ຕາມ​ຂ່າວສານ​ຈີນ: ດ່ານ​ພາສີ​​ເມືອງ​ກວາງ​ໂຈ່ວສປຈີນ​ລາຍ​ງານ​ໃນ​ວັນ​ທີ 12 ມິຖຸນາ​ນີ້​ວ່າ,​ເມື່ອມໍ່ໆ​ນີ້​ໄດ້​ຮ່ວມ​ກັບ​ດ່ານ​ພາສີ​ມາ​ເລ​ເຊຍ​​ແລະ​ອິນ​ໂດ​ເນ​ເຊຍ​​ແ​ຕໍ່ຕ້ານຂະ​ບວນການ​ຄ້າ​ຢາ​ເສບ​ຕິດ​​ແລະ​ສາມາດ​ມ້າງ​ຄະດີ​ຄ້າ​ຢາ​ເສບ​ຕິດ​ຂ້າມ​ຊາດ 4 ຄະດີ​ແລະ​​ທຳລາຍ​ກຸ່ມ​ຄ້າ​ຢາ​ເສບ​ຕິດ​ຂ້າ​ມຊາດ​ສັນຊາດ​ອາ​ຟຣິກາ​ຕ​າ​ເວັນ​ຕົກ​ໄດ້​ກຸ່ມ​ໜຶ່ງ​ພ້ອມ​ທັງ​ຍຶດ​​ຢາ​​ໄອສ​​ໄດ້ເກືອ​ບ 56 ກິ​ໂລ​ກຣາ​ມ,ຈັບ​ຜູ້​ຕ້ອງ​ສົງ​ໄສ​ທັງ​​ເປັນ​ຄົນຈີນ​ແລະ​ຕ່າງປະ​ເທດ 16 ຄົນ.
ຕອນ​ແລງວັນ​ທີ 13 ​ເມສາຜ່ານ​ມາ,​ເຈົ້າ​ໜ້າ​ທີ່​ຕຳຫຼວດຕ້ານ​ການ​ຄ້າ​ຂາຍເຖື່ອນ​​ດ່ານ​ພາສີ​ໄດ້ ກວດ​ພົບ "ຢາ​ໄອສ" 24 ກິ​ໂລກຣາມຢູ່​ທ່າ​ກຳ​ປັ່ນ​ແຫ່ງ​ໜຶ່ງ​​ໃນ​ແຂວງ​ກວາງຕຸ້ງແລະຫຼັງຂະ​ຫຍາ​ຍ ຜົນກໍ​ສາມາດ​ພົບ​ກຸ່ມ​ຄ້າ​ຢາ​ເສບ​ຕິດ​ສັນຊາດ​ອາ​ຟຣິກາ​ຕາ​ເວັນ​ຕົກ​ກຸ່ມ​ໜຶ່ງ​ທີ່​ເຄື່ອນ​ໄຫວ​ຢູ່​ເມືອງ​ກວາງ​ໂຈ່​ວ,​ເມືອງ​ຝໍຊານ,​ເມືອງ​ໜານ​ໄຮ​ເປັນ​ຕົ້ນ​ແລະ​ຈັບ​​ຜູ້ກ່ຽວ​ພັນ​ກັບ​ຄະດີ​ໄດ້ 13 ຄົນ.ຂະນະ​ດຽວ​ກັນ, ດ່ານພາສີ​ມາ​ເລ​ເຊຍ​ຈັບ​ກໍ​ສາມາດ​ຈັບ​ຜູ້​ຕ້ອງ​ສົງ​ໄສ​ໄດ້ 1 ຄົນ​ແລະອິນ​ໂດ​ເນ​ເຊຍກໍ​ຈັບ​ໄດ້​ 2 ຄົນ,ມາ​ຮອດ​ປັດຈຸບັນ,ກຸ່ມ​ຄ້າ​ຢາ​ເສບ​ຕິດ​ຂ້າມ​ຊາດ​ສັນຊາດ​ອາ​ຟຣິກາ​ຕ​າ​ເວັນ​ຕົກ​ກຸ່ມ​ນີ້​ໄດ້​ຖືກ​ກວດ​ລ້າງ​ຢ່າງ​ສິ້ນ​ເຊີງ​​ເຊິ່ງ​ເປັນ​ຜົນງານ​ການ​ຮ່ວມ​ມື​ກັນ​ຂອງ​ດ່ານ​ພາສີ 3 ປະ​ເທດ.