ເນື່ອງໃນໂອກາດບຸນກຸດຈີນປີມະເມຍຕາມຈັນທະຄະຕິຈີນໄດ້ວຽນມາເຖິງ, ຜູ້ນຳຂອງຫຼາຍປະເທດໄດ້ພາກັນອວຍພອນປີໃໝ່ຈີນແລະອວຍພອນໃຫ້ການພົວພັນລະຫວ່າງສອງປະເທດຈົ່ງມີການຂະຫຍາຍຕົວຫຼາຍກວ່າເກົ່າໃນປີໃໝ່ປີມະເມຍນີ້.
ທ່ານຊູຊີໂລ ບຳບັງ ໂຢດໂດໂຢໂນ ປະທານາທິບໍດີອິນໂດເນເຊຍໄດ້ອອຍພອນປີໃໝ່ຕາມຈັນທະຄະຕິຈີນຜ່ານເວັບໄຊtwitterທາງການ,ທ່ານກ່າວວ່າ, ສະບາຍດີປີໃໝ່ກຸດຈີນ! ຫວັງວ່າພວກເຮົາຈົ່ງມີຄວາມເບີກບານມ່ວນຊື່ນແລະໄດ້ຮັບຜົນສຳເລັດໃນຕະຫຼອດປີໃໝ່ນີ້.
ທ່ານຮຸນແຊນ ນາຍົກລັດຖະມົນຕີກຳປູເຈຍໄດ້ສົ່ງສານອວຍພອນໄປຍັງສະມາຄົມຊາວຈີນກຳປູເຈຍເພື່ອອວຍພອນໃຫ້ຊາວຈີນຕ່າງດ້າວທີ່ຢູ່ກຳປູເຈຍແລະຊາວກຳປູເຈຍເຊື້ອສາຍຈີນຈົ່ງມີຄວາມສຸກໂຊກດີໃນຕະຫຼອດປີໃໝ່ນີ້.
ທ່ານມາກ ຮາເປີ ນາຍົກລັດຖະມົນຕີການາດາໄດ້ອອກຖະແຫຼງການໂດຍສົ່ງພອນໄຊອັນປະເສີດທີ່ສຸດໄປຍັງຊາວການາດາຊຶ່ງລວມທັງຊາວການາຕາເຊື້ອສາຍຈີນພ້ອມດ້ວຍປະຊາຊົນທີ່ສະຫຼອງບຸນປີໃໝ່ຕາມຈັນທະຄະຕິໃນທົ່ວໂລກ.
ນອກນີ້, ທ່ານຟຣານຊົວ ອ່ອນລ໋ອງ ປະທານາທິບໍດີຝະຣັ່ງໄດ້ອວຍພອນປີໃໝ່ຕໍ່ຊາວຈີນແລະຄົນຝະຣັ່ງເສື້ອສາຍຈີນທີ່ດຳລົງຊີວິດຫຼືເຮັດວຽກຢູ່ຝະຣັ່ງໂດຍຜ່ານໜັງສືພິມEuropean Times. ທ່ານນາງຈູລີ ບີຊອບ ລັດຖະມົນຕີວ່າການກະຊວງການຕ່າງປະເທດອົສຕຣາລີໄດ້ຕາງໜ້າໃຫ້ທ່ານ ໂທນີ ແອເບີດ ນາຍົກລັດຖະມົນຕີອົສຕຣາລີອວຍພອນປີໃໝ່ຕໍ່ເຂດຊຸມຊົນຊາວອົສຣາຊີເຊື້ອສາຍຈີນຢູ່ ໄຊນາທາວchinatownນະຄອນຊິດນີຂອງອົສຕຣາລີ.
