ຕາມຂ່າວ CRI: ໃນໂອກາດເຂົ້າຮ່ວມພິທີຖະແຫຼງຂ່າວໃນວັນທີ 5 ກັນຍານີ້, ທ່ານ ສິຈິ້ນຜິງ ປະທານປະເທດຈີນໄດ້ຊີ້ໃຫ້ເຫັນວ່າ: ກອງປະຊຸມ G20 ເທື່ອນີ້ໄດ້ຈັດຂຶ້ນໃນໄລຍະສຳຄັນສຳລັບການເຕີບໂຕຂອງເສດຖະກິດໂລກແລະການປ່ຽນຮູບແບບພັດທະນາຂອງກຸ່ມ 20 ປະເທດຫັນແລະໄດ້ຮັບຄວາມສົນໃຈຢ່າງກວ້າງຂວາງຈາກປະຊາຄົມໂລກ, ຂະນະດຽວກັນກໍໄດ້ຮັບຄວາມຄາດຫວັງຈາກຝ່າຍຕ່າງໆ. ໃນໄລຍະດຳເນີນກອງປະຊຸມ, ຜູ້ນຳບັນດາປະເທດສະມາຊິກແລະປະເທດແຂກຮັບເຊີນແລະເຈົ້າໜ້າທີ່ອົງການຈັດຕັ້ງສາກົນໄດ້ປິ່ນອ້ອມຫົວຂໍ້ຂອງກອງປະຊຸມຄືສ້າງເສດຖະກິດໂລກແບບປະດິດສ້າງໃໝ່, ຄວາມມີຊີວິດຊີວາ, ມີບົດບາດຊຸກຍູ້ກັນແລະກວມລວມໂດຍໄດ້ແລກປ່ຽນຄວາມຄິດຄວາມເຫັນຢ່າງເລິກເຊິ່ງກ່ຽວກັບຫົວຂໍ້ສຳຄັນກໍຄືປຶກສາຫາລືການເຕີບໂຕຂອງເສດຖະກິດໂລກແລະແຜນການຮ່ວມມື. ແນວໃດກໍດີ, ຈາກຄວາມພະຍາຍາມຮ່ວມຂອງຝ່າຍຕ່າງໆ, ກອງປະຊຸມໄດ້ຮັບໝາກຜົນຢ່າງຫຼວງຫຼາຍບັນລຸເປົ້າໝາຍທີ່ຄາດໄວ້.
.
 |
