ອາຫານກວາງຕຸ້ງທີ່ມີເອກະລັກພິເສດ
ອາຫານກວາງຕຸ້ງແມ່ນຫນຶ່ງໃນ4ອາຫານທ້ອງຖິ່ນທີ່ມີຊື່ສຽງຂອງຈີນ, ເຊິ່ງເກີດຂຶ້ນໃນສະໄຫມລາຊະວົງຊິງຈີນ.ເມື່ອຮອດສະໄຫມລາຊະວົງຊົ້ງໃຕ້,ຍ້ອນວ່າຊ່າງຄົວກິນໄດ້ຕິດຕາມເຈົ້າຊີວິດໄປນະຄອນກວາງໂຈວ,ອາຫານກວາງຕຸ້ງຈຶ່ງໄດ້ພັດທະນາຢ່າງວ່ອງໄວ,ຫຼັງຈາກສົງຄາມ ຢາຝິ່ນສິ້ນສຸດລົງແລ້ວ,ນະຄອນກວາງໂຈ່ວໃນຖານະທີ່ເປັນດ່ານເຂົ້າອອກເມືອງທາງການຄ້າຕໍ່ຕ່າງປະເທດງວດທຳອິດ, ການໄປມາຫາສູ່ກັນກັບປະເທດຕ່າງໆໄດ້ເພີ່ມຂຶ້ນ,ອາຫານກວາງຕຸ້ງກໍ່ໄດ້ຮັບເອົາຈຸດພິເສດບາງຢ່າງຂອງອາຫານຕາເວັນຕົກ,ປະກອບເປັນລັກສະນະອາຫານຕົນເອງ,ແລ້ວກາຍເປັນອາຫານທີ່ມີຊື່ສຽງຢູ່ຈີນແລະຕ່າງປະເທດ. ໃນລາຍການມື້ນີ້ພວກເຮົາຈະພາທ່ານຮູ້ຈັກກັບອາຫານກວາງຕຸ້ງທີ່ມີເອກະລັກພິເສດ ຄື:
ຄຳຖາມທີຫນຶ່ງແມ່ນອາຫານກວາງຕຸ້ງທີ່ຖືອາຫານທ້ອງຖິ່ນໃດເປັນຕົວແທນ?
ຄຳຖາມທີສອງ: ຄົນກວາງຕຸ້ງຈະກິນຂະຫນົມຫຍັງໃນເວລາດື່ມນ້ຳຊາ?
ຄຳຖາມທີສາມ:ຄົນກວາງຕຸ້ງມັກໃຊ້ຫມໍ້ຫຍັງມາປູງແຕ່ງແກງ?
ຖ້າເວົ້າຈາກທີ່ຕັ້ງພູມີສາດແລ້ວ,"ອາຫານກວາງຕຸ້ງ"ແມ່ນປະກອບດ້ວຍອາຫານກວາງໂຈ່ວ ອາຫານຊົ່ວເທົາແລະອາຫານຕົ່ງຈ່ຽງ,ແລະຖືອາຫານກວາງໂຈ່ວເປັນຕົວແທນ.ອາຫານກວາງໂຈ່ວແມ່ນອາຫານທີ່ຮັບເອົາສິ່ງຍອດຍິ່ງຂອງອາຫານທ້ອງຖິ່ນຕ່າງໆຂອງຈີນບົນພື້ນຖານທີ່ໂຮມສູນອາຫານພື້ນເມືອງອັນດີເລີດຂອງແຫ່ງຕ່າງໆຂອງແຂວງກວາງໂຈ່ວ,ແລະໄດ້ຖອດຖອນເອົຈຸດດີເດັ່ນຂອງຫາຫານຕາເວັນຕົກ ແລ້ວປະສົມຫະສານກາຍເປັນອາຫານກວາງຕຸ້ງ,ວັດຖຸປະກອບອາຫານກວາງຕຸ້ງມີຈຳນວນຫຼວຫຼາຍ,ທງໄດ້ຮັບການຄັດເລືອກຢ່າງປານີດ,ອາຫານກວາງຕຸ້ງມີຫຼາຍຢ່າງຫຼາຍແນວ,ວິທີປຸງແຕ່ງມີ21 ຊະນິດ,ໂດຍສະເພາະເກັ່ງໃນວິທີຂົ້ວ ຈືນ ຕົ້ມອົບເປັນຕົ້ນ,ເວລາປຸງແຕ່ງບາງເຈື່ອງໃຊ້ໄຟແຮງ ບາງເຍື່ອງໃຊ້ໄຟອ່ອນ,ອາຫານທີ່ປຸງແຕ່ງແລ້ວມີສີງາມ,ມີກິ່ນຫອມ ເຖິງວ່າຈາງແຕ່ບໍ່ຈາງເກີນໄປ,ເຖິງວ່າສົດແຕ່ບໍ່ສົດເກີນໄປ,ເຖິງວ່າອ່ອນແຕ່ບໍ່ຄືອາຫານດິບ ເຖິງວ່າມີນ້ຳມັນແຕ່ບໍ່ຫຼາຍເກີນໄປ,ມີລົດແຊບແລະມີຮູບສວຍງາມ,ລົດຊາດຕົ້ນຕໍແມ່ນຈາງ ສົດ ອ່ອນແລະກອບ, ໃນລະດູທີ່ແຕກຕ່າງກັນກໍ່ມີລົດຊາດທີ່ຕ່າງກັນ.ຕົວຢ່າງຄືໃນລະດູຮ້ອນແລະລະດູໃບໄມ້ລົ່ນ ອາຫານຖືເອົາລົດຊາດຈາງເປັນຕົ້ນ,ໃນລະດູໃບໄມ້ປົ່ງແລະລະດູຫນາວຖືເອົາລົດຊາດຂຸ້ນເປັນຕົ້ນຕໍ.ອາຫານກວາງໂຈ່ວທີ່ເຫັນເລື້ອຍໆມີຕົ້ມໄກ່ ຕົ້ມກຸ້ງທະເລທີ່ຕົ້ມ ປີ້ງຫມູນ້ອຍ ປີ້ງເປັດ ແກງງູູ ກຸ້ງນ້ອຍຂົ້ວໃສ່ນ້ຳມັນ ຫນຶ້ງອາຫານທະແລະອື່ນໆ.
ຕາມຄຳສຸພາສິດຈີນເວົ້າວ່າ,ບໍ່ມີຊີ້ນໄກ່ກໍ່ບໍ່ແມ່ນງານລ້ຽງອາຫານທີ່ຄົບຊຸດ.ໃນອາຫານກວາງຕຸ້ງ,ແມ່ນສາມາດໃຊ້ໄກ່ໂຕຫນຶ່ງມາປຸງແຕ່ງອາຫານໄດ້ຫຼາຍສິບຢ່າງ,ເຊິ່ງລວມມີຕົ້ມໄກ່ ຕົ້ມໄກ່ເອືອບເກືອ ຕົ້ມໄກ່ນ້ຳຊີອິວ ຫນຶ້ງໄກ່ເປັນຕົ້ນ. ການຕົ້ມໄກ່ແມ່ນວິທີຢ່າງຫນຶ່ງທີ່ປຸງແຕ່ງຊະນິດຫນຶ່ງທີ່ເຫັນເລື້ອຍໆຳໃນອາຫານກວາງຕຸ້ງຄື:ຕົ້ມໄກ່ໃຫ້ສຸກໂດຍບໍ່ໃສ່ເຄື່ອງປຸງເພື່ອຮັກສາລົດຊາດທຳມະຊາດ.
ທ່ານຈັ່ງຊິ່ນທີ່ອອກແຮງຄົ້ນຄວ້າກນປຸງແຕ່ງອາຫານກວາງຕຸ້ງເປັນເວລາດົນນານບອກນັກຂ່າວວ່າຖ້າຢາກປຸງແຕ່ງອາຫານປະເພດໄກ່ຕົ້ມທີ່ມີຊີ້ນອ່ອນແລະລົດຊາດທັງສົດທັງຈາງ,ຕ້ອງໃຫ້ກຳຮູບການປຸງແຕ່ງພິເສດໃ້ໄດ້.ທ່ານເວົ້າວ່າ:
"ກ່ອນອື່ນ ຂ້າໄກ່ໂຕຫນຶ່ງແລ້ວລ້າງໃຫ້ສະອາດ,ເອົາໄກ່ຕົ້ມໃສ່ໃນນ້ຳຟົດແລ້ວປະມານ 15 ນາທີ ແລ້ວເອົາມາແຊ່ໄວ້ຢູ່ໃນນ້ຳກ້ອນ,ເຮັດໃຫ້ອຸນຫະພູມໄກ່ຫຼຸດລົງຢ່າງວ່ອງໄວ,ສະນັ້ນ ກິນຊີ້ນໄກ່ແບບນີ້ກໍ່ຮູ້ສຶກວ່າຊີ້ນອ່ອນໆແລະແຊບດີ,ຈາກນັ້ນ,ເອົາຂີງມຸ່ນໆ ນ້ຳຊິອິວແລະເກືອປະສົມກັບໄກ່ທີ່ຕົ້ມສຸກແລ້ວ,ນີ້ກໍ່ຈະໄດ້ຕົ້ມຂະຫນານແທ້ຂອງອາຫານກວາງຕຸ້ງ."
ອາຫານແຕ້ຈິວທີ່ຕ່າງກັນກັບອາຫານກວາງໂຈ່ວ,ການປຸງແຕ່ງອາຫານນີ້ຕ້ອງເອົາໃຈໃສ່ນຳຝີມືໃນການໃຊ້ມີດແລະຮູບນອກຂອງອາຫານ,ຈຸດພິເສດທີ່ສຸດຂອງອາຫານແຕ້ຈິວແມ່ນອາຫານທະເລ ແກງແລະອາຫານຫວານ,ມັກໃຊ້ເຄື່ອງປຸງຕ່າງໆເຊັ່ນ:ນ້ຳປາ ແຈ່ວຊາ ແຈ່ວຫມາກເຫມີຍແລະນ້ຳສົ້ມແດງເປັນຕົ້ນ.ອາຫານຊົ່ວເທົາທີ່ມີຊື່ສຽງກໍ່ມີຕົ້ມ ອາຫານຮູ້ໂກວະເປັນຕົ້ນ.ອາຫານຕົ່ງຈ່ຽງໄດ້ຮັບການຂະຫນານນາມວ່າເປັນອາຫານແຄະ, ອາຫານຊະນິດນີ້ໄດ້ຮັກສາລົດຊາດພາກກາງຂອງຈີນໄດ້ຈຳນວນຫນຶ່ງ,ອາຫານສ່ວນຫຼາຍມັກໃຊ້ປະເພດຊີ້ນ,ໃຊ້ນ້ຳມັນຫຼາຍແລະລົດຊາດເຄັມຫນ້ອຍຫນຶ່ງ,ອາຫານທີ່ເປັນຕົວແທນນັ້ນມີຕົ້ມໄກ່ເອືອບເກືອ ເປັດຮວງຕ້າວແລະຊີ້ນຫມູທີ່ດອງດ້ວຍຜັກຊະນິດຫນຶ່ງເປັນຕົ້ນ.
ນອກຈາກອາຫານທາງການຂອງກວາງຕຸ້ງແລ້ວ,ວັດທະນະທຳການດື່ມນ້ຳຊາກໍ່ແມ່ນຈຸດພິເສດທີ່ສຳຄັນຂອງວັດທະນະທຳອາຫານກວາງຕຸ້ງ.ທີຈິງແລ້ວ,ການດື່ມນ້ຳຊາກໍ່ຄືກິນເຂົ້າ,ຄົນກວາງຕຸ້ງດື່ມນ້ຳຊາຕ້ອງປະກອບມີນ້ຳຊາ ຂະຫນົມ ເຂົ້າປຽກ ຫມີ່ ແປ້ງແລະອາຫານຂອງແກ້ມຈຳນວນຫນຶ່ງ.ຮ້ານອາຫານ ໂຮງແຮມແລະຮ້ານນ້ຳຊາຕ່າງໆລ້ວນແຕ່ມີອາຫານເຊົ້າ ອາຫານທ່ຽງແລະອາຫານຄ່ຳ,ການດື່ມນ້ຳຊາກໍ່ແມ່ນເພື່ອທຸລະກິດ,ຟັງຂ່າວກ່ຽວກັບການຄ້າແລະພົບພໍ້ເພື່ອນມິດ.
ຮ້ານນ້ຳຊາແຫ່ງຫນຶ່ງທີ່ຢູ່ໃກ້ສວນຢິ້ວຊິ້ວຂອງນະຄອນກວາງໂຈ່ວທຸກໆຕອນເຊົ້າກໍ່ມີແຂກປະຈຳຈຳນວນຫຼວງຫຼາຍຫຼັງຈາກທີ່ເຂົາເຈົ້າອອກກຳລັງກາຍແລ້ວ.ລຸງອູ ຄົນກວາງໂຈ່ວບອກນັກຂ່າວວ່າ,ການດື່ມນ້ຳຊາໄດ້ກາຍເປັນພາກສ່ວນຫນຶ່ງທີ່ຂາດບໍ່ໄດ້ໃນຊີວິດປະຈຳວັນຂອງລາວ.ລາວເວົ້າວ່າ:
"ຂ້ອຍມັກດື່ມນ້ຳຊາດອກໄມ້,ແຕ່ລະມື້ກໍ່ຊິນເຄີຍຕື່ນແຕ່ເຊົ້າ,ກ່ອນ 8 ໂມງອອກກຳລັງກາຍ,ຫຼັງຈາກ8 ໂມງແລ້ວກໍ່ໄປດື່ມນ້ຳຊາ.ຖັດມາກໍ່ໄປອ່ານ ຫນັງສືໃນສວນອຸທິຍານ."
ປະຊາຊົນທັງດື່ມນ້ຳຊາ ທັງຊິມຂະຫນົມແບບກວາງຕຸ້ງ,ນີ້ແມ່ນເລື່ອງທີ່ສະບາຍສະບາຍ.ຂະຫນົມກວາງຕຸ້ງມີວັດຖຸຈຳນວນຫຼວງຫຼາຍ,ປຸງແຕ່ງຂະຫນົມຢ່າງປານີດແລະມີຫຼາຍຢ່າງຫຼາຍແນວ,ມີລົດຊາດຫວານແລະເຄັມ,.ຂະຫນົມຕ່າງໆເຊັ່ນ:ກ້ຽວກຸ້ງ ຂະຫນົມທີ່ຫນຶ້ງດ້ວຍເຜຶອກຫວານ,ຂະຫນົມກ້ຽວແລະອື່ນໆລ້ວນແຕ່ພິຖີພິຖັນທາງດ້ານສີແລະລົດຊາດ,ປຸງແຕ່ງຂະຫນົມຢ່າງຫຼວງຫຼາຍ,ເຮັດໃຫ້ຄົນກິນຂະຫນົມເຫຼົ່ານີ້ແລ້ວຮູ້ສຶກວ່າຍັງຢາກກິນອີກ.
ຄືກັນກັບການດື່ມນ້ຳຊາ,ການກິນນ້ຳແກງກໍ່ໄດ້ກາຍເປັນເຄື່ອງຫມາຍຂອງວັດທະນະທຳອາຫານກວາງຕຸ້ງ.ມີຄຳສຸພາສິດກວາງຕຸ້ງເວົ້າວ່າ: ບໍ່ກິນຜັກກໍ່ໄດ້ ແຕ່ບໍ່ກິນນ້ຳແກງກໍ່ບໍ່ດີເລີຍ. ຕາມເລົ່າລືກັນວ່າ,ການທີ່ຄົນກວາງຕຸ້ງກິນນ້ຳແກງແມ່ນກ່ຽວພັນເຖິງອາກາດທ້ອງຖິ່ນທີ່ຊຸ່ມຮ້ອນ.ກ່ອນຄົນກວາງຕຸ້ງກິນເຂົ້າ,ລ້ວນແຕ່ຊິນເຄີຍກິນນ້ຳແກງ.ອັນນີ້ສາມາດຊ່ອຍເຫຼືອຍ່ອຍແລະຮັກສາ ບົດບາດຂອງລຳໄສ້ແລະກະເພາະ. ລົດຊາດແກງຂອງອາຫານກວາງຕຸ້ງຈືດຈາງກວ່າ,ພະຍາຍາມປຸງແຕ່ງແກງທີ່ສົດແລະຈາງ.ພ້ອມກັນນັ້ນ,ປະເພດແກງກໍ່ມີການປ່ຽນແປງຕາມລະດູການ,ໃນລະດູຮ້ອນແລະລະດູໃບໄມ້ລົ່ນກໍ່ມີລົດຊາດຈາງ ໃນລະດູຫນາວແລະລະດູໃບໄມ້ປົ່ງກໍ່ມີລົດຊາດຂຸ້ນ.
ຢູ່ແຂວງກວາງຕຸ້ງ,ການປຸງແຕ່ງແກງແມ່ນຄວາມຈຳເປັນທີ່ຕ້ອງໄດ້ຮຽນ, ທ່ານວາງຊູ້ນປົວ ເປັນຄົນກວາງຕຸ້ງ,ພຽງແຕ່ມີເວລາຫວ່າງກໍ່ປຸງແຕ່ງແກງຢູ່ເຮືອນໂລດ,ທ່ານເຫັນວ່າ,ຫມໍ້ດິນທີ່ມີຄຸນນະພາບດີກໍ່ແມ່ນຂໍກະແຈທີ່ແຕ່ງແກງແຊບໆ.ທ່ານເວົ້າວ່າ:
ຕາມທຳມະດາ,ຂ້ອຍມັກປຸງແຕ່ງແກງດ້ວຍຫມໍ້ດິນ,ເພາະວ່າຫມໍ້ດິນສາມາດເກັບຄວາມຮ້ອນ,ມີຜົນດີຕໍ່ນ້ຳແລະອາຫານທີ່ປະສົມເຂົ້າກັນ,ໃນເວລາປຸງແຕ່ງແກງ,ຫມໍ້ດິນຍິ່ງເຮັດໃຫ້ທາດບຳລຸງຂອງອາຫານປະສົມກົມກືນໃນນ້ຳ,ລົດຊາດແກງນີ້ກໍ່ສົດຊື່ແລະແຊບຫຼາຍ.
ແກງກະດຸກຫມູທີ່ໃສ່ຜັກກາດນ້ຳກໍ່ແມ່ນແກງດັ້ງເດີມຂອງກວາງຕຸ້ງ, ວິທີການປຸງແຕ່ງກໍ່ງ່າຍໆ,ວັດຖຸລວມມີຜັກກາດນ້ຳ ກະຕູກຫມູ ຫົວກາລົດ ແກ່ນຫມາກອາມ້ອນ ຫມາກກະທັນແລະຕ່ອນໆຂີງ. ຫຼັງຈາກລ້າງໃຫ້ກະດູກສະອາດແລ້ວ ລວກນ້ຳຮ້ອນ ແລ້ວເອົາກະດູກກັບເຄື່ອງປຸງອື່ນໆລົງໃນຫມໍ້ດິນງ, ໃຊ້ໄຟແຮງຕົ້ມນ້ຳໃຫ້ຟົດ,ຈາກນັ້ນໃຊ້ໄຟອ່ອນຕົ້ມເປັນເວລາສອງຊົ່ວໂມງ, ສຸດທ້າຍໃສ່ເກືອຫນ້ອຍຫນຶ່ງໃນແກງແລ້ວເປັນແກງທີ່ມີລົດຊາດສົດແລະມີບົດບາດທີ່ສາມາດບຳລຸງປອດແລະແກ້ໄອ.
ເອົາລະທ່ານຜູ່ຟັງທີ່ໂຄລົບ,ລາຍການມື້ນີ້ກໍ່ສິ້ນສຸດພຽງເທົ່ານີ້, ໃນລາຍການມື້ນີ້ມີ3ຄຳຖາມໃນລາຍການມື້ນີ້ຄື:
ຄຳຖາມທີຫນຶ່ງແມ່ນອາຫານກວາງຕຸ້ງຫຍັງທີ່ຖືອາຫານທ້ອງຖິ່ນໃດເປັນຕົວແທນ?
ຄຳຖາມທີສອງ: ຄົນກວາງຕຸ້ງຈະກິນຂະຫນົມຫຍັງໃນເວລາດື່ມນ້ຳຊາ?
ຄຳຖາມທີສາມ:ຄົນກວາງຕຸ້ງມັກໃຊ້ຫມໍ້ຫຍັງມາປຸງແຕ່ງແກງ?
ຂໍເຊີນທ່ານຝາກຈົດຫມາຍຫຼືອີເມວເພື່ອເຂົ້າຮ່ວມກິດຈະກຳຮັບລາງວັນຂອງພວກເຮົາ,ຂໍຂອບໃຈ
