ກອງປະຊຸມສຸດຍອດ B20 2016 ໄດ້ອັດລົງແລ້ວໃນຕອນທ່ຽງວັນທີ 4 ກັນຍານີ້, ຂະນະທີ່ທ່ານຈິ່ນລີ້ສິນ ຜູ້ອຳນວຍການໃຫຍ່ທະນາຄານລົງທຶນພື້ນຖານໂຄງລ່າງອາຊີ ຫຼື AIIB ໄດ້ໃຫ້ສຳພາດຕໍ່ນັກຂ່າວຢູ່ເມືອງຫັງໂຈ່ວໃນວັນດຽວກັນ.
ທ່ານຈິ່ນລີ້ສິນ ກ່າວວ່າ: ກອງປະຊຸມສຸດຍອດ G20 ຫັງໂຈ່ວ ຈະສຸມໃສ່ຊຸກຍູ້ການລົງທຶນພື້ນຖານໂຄງລ່າງໃນທົ່ວໂລກ, ຂະນະທີ່ AIIB ກໍຫວັງວ່າຈະເພີ່ມທະວີການຮ່ວມມືກັບອົງການພັດທະນາຫຼາຍຝ່າຍສາກົນທີ່ມີຢູ່ໃນປັດຈຸບັນ ເພື່ອຮ່ວມຊຸກຍູ້ການກໍ່ສ້າງ "ໂຄງການພື້ນຖານໂຄງລ່າງສີຂຽວ" ທີ່ເປັນມິດຕໍ່ສິ່ງແວດລ້ອມ ແລະບັນລຸການໄດ້ຮັບຜົນປະໂຫຍດ ຮ່ວມຢູ່ອາຊີກໍຄືພາກພື້ນອື່ນໃນການພັດທະນາເສດຖະກິດແລະສິ່ງແວດລ້ອມ.
ທ່ານຈິ່ນລີ້ສິນ ກ່າວຕື່ມວ່າ: AIIB ຈະພະຍາຍາມຊຸກຍູ້ການກໍ່ສ້າງພື້ນຖານໂຄງລ່າງຢູ່ອາຊີ ແລະ ພາກພື້ນອື່ນໆ. ແນວໃດກໍດີ, ການປະຕິຮູບແລະເປີດປະຕູສູ່ພາຍນອກຂອງຈີນ ໃນ 30 ກວ່າປີຜ່ານມາ ໄດ້ຮັບການສະໜັບສະໜູນແລະຊ່ວຍເຫຼືອຈາກກົນໄກຫຼາຍຝ່າຍສາກົນທີ່ມີຢູ່ໃນປັດຈຸບັນເຊັ່ນກັນ. ຊູ່ມື້ນີ້, ຈີນໃນຖານະເປັນກຸ່ມເສດຖະກິດໃຫຍ່ອັນດັບສອງຂອງໂລກ ໄດ້ລິເລີ່ມສ້າງຕັ້ງ AIIB ເຊິ່ງສະແດງໃຫ້ເຫັນເຖິງຄວາມຮັບຜິດຊອບຂອງຈີນທີ່ເປັນປະເທດໃຫຍ່ ແລະ ຫວັງຈະປະກອບສ່ວນຕໍ່ທົ່ວໂລກໃຫ້ຫຼາຍກວ່າເກົ່າອີກ.
