ຕອນບ່າຍວັນທີ 12 ມີນານີ້, ທ່ານສີຈິ້ິນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນ ແລະປະທານຄະນະກຳມະການການທະຫານສູນກາງຈີນ ໄດ້ເຂົ້າຮ່ວມກອງປະຊຸມຄົບຄະນະຂອງຄະນະຜູ້ແທນກອງທັບປົດປ່ອຍປະຊາຊົນຈີນໃນລະຫວ່າງດຳເນີນກອງປະຊຸມສະພາປະຊາຊົນແຫ່ງຊາດຈີນຄັ້ງທີ 5 ສະໄໝທີ 12 ແລະໃນໂອກາດດັ່ງກ່າວກໍໄດ້ກ່າວເນັ້ນວ່າ ຕ້ອງເລັ່ງສ້າງລະບົບປະດິດສ້າງທີ່ໃຫ້ກອງທັບແລະປະຊາຊົນເຊື່ອມໂຍງເຂົ້າກັນ ເພື່ອສ້າງລະບົບຄ້ຳປະກັນດ້ານເຕັກນິກທີ່ເຂັ້ມແຂງໃຫ້ກອງທັບຈີນ.
ທ່ານສີຈິ້ນຜິງກ່າວວ່າ, ເຕັກນິກປ້ອງກັນຊາດແລະອາວຸດຍຸດໂທປະກອນແມ່ນຂົງເຂດສຳຄັນໃນການເຊື່ອມໂຍງລະຫວ່າງກອງທັບກັບປະຊາຊົນ ແລະກໍແມ່ນຂີດໝາຍທີ່ສຳຄັນໃນການຕີລາຄາລະດັບການພັດທະນາການເຊື່ອມໂຍງລະຫວ່າງກອງທັບກັບປະຊາຊົນ. ຂະນະທີ່ການຊຸກຍູ້ການພັດທະນາກອງທັບດ້ວຍວິທະຍາສາດເຕັກໂນໂລຊີຕ້ອງຈັດເຂົ້າໃນແຜນພັດທະນາຍຸດທະສາດແຫ່ງຊາດ ແລະເພີ່ມທະວີການເຊື່ອມຕໍ່ກັບແຜນຍຸດທະສາດແຫ່ງຊາດ.
ທ່ານສີຈິ້ນຜິງຍັງໄດ້ຕ້ອນຮັບການເຂົ້າຢ້ຽມຄຳນັບຂອງຜູ້ແທນກອງທັບຂັ້ນຮາກຖານຈຳນວນໜຶ່ງ ຫຼັງກອງປະຊຸມ.
