ຕອນເຊົ້າວັນທີ 13 ພຶດສະພານີ້, ຢູ່ເມືອງຊູຣາບາຢາ ເທດສະບານຂອງແຂວງຈາວາຕາເວັນອອກອິນໂດເນເຊຍ, ໂບດ 3 ແຫ່ງໄດ້ເກີດເຫດການລະເບີດຢ່າງເປັນລຳດັບ, ຢ່າງໜ້ອຍໄດ້ເຮັດໃຫ້ 2 ຄົນເສຍຊີວິດ , 13 ຄົນໄດ້ຮັບບາດເຈັບ.
ໂຄສົກພະແນກກົມຕຳຫຼວດແຂວງຈາວາຕາເວັນອອກແຈ້ງໃຫ້ສື່ມວນຊົນທ້ອງຖິ່ນຮູ້ວ່າ, ປະມານ 7 ໂມງຕອນເຊົ້າຕາມເວລາທ້ອງຖິ່ນ, ລູກລະເບີດລູກໜຶ່ງໄດ້ລະເບີດແຕກຢູ່ໃກ້ປະຕູຂອງໂບດເຊັນມາເຣຍຂອງຊູຣາບາຢາ, ເຮັດໃຫ້ 2 ຄົນເສຍຊີວິດ, ປະຊາຊົນອີກ 11 ຄົນແລະຕຳຫຼວດ 2 ຄົນໄດ້ຮັບບາດເຈັບ. ການສືບສວນເບື້ອງຕົ້ນສະແດງໃຫ້ເຫັນວ່ານີ້ແມ່ນການໂຈມຕີແບບສະຫຼະຊີບເທື່ອໜຶ່ງ, ຜູ່ໂຈມຕີໄດ້ຕາຍໃນເຫດການລະເບີດ. ເຈົ້າໜ້າທີ່ຕຳຫຼວດພວມສືບສວນຖານະແລະສາເຫດກໍ່ເຫດການຂອງຜູ່ໂຈມຕີ.
ນອກນີ້, ອີງຕາມສື່ມວນຊົນທ້ອງຖິ່ນລາຍງານວ່າ, ຕອນເຊົ້າມື້ດຽວກັນ, ຢູ່ຊູຣາບາຢາຍັງມີໂບດ 2 ແຫ່ງເກີດເຫດການລະເບີດ, ແຕ່ຍັງບໍ່ຮູ້ສະພາບລະອຽດ. ເຈົ້າໜ້າທີ່ຕຳຫຼວດກ່າວວ່າ, ເຫດການລະເບີດ 3 ເທື່ອແມ່ນເກີດຂຶ້ນພາຍໃນ 10 ນາທີ.
