຕາມຂ່າວສານຊິນຮວາ: ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ18ຂອງພັກກອມມູນິດຈີນໄດ້ອັດລົງຢູ່ຫໍສະພາປະຊາຊົນແຫ່ງຊາດໃນເວລາ9ໂມງວັນທີ14ພະຈິກນີ້.
ທ່ານຫູຈີນທາວ, ທ່ານຈ່ຽງເຈີມີນ,ທ່ານອູປາງກົວ, ທ່ານເວີນເຈຍປາວ,ທ່ານເຈຍຊີ້ງລີນ,ທ່ານຫຼີຊາງຊຸ່ນ,ທ່ານຊີຈີ້ນພີງ,ທ່ານຫຼີເຄີ້ຊຽງ,ທ່ານເຮີ້ກົວຊຽງ,ທ່ານໂຈ່ວຢົງຄ່າງ ແລະ ບັນດາຜູ້ນຳອື່ນໆກ້າວເຂົ້າຫໍປະຊຸມ,ແລະຜູ້ແທນທັງໝົດ 2307 ຄົນທີ່ຕາງໜ້າໃຫ້ສະມາຊິກພັກທົ່ວປະເທດຈີນເຂົ້າຮ່ວມກອງປະຊຸມຄັ້ງນີ້. ກອງປະຊຸມໄດ້ເລິ່ມຂຶ້ນໂດຍການເປັນປະທານຂອງທ່ານຫູຈີນທາວ,ເລຂາທິການໃຫຍ່ສູງກາງພັກກອມມູນິດຈີນ.
ໃນວາລະທຳອິດຂອງກອງປະຊຸມແມ່ນເລືອກຕັ້ງຄະນະກຳມະການສູນກາງພັກແລະ ຄະນະກຳມະການກວດກາວິໄນສູນກາງພັກ. ຈາກນັ້ນໄດ້ຜ່ານຮັບຮອງລາຍຊື່ຂອງຜູ້ຕິດຕາມກວດກາບັດເລືອກຕັ້ງແລະ ຜູ້ຕິດຕາມກວດກາບັດເລືອກຕັ້ງ,ແລະເກັບບັດເລືອກຕັ້ງທີ່ຜູ້ຕິດຕາມກວດກາບັດເລືອກຕັ້ງສະເໜີອອກມານັ້ນ, ທ່ານຫູຈີນທາວປະກາດວ່າ,ອີງຕາມຂໍ້ກຳນົດສຳລັບວິທີເລືອກຕັ້ງຂອງກອງປະຊຸມແລ້ວ,ການເລືອກຕັ້ງເທື່ອນີ້ຖືວ່າໄດ້ເປັນການເລືອກຕັ້ງເອົາຄະນະບໍລິຫານຊຸດໃໝ່ທີ່ມີຜົນສັກສິດໃນການບໍລິຫານວຽກງານອະນາຄົດ.
