ໄຂກອງປະຊຸມໃຫຍ່ຜູ້ແທນພັກກອມມູນິດຈີນຄັ້ງທີ18 ຍຶດໝັ້ນເດີນໄປຕາມເສັ້ນທາງສັງຄົມນິຍົມທີ່ມີເອກະລັກພິເສດຂອງຈີນຢ່າງເດັດຂາດ
(GMT+08:00) 2012-11-08 09:07:42 cri
ຕອນເຊົ້າວັນທີ 8 ພະຈິກນີ້, ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈິນ, ເຊິ່ງເປັນພັກກຳອຳນາດຂອງຈີນ ໄດ້ຈັດຂຶ້ນຢູ່ຫໍສະພາປະຊາຊົນແຫ່ງຊາດທີ່ນະຄອນຫຼວງປັກກິ່ງ, ບັນດາຜູ້ນຳທີ່ສຳຄັນຂອງພັກກອມມູນິດຈີນ ແລະ ຜູ້ແທນພັກເກືອບ 2300 ຄົນໄດ້ເຂົ້າຮ່ວມກອງປະຊຸມຄັ້ງນີ້.
ທ່ານຮູຈິນທາວ, ເລຂາທິການໃຫຍ່ສູນກາງພັກກອມມູນິດຈີນ ໄດ້ຕາງໜ້າໃຫ້ຄະນະກຳມະການສູນກາງພັກສະໄໝທີ 17 ຜ່ານບົດລາຍງານຕໍ່ກອງປະຊຸມ, ເພື່ອມອບໃຫ້ຜູ້ແທນພັກທຸກຖ້ວນໜ້າຄົ້ນຄວ້າພິຈາລະນາ. ໃນບົດລາຍງານດັ່ງກ່າວ, ພັກກອມມູນິດຈີນກ່າວວ່າຈະນຳພາປະເທດຊາດເດີນໄປຕາມເສັ້ນທາງສັງຄົມນິຍົມທີ່ມີເອກະລັກພິເສດຂອງຈີນຢ່າງໝັ້ນຄົງແລະເດັດຂາດ.
