ເວັບໄຊ sputniknews ຂອງຣັດເຊຍລາຍງານໃນວັນທີ 4 ກັນຍານີ້ວ່າ, ໂອກາດເຂົ້າຮ່ວມກອງປະຊຸມສຸດຍອດ G20 ຢູ່ເມືອງຫັງໂຈ່ວ ສປ ຈີນ, ທ່ານ ວຼາດີເມຍ ປູຕິນ ປະທານາທິບໍດີຣັດເຊຍໄດ້ມອບກະແລັມຣັດເຊຍແກັດໜຶ່ງເປັນຂອງຂວັນໃຫ້ແກ່ທ່ານ ສິຈິ້ນຜິງ ປະທານປະເທດຈີນ.
ເວັບໄຊ sputniknews ລາຍງານວ່າ, ໂອກາດພົບປະສອງຝ່າຍລະຫວ່າງຣັດເຊຍ-ຈີນ, ທ່ານ ປູຕິນ ກ່າວວ່າ, ຕົນຮູ້ວ່າຄົນຈີນມັກກິນກະແລັມຣັດເຊຍທີ່ສຸດຫຼັງໄດ້ລົມກັບນັກທຸລະກິດຈີນຢູ່ເມືອງວຼາດີໂວສຕອກປະເທດຕົນ. ຈາກນີ້ຈຶ່ງເລືອກເອົາກະແລັມຣັດເຊຍເປັນຂອງຂວັນໃຫ້ແກ່ທ່ານປະທານ ສິຈິ້ນຜິງ.
