ກອງປະຊຸມສົນທະນາການຮ່ວມມືທຸລະກິດເອເລັກໂຕຼນິກ "ໜຶ່ງແລວໜຶ່ງເສັ້ນທາງ" ຈີນ-ອາຊຽນຈັດຂຶ້ນຢູ່ນະຄອນຫຼວງຈາກາຕາປະເທດອິນໂດເນເຊຍໃນວັນທີ 16 ພຶດສະພານີ້.
ກອງປະຊຸມໄດ້ປິ່ນອ້ອມຫົວຂໍ້ຮ່ວມມື "ໜຶ່ງແລວໜຶ່ງເສັ້ນທາງ", ສຸມໃສ່ສະພາບການພັດທະນາປັດຈຸບັນ, ທ່ວງທ່າໃນອະນາຄົດ ແລະ ໂອກາດການຮ່ວມມືຂອງທຸລະກິດເອເລັກໂຕຼນິກຈີນ ແລະ ອາຊຽນ, ໄດ້ດຳເນີນການແລກປ່ຽນໂຄງການລະຫວ່າງນັກທຸລະກິດຈີນ-ອາຊຽນ ແລະ ແລກປ່ຽນສື່ມວນຊົນທີ່ມີຫົວຂໍ້ວ່າ "ອິນເຕີເນັດກັບຈີນ, ອາຊຽນກັບອະນາຄົດ".
ທ່ານຮວງຊີລຽນ ເອກອັກຄະລັດຖະທູດຈີນປະຈຳອາຊຽນກ່າວວ່າ, ການຈັດກອງປະຊຸມຄັ້ງນີ້ໄດ້ເຂົ້າກັບຫົວຂໍ້ "ຄວາມອົດທົນໜຽວແໜ້ນກັບການປະດິດສ້າງໃໝ່" ຂອງອາຊຽນໃນປີນີ້ເປັນຢ່າງດີ ແລະ ຈີນຍິນດີພະຍາຍາມຮ່ວມກັບອາຊຽນ ເພື່ອຊຸກຍູ້ໃຫ້ການຮ່ວມມືໃນຂົງເຂດປະດິດສ້າງໃໝ່ຕ່າງໆ ເຊິ່ງລວມທັງທຸລະກິດເອເລັກໂຕຼນິກພັດທະນາຢ່າງວ່ອງໄວຕໍ່ໄປ.
 |
