ໜ້າທຳອິດ
ຂ່າວ
ອາຊຽນ
ຮຽນພາສາຈີນ
ແນະນຳຈີນ
Font Lao

ວຽກງານຊອກຫາແລະກອບກູ້ຜູ້ປະສົບໄພໃນອຸປະຕິເຫດຍົນໂດຍສານຕົກຂອງລາວຕົກພວມດຳເນີນຢ່າງເຄັ່ງຮ້ອນ

(GMT+08:00) 2013-10-17 17:23:10 cri

ຕາມຂ່າວCRI: ວັນທີ 17 ຕຸລານີ້, ເຈົ້າໜ້າທີ່ບໍລິສັດການບິນລາວກ່າວວ່າ, ວຽກງານຊອກຫາແລະກອບກູ້ຜູ້ປະສົບໄພໃນອຸປະຕິເຫດຍົນໂດຍສານ ຂອງລາວຕົກພວມດຳເນີນຢ່າງເຕັ່ງຮ້ອນ. ນັບມາຮອດປະຈຸບັນ, ຝ່າຍສາຍການບິນລາວຍັງບໍ່ໄດ້ພົບເຫັນຊາກຂອງຍົນໂດຍສານທີ່ຕົກນັ້ນເທື່ອ.

ເຈົ້າໜ້າທີ່ທ່ານນີ້ກ່າວວ່າ, ບໍລິສັດການບິນລາວໄດ້ແຕ່ງຕັ້ງໜ່ວຍກູ້ໄພພ້ອມກັບຄະນະກຳມະການກູ້ໄພແຫ່ງຊາດໄປຊອກຫາແລະກອບກູ້ຜູ້ປະສົບໄພແລະກວດກາສາເຫດທີ່ພາໃຫ້ເກີດອຸປະຕິເຫດໃນຄັ້ງນີ້, ຜົນການກວດກາໃນເບື້ອງຕົ້ນແມ່ນຍ້ອນອາກາດທີ່ຮ້າຍແຮງທີ່ສຸດເກີດຂຶ້ນຢ່າງກະທັນຫັນ, ແຕ່ບໍ່ໄດ້ຢືນຢັນເຫດຜົນສຸດທ້າຍເທື່ອ. ການບິນລາວກໍ່ໄດ້ສ້າງຕັ້ງໜ່ວຍກູ້ໄພສຸກເສີນ ແລະລາຍງານສະພາບຄວາມຄືບໜ້າຂອງວຽກງານທີ່ກ່ຽວຂ້ອງ, ຕັ້ງໂທລະສັບສາຍດ່ວນເພື່ອຕິດຕໍ່ພົວພັນກັບຄອບຄົວຂອງຜູ້ປະສົບເຄາະຮ້າຍ. ເຈົ້າໜ້າທີ່ທ່ານນີ້ຍັງກ່າວວ່າ, ອຸປະຕິເຫດເທື່ອນີ້ຈະບໍ່ກະທົບເຖິງການດຳເນີນງານຢ່າງເປັນປົກກະຕິຂອງຖ້ຽວບິນອື່ນໆຂອງບໍລິສັດການບິນລາວແຕ່ຢ່າງໃດ.