ຕາມຂ່າວສານຊິນຮວາ: ຄະນະປະທານກອງປະຊຸມຄັ້ງທີ 5 ສະໄໝທີ 12 ຂອງສະພາປະຊາຊົນແຫ່ງຊາດຈີນເປີດເຜີຍວ່າ, ກຳມາທິການກົດໝາຍສະພາປະຊາຊົນແຫ່ງຊາດຈີນໄດ້ດັດແກ້ຮ່າງກົດໝາຍແພ່ງ 126 ຈຸດ ໂດຍອີງຕາມການຄົ້ນຄວ້າຂອງຄະນະຜູ້ແທນຕ່າງໆ, ສະມາຊິກສະພາປຶກສາການເມືອງປະຊາຊົນແຫ່ງຊາດຈີນ ແລະພາກສ່ວນທີ່ກ່ຽວຂ້ອງ ລວມທັງໄດ້ປັບຂີດຄວາມສາມາດການປະພຶດທາງແພ່ງທີ່ມີຄວາມຈຳກັດຈາກ 10 ປີລົງເຖິງ 8 ປີເຕັມເປັນຕົ້ນ.
ທ່ານສາວສຽວຢາງ ປະທານກຳມາທິການກົດໝາຍສະພາປະຊາຊົນແຫ່ງຊາດຈີນໄດ້ຜ່ານບົດລາຍງານກ່ຽວກັບຜົນການຄົ້ນຄວ້າພິຈາລະນາຮ່າງກົດໝາຍແພ່ງໃນກອງປະຊຸມຄັ້ງທີສອງຂອງຄະນະປະທານສະພາປະຊາຊົນແຫ່ງຊາດຈີນຄັ້ງທີ 5 ສະໄໝທີ 12 ຫຼັງລົງຄະແນນສຽງຮັບຮອງຜົນການຄົ້ນຄວ້າພິຈາລະນາຮ່າງກົດໝາຍແພ່ງ ແລະຕົກລົງສະເໜີຮ່າງກົດໝາຍແພ່ງສະບັບດັ່ງກ່າວໃຫ້ບັນດາຄະນະຜູ້ແທນຄົ້ນຄວ້າພິຈາລະນາຕື່ມອີກ.
 |
