ທ່ານສີໜິງໜິງ ຜູ້ອຳນວຍການບໍລິຫານງານສະພາທຸລະກິດຈີນ-ອາຊຽນໃຫ້ສຳພາດຕໍ່ນັກຂ່າວ CRI ເມື່ອມໍ່ໆມານີ້ວ່າ, ຍອດມູນຄ່າການຄ້າຈີນ-ອາຊຽນໃນປີ 2017 ບັນລຸ 514 ຕື້ 800 ລ້ານໂດລາສະຫະລັດ, ເພີ່ມຂຶ້ນຫຼາຍກວ່າປີຜ່ານມາ 13,8% ແລະ ເປັນລະດັບສູງສຸດໃນປະຫວັດສາດ.
ທ່ານວິເຄາະຕາມຕົວເລກຈາກເວັບໄຊກົມອາຊີກະຊວງການຄ້າຈີນວ່າ, ປີ 2017, ຈີນໄດ້ສົ່ງອອກຕໍ່ອາຊຽນ 279 ຕື້ 100 ລ້ານໂດລາສະຫະລັດ ເພີ່ມຂຶ້ນ 9% ແລະ ນຳເຂົ້າຈາກອາຊຽນ 235 ຕື້ 700 ລ້ານໂດລາສະຫະລັດ ເພີ່ມຂຶ້ນ 20%. ໃນ 10 ປະເທດອາຊຽນ, ຫວຽດນາມ, ມາເລເຊຍ ແລະ ໄທມີຍອດມູນຄ່າການຄ້າກັບຈີນຫຼາຍກວ່າໝູ່, ຈີນໄດ້ສົ່ງອອກຕໍ່ຫວຽດນາມ, ສິງກະໂປ ແລະ ມາເລເຊຍຫຼາຍກວ່າໝູ່ ແລະ ນຳເຂົ້າຈາກມາເລເຊຍ, ຫວຽດນາມ ແລະ ໄທຫຼາຍກວ່າໝູ່. ຈີນໄດ້ປຽບດຸນການຄ້າໃນການຄ້າກັບອາຊຽນ ແຕ່ຈຳນວນປຽບດຸນການຄ້ານັບມື້ໜ້ອຍລົງ.