ທ່ານຈູມມະລີ ໄຊຍະສອນສົ່ງໂທລະເລກຊົມເຊີຍການເລືອກເອົາຜູ້ນຳແຫ່ງລັດຈີນຊຸດໃໝ່
ໂທລະເລກຊົມເຊີຍເຖິງສະຫາຍຫຼີຢວນຊາວ,
ຮອງປະທານປະເທດແຫ່ງ ສາທາລະນະລັດປະຊາຊົນຈີນ
ທີ່ນະຄອນຫຼວງປັກກິ່ງສະຫາຍທີ່ຮັກແພງ ແລະ ນັບຖື,
ເນື່ອງໃນໂອກາດທີ່ສະຫາຍໄດ້ຮັບການເລືອກຕັ້ງໃຫ້ດຳລົງຕຳແໜ່ງເປັນຮອງປະທານປະເທດ ແຫ່ງສາທາລະນະລັດ ປະຊາຊົນຈີນ, ຕາງໜ້າໃຫ້ລັດຖະບານ ແລະ ປະຊາຊົນລາວກໍ່ຄື ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມຊົມເຊີຍຢ່າງສຸດອົກສຸດໃຈມາຍັງສະຫາຍ.
ການທີ່ສະຫາຍໄດ້ຮັບເລືອກຕັ້ງໃຫ້ດຳລົງຕຳແໜ່ງອັນສູງສົ່ງນີ້ ເປັນການສະແດງເຖິງຄວາມໄວ້ວາງໃຈ ແລະ ການຕີລາຄາສູງຂອງພັກ, ລັດ ແລະ ປະຊາຊົນຈີນທີ່ມີຕໍ່ສະຫາຍ.
ຂ້າພະເຈົ້າເຊື່ອໝັ້ນວ່າ, ພາຍໃຕ້ການນຳພາຂອງພັກກອມມູນິດຈີນ, ປະຊາຊົນຈນອ້າຍນ້ອງຈະປະສົບຜົນສຳເລັດອັນຍິ່ງໃຫຍ່ກວ່າເກົ່າໃນການສ້າງສາພັດທະນາປະເທດຊາດຂອງຕົນ, ເຮັດໃຫ້ ສ.ປ.ຈີນ ນັບມື້ມີຄວາມເຂັ້ມແຂງ ແລະ ມີບົດບາດພົ້ນເດັ່ນຂຶ້ນໃນພາລະກິດ ສັນຕິພາບ ແລະ ການຮ່ວມມື ເພື່ອການພັດທະນາ ໃນພາກພື້ນ ແລະ ໃນໂລກອີກດ້ວຍ.
ຂໍອວຍພອນໃຫ້ສະຫາຍຈົ່ງມີສຸຂະພາບເຂັ້ມແຂງ ແລະ ປະສົບຜົນສຳເລັດໃໝ່ໃຫຍ່ຫຼວງກວ່າເກົ່າ ໃນພາລະກິດອັນສູງສົ່ງຂອງສະຫາຍ.
ນະຄອນຫຼວງວຽງຈັນ,ວັນທີ 14 ມີນາ 2013
ບຸນຍັງ ວໍລະຈິດ
ຮອງປະທານປະເທດແຫ່ງ
ສາທາລະນະລັດ ປະຊາທິປະໄຕ ປະຊາຊົນລາວ
