ສື່ມວນຊົນຍີ່ປຸ່ນເຫັນວ່າເຈົ້າໜ້າທີ່ຄະນະລັດຖະບານທີ່ນຳໂດຍທ່ານຊິນໂຈ ອາເບະໄປໄປເຄົາລົບຢູ່ຫໍໄຫວ້ຢ່າຊືຄູນິເປັນການກະທຳທີ່ລະເມີດລັດຖະທຳມະນູນ
(GMT+08:00) 2013-08-12 17:11:35 cri
ເມື່ອມໍ່ໆມານີ້,ໜັງສືພິມຮົກໄຄໂດຊິມບູນຂອງຍີ່ປຸ່ນໄດ້ລົງພິມບົດນຳກ່ຽວກັບເລື່ອງທີ່ລັດຖະມົນຕີສ່ວນໜຶ່ງຂອງຄະນະລັດຖະບານຍີ່ປຸ່ນພ້ອມດ້ວຍພະນັກງງານຈຳນວນໜຶ່ງຂອງພັກເສລີປະຊາທິປະໄຕຍີ່ປຸ່ນກ່າວວ່າຈະໄປເຄົາລົບຢູ່ຫໍໄຫວ້ຢ່າຊຶຄູນິທີ່ຕັ້ງປ້າຍຂຽນຊື່ອາຊະຍາກອນສົງຄາມໂລກຄັ້ງທີສອງ ໃນວັນທີ 15 ສິງຫານີ້ ຊຶ່ງເປັນວັນປະລາໄຊຂອງຍີ່ປຸ່ນໃນສະໄໝສົງຄາມໂລກຄັ້ງທີສອງ, ບົດນຳເຫັນວ່າ, ການກະທຳດັ່ງກ່າວຂອງເຈົ້າໜ້າທີ່ຍີ່ປຸ່ນໄດ້ເປັນການຝ່າຝືນກັບຫຼັກການທີ່ກຳນົດໄວ້ໃນລັດຖະທຳມະນູນທີ່ວ່າການເມືອງກັບສາສະໜາຕ້ອງແຍກອອກຈາກກັນ.
ບົດນຳຂຽນວ່າ, ສະມາຊິກຄະນະລັດຖະບານແລະນັກການເມືອງຍີ່ປຸ່ນໄປເຄົາລົບຢູ່ຫໍໄຫວ້ຢາຊຶຄູນິໄດ້ຖືກປະເທດອື່ນໃນອາຊີຈົນກະທັ້ງຢູ່ພາຍໃນປະເທດຍີ່ປຸ່ນກໍທຳການຄັດຄ້ານ, ສາເຫດສຳຄັນທີ່ສຸດແມ່ນຢູ່ໃນຫໍໄຫວ້ຢາຊຶຄູນິໄດ້ຕັ້ງປ້າຍຂຽນຊື່ອາຊະຍາກອນສົງຄາມອັນດັບໜຶ່ງຂອງຍີ່ປຸ່ນທີ່ເຄີຍໄດ້ສ້າງໂທດກຳແລະກໍ່ໄພພິບັດອັນມະຫາສານໃຫ້ແກ່ບັນດາປະເທດໃນອາຊີໃນສະໄໝສົງຄາມໂລກຄັ້ງທີສອງ, ສາເຫດອີກອັນໜຶ່ງກໍ່ແມ່ນຍ້ອນວ່າ, ການໄປເຄົາລົບຢູ່ຫໍໄຫວ້ຢາຊຶຄູນິໃນຖານະຕຳແໜ່ງຂອງລັດແມ່ນຝ່າຝືນກັບຫຼັກການທີ່ກຳນົດໄວ້ໃນລັດຖະທຳມະນູນຂອງຍີ່ປຸ່ນຄື ການເມືອງກັບສາສະໜາຕ້ອງແຍກອອກຈາກກັນ.
ບົດນຳຂຽນວ່າ, ສິ່ງທີ່ລັດຖະບານຍີ່ປຸ່ນຄວນເຮັດນັ້ນບໍ່ແມ່ນໄປເຄົາລົບຢູ່ຫໍໄຫວ້ຢາຊຶຄູນິ, ຫາກແມ່ນຄວນສຳຫຼວດຄວາມຜິດຂອງຕົນໃນປະຫວັດສາດຜ່ານມາແລະອອກຖະແຫຼງການຂໍໂທດ.ນີ້ຈິ່ງແມ່ນທາງເລືອກທີ່ຖືກຕ້ອງຂອງຄະນະລັດຖະບານຍີ່ປຸ່ນທີ່ນຳພາໂດຍທ່ານຊິນໂຈອາເບະ.
ບົດນຳຂຽນວ່າ, ສະມາຊິກຄະນະລັດຖະບານແລະນັກການເມືອງຍີ່ປຸ່ນໄປເຄົາລົບຢູ່ຫໍໄຫວ້ຢາຊຶຄູນິໄດ້ຖືກປະເທດອື່ນໃນອາຊີຈົນກະທັ້ງຢູ່ພາຍໃນປະເທດຍີ່ປຸ່ນກໍທຳການຄັດຄ້ານ, ສາເຫດສຳຄັນທີ່ສຸດແມ່ນຢູ່ໃນຫໍໄຫວ້ຢາຊຶຄູນິໄດ້ຕັ້ງປ້າຍຂຽນຊື່ອາຊະຍາກອນສົງຄາມອັນດັບໜຶ່ງຂອງຍີ່ປຸ່ນທີ່ເຄີຍໄດ້ສ້າງໂທດກຳແລະກໍ່ໄພພິບັດອັນມະຫາສານໃຫ້ແກ່ບັນດາປະເທດໃນອາຊີໃນສະໄໝສົງຄາມໂລກຄັ້ງທີສອງ, ສາເຫດອີກອັນໜຶ່ງກໍ່ແມ່ນຍ້ອນວ່າ, ການໄປເຄົາລົບຢູ່ຫໍໄຫວ້ຢາຊຶຄູນິໃນຖານະຕຳແໜ່ງຂອງລັດແມ່ນຝ່າຝືນກັບຫຼັກການທີ່ກຳນົດໄວ້ໃນລັດຖະທຳມະນູນຂອງຍີ່ປຸ່ນຄື ການເມືອງກັບສາສະໜາຕ້ອງແຍກອອກຈາກກັນ.
ບົດນຳຂຽນວ່າ, ສິ່ງທີ່ລັດຖະບານຍີ່ປຸ່ນຄວນເຮັດນັ້ນບໍ່ແມ່ນໄປເຄົາລົບຢູ່ຫໍໄຫວ້ຢາຊຶຄູນິ, ຫາກແມ່ນຄວນສຳຫຼວດຄວາມຜິດຂອງຕົນໃນປະຫວັດສາດຜ່ານມາແລະອອກຖະແຫຼງການຂໍໂທດ.ນີ້ຈິ່ງແມ່ນທາງເລືອກທີ່ຖືກຕ້ອງຂອງຄະນະລັດຖະບານຍີ່ປຸ່ນທີ່ນຳພາໂດຍທ່ານຊິນໂຈອາເບະ.
