ຕາມຂ່າວCRI：ວັນທີ 18 ຕຸລານີ້, ຄະນະກຳມະການສູນກາງພັກກອມມູນິດຈີນຊຸດທີ 18 ໄດ້ສະເໜີບົດລາຍງານຕໍ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ວ່າ, ເພື່ອບັນລຸເປົ້າໝາຍທີ່ສ້າງໃຫ້ປະເທດຈີນເປັນປະເທດສັງຄົມນິຍົມທີ່ເຂັ້ມແຂງແບບທັນສະໄໝທີ່ຮັ່ງມີ, ປະຊາທິປະໄຕ, ສິວິໄລ, ປອງດອງກັນແລະສວຍງາມ, ຈີນຕ້ອງປະຕິບັດຕາມທັດສະນະການພັດທະນາໃໝ່, ສ້າງລະບົບເສດຖະກິດແບບທັນສະໄໝ.
ທ່ານສີຈິ້ນຜິງກ່າວໃນບົດລາຍງານວ່າ, ການພັດທະນາເສດຖະກິດຂອງຈີນໄດ້ຈາກໄລຍະການເຕີບໂຕຢ່າງວ່ອງໄວປ່ຽນເປັນໄລຍະການພັດທະນາທີ່ມີຄຸນນະພາບຢ່າງສູງ. ຈີນຈະຖືການກໍ່ສ້າງ "ໜຶ່ງແລວທາງໜຶ່ງເສັ້ນທາງ"ເປັນຈຸດໜັກ, ເຄົາລົບຫຼັກການທີ່ປຶກສາຫາລື, ກໍ່ສ້າງແລະນຳໃຊ້ຮ່ວມກັນ, ເປີດກວ້າງການເປີດປະຕູສູ່ໂລກພາຍນອກຂອງຂະແໜງການບໍລິການ, ມີຄວາມສະເໝີພາບກັນຕໍ່ວິສາຫະກິດທີ່ໄດ້ລົງທະບຽນໃນດິນແດນຈີນ. ຈີນຈະມອບສິດເປັນເຈົ້າຕົນເອງດ້ານການປ່ຽນແປງທີ່ໃຫຍ່ກວ່າເກົ່າໃຫ້ແກ່ເຂດການຄ້າເສລີແຫ່ງຊາດ, ຄົ້ນຄວ້າການກໍ່ສ້າງທ່າການຄ້າເສລີ, ຊຸກຍູ້ການສະຖານະການໃໝ່ແຫ່ງການເປີດປະຕູສູ່ໂລກພາຍນອກຢ່າງຮອບດ້ານ.
 |
