ຕາມຂ່າວ CRI: ພິທີມອບຮັບໂຮງໝໍເຄື່ອນທີ່ທີ່ຈີນຊ່ວຍເຫຼືອໃຫ້ກຳປູເຈຍໄດ້ຈັດຂຶ້ນຢູ່ໂຮງໝໍມິດຕະພາບກຳປູເຈຍ-ຣັດເຊຍຢູ່ນະຄອນຫຼວງພະນົມເປັນໃນວັນທີ 10 ພຶດສະພານີ້. ໂຮງໝໍເຄື່ອນທີ່ເຫຼົ່ານີ້ຈະສາມາດເຮັດໃຫ້ກຳປູເຈຍເພື່ອແກ້ໄຂບັນຫາປະຊາຊົນຢູ່ເຂດຫ່າງໄກສອກຫຼີກທີ່ຫາໝໍຍາກໄດ້ຮັບຄວາມສະດວກສະບາຍຂຶ້ນກວ່າເກົ່າ. ທ່ານມົມບຸນເຮງ ລັດຖະມົນຕີກະຊວງສາທາລະນະສຸກກຳປູເຈຍ, ທ່ານສົງໂປ່ ເອກອັກຄະລັດຖະທູດຈີນປະຈຳກຳປູເຈຍໄດ້ເຂົ້າຮ່ວມພິທີມອບຮັບແລະກ່າວປາໄສ.
ຂ່າວແຈ້ງຕື່ມວ່າ, ໂຄງການຊ່ວຍເຫຼືອຄັ້ງນີ້ມີລົດປິ່ນປົວ 40 ຄັນ, ທີ່ໄດ້ຕິດຕັ້ງເຄື່ອງອຸປະກອບປິ່ນປົວທັນສະໄໝ 22 ຊະນິດ 7 ປະເພດ, ສາມາດປິ່ນປົວພະຍາດທົ່ວໄປໄດ້. ດັ່ງນັ້ນເພື່ອເສີມຂະຫຍາຍບົດບາດຂອງໂຮງໝໍເຄື່ອນທີ່ງວດທຳອິດຢ່າງສົມບູນ, ໜ່ວຍປິ່ນປົວຈີນຈະເປີດບໍລິການປິ່ນປົວໂດຍບໍ່ເກັບຄ່າຢູ່ນະຄອນຫຼວງພະນົມເປັນ, ແຂວງກຳປົງຈາມແລະແຂວງບັດຕຳມອງຂອງກຳປູເຈຍໃນໄວໆນີ້.
 |
