ໜັງສືພິມປະເທດລາວລາຍງານ: ການສອບເສັງນັກຮຽນເກັ່ງຊັ້ນມັດທະຍົມສຶກສາລະດັບຊາດ ມ4 ແລະ ມ7 ທົ່ວປະເທດປະຈຳສົກຮຽນ2013-2014 ເພື່ອຊີງທຶນການສຶກສາ ທີ1 ຈະໄດ້ຮັບທຶນການສຶກສາ 5 ລ້ານກີບ, ທີ2:4ລ້ານກີບ ແລະ ທີ3:3ລ້ານກີບ. ນະຄອນຫລວງວຽງຈັນສາມາດຍາດໄດ້ອັນດັບ 1 ໃນຫລາຍວິຊາທັງ ມ4 ແລະ ມ7, ພາຍຫລັງໄດ້ດຳເນີນການສອບເສັງມາແຕ່ວັນທີ 22 ຫາວັນທີ 25 ເມສາ 2014 ນີ້ຢູ່ທີ່ຫ້ອງສະໂມສອນມະຫາວທະຍາໄລແຫ່ງຊາດ. ກົມມັດທະຍົມກະຊວງສຶກສາທິການແລະກິລາ ຈຶ່ງໄດ້ຈັດພິທີປະກາດຜົນການສອບເສັງນັກຮຽນເກັ່ງຊັ້ນມັດທະຍົມສຶກສາ ໂດຍມີທ່ານ ລີຕູ້ ບົວປາວ ລັດຖະມົນຕີຊ່ວຍວ່າການກະຊວງສຶກສາທິການ ແລະ ກິລາ, ມີບັນດາອະທິການບໍດີ, ຫົວໜ້າກົມ, ຮອງກົມ,ຄູ-ອາຈານ, ພ້ອມດ້ວຍພໍ່ແມ່ຜູ້ປົກຄອງນັກຮຽນ ແລະ ນັກສອບເສັງເຂົ້າຮ່ວມ.
ຜົນການສອບເສັງຊັ້ນມັດທະຍົມຕອນຕົ້ນ, ມ4 ຂອງໂຮງຮຽນ ມສ ພອນສະຫວັນນະຄອນຫລວງວຽງຈັນສາມາດຍາດໄດ້ອັນດັບ 1: ວິຊາພາສາລາວ-ວັນນະຄະດີ ນ້ອງນາງ ທິບພະສອນ ພິລາພັນເດດ, ອັນດັບທີ 2 ຕົກເປັນຂອງແຂວງບໍ່ແກ້ວ ນາງແສງຍອດ ຂັດຕິຍະວົງ ຈາກໂຮງຮຽນ ມສ ສັນຕິພາບ, ແລະ ອັນດັບ3ໄດ້ແກ່: ນາງ ທິດາຈັນ ຄຳມະນີຈັນ ໂຮງຮຽນ ມຕ ເມືອງແປກ ແຂວງຊຽງຂວາງ, ສ່ວນວິຊາຄນິດສາດ ອັນດັບ 1 ຍັງຕົກເປັນຂອງໂຮງຮຽນພອນສະຫວັນ ໄດ້ແກ່ນາງ ສຸນິຕາ ພິມມະສອນ, ອັນດັບ 2 ຈາກຫລວງພະບາງ ທ້າວ ຢົວທໍ່ ໂຮງຮຽນ ມສ ນ້ຳຖ້ວມ ແລະ ອັນດັບ 3:ນາງ ໄໝ້ໄຮ ແຊຈ໋າວ ໂຮງຮຽນ ມສ ເມືອງສີງ ແຂວງຫລວງນ້ຳທາ, ສຳລັບວິຊາຟິຊິກສາດ ໄຊຍະບູີລິ ສາມາດຍາດໄດ້ອັນດັບ 1 ທ້າວ ອຸດົມສຸກ ໄຊດວງຕາ ຈາກໂຮງຮຽນ ມຕ ມິດຕະພາບ, ອັນດັບ 2 ຕົກເປັນຂອງແຂວງຜົ້ງສາລີ ທ້າວ ສົມພັນ ຢ່າກາວ້າ ໂຮງຮຽນ ມສ ນາໄຊ, ແລະ ອັນດັບ 3ໄດ້ແກ່:ທ້າວ ຖະໜອມ ມິດປປະສົງ ມສ ວຽງຈັນ ນະຄອນຫລວງວຽງຈັນ ແລະ ສ່ວນອັນດັບ 1 ວິຊາເຄມີສາດ ຕົກເປັນຂອງແຂວງອຸດົມໄຊ ຈາກໂຮງຮຽນ ມສ ແຂວງ ທ້າວ ຈິດຕະກອນ ບົວເຈີເຮີ,ອັນດັບ 2 ມສ ນໍ້າຖ້ວມ ແຂວງຫລວງພະບາງ ທ້າວ ປໍທໍ້ ແລະ 3 ທ້າວ ສົມຈີນ ຢ່າງຈື່ຕົງ ຈາກໂຮງຮຽນ ມສ ນ້ຳຮອນ ແຂວງວຽງຈັນ. ສໍາລັບຊັ້ນມັດທະຍົມຕອນປາຍ ມ 7 ອັນດັບ1,ວິຊາພາສາລາວ-ວັນນະຄະດີໄດ້ແກ່ໂຮງຮຽນ ມສ ລາວ-ຫວຽດນາມ ນະຄອນຫລວງວຽງຈັນ ນາງ ມຸກທິດາ ແສງສີຣິຈັນ , ອັນດັບ2 ແລະ 3 ແມ່ນຈາກໂຮງຮຽນ ມສ ສັນຕິພາບ ແຂວງຫລວງພະບາງ ທ້າວ ຈັນແດງ ທອງສະໄໝ ແລະ ທ້າວ ສອນທະວີ ວິໄລສັກ ,ສ່ວນວິຊາຄະນິດສາດອັນດັບ 1: ຕົກເປັນຂອງໂຮງຮຽນ ພອນສະຫວັນ ແຂວງຈໍາປາສັກ ທ້າວ ນຸດສະກາຍິມມະວົງ, ອັນດັບ2: ຫລວງພະບາງ ຈາກໂຮງຮຽນ ມສ ສັນຕິພາບ ທ້າວ ຊາຍຫວ່າງໜາວກໍ ແລະ ອັບ3ແມ່ນ: ມສ ວຽງຈັນ ທ້າວ ເກີສໍ່ ເສັງລາວ ນະຄອນຫລວງວຽງຈັນ, ອັນກັບ 1 : ສໍາລັບວິຊາຟິຊິກສາດແມ່ນຕົກເປັນຂອງນະຄອນຫລວງວຽງຈັນ ຈາກໂຮງຮຽນ ມສ ວຽງຈັນ ທ້າວສຸກຊະນະ ລາດຕະກຸນ, ແຂວງວຽງຈັນ ຍາດໄດ້ອັນດັບ 2 ຈາກໂຮງຮຽນ ມສ ນໍ້າຮ້ອນ ທ້າວຄໍາປະເສີດ ເພັງຈະເລີນ ແລະ ອັນດັບ 3 ເປັນຂອງຫລວງພະບາງ ຈາກໂຮງຮຽນ ມສ ສັນຕິພາບ ທ້າວ ໄຊຊະນະທໍ ແລະ ວິຊາເຄມີສາດ ນະຄອນຫລວງວຽງຈັນ ຍັງສາມາດໄດ້ອັນດັບ 1 ຈາກໂຮງຮຽນ ມສ ວຽງຈັນ ທ້າວ ນະຕິທອນ ຄໍາພາພົງສາ,ອັນດັບ 2 ເປັນຂອງ ທ້າວມ່າຢ່າງໄຟໂຮງຮຽນ ມສ ນໍ້າຮອນ ແຂວງວຽງຈັນ ແລະ ຜົ້ງສາລີ ສາມາດຍາດໄດ້ອັນດັບ 3: ທ້າວອຸເທດ ອິນຕະລາດ ຈາກໂຮງຮຽນ ມສ ອຸເໜືອ.
ສ່ວນຜົນການແຂ່ງຂັນຖາມ-ຕາບວິທະຍາດ ແລະ ຄວາມຮູ້ຮອບຕົວອັນດັບ 1: ແມ່ນນະຄອນຫລວງວຽງຈັນ, ອັນດັບ2:ແຂວງສະຫວັນນະເຂດ, ອັນດັບ3:ແຂວງຈໍາປາສັກ.
 |
