ກອງປະຊຸມເວທີປຶກສາຫາລືວ່າດ້ວຍການຮ່ວມມືຂະແໜງການທ່ອງທ່ຽວຈີນ-ກຳປູເຈຍຄັ້ງທຳອິດພາຍໃຕ້ຫົວຂໍ້ "ກຳໂອກາດພັດທະນາການທ່ອງທ່ຽວເສັ້ນທາງສາຍໄໝ" ຈັດຂຶ້ນຢູ່ນະຄອນຫຼວງພະນົມເປັນປະເທດກຳປູເຈຍໃນວັນທີ 17 ພຶດສະພານີ້.
ທ່ານທອງຄົນ ລັດຖະມົນຕີກະຊວງທ່ອງທ່ຽວກຳປູເຈຍກ່າວໃນພິທີເປີດກອງປະຊຸມວ່າ, ປີ 2017, ກຳປູເຈຍໄດ້ຕ້ອນຮັບນັກທ່ອງທ່ຽວຕ່າງປະເທດ 5 ລ້ານ 6 ແສນເທື່ອຄົນ ແລະ ເພີ່ມຂຶ້ນຫຼາຍກວ່າປີກ່ອນ 11,8%, ສ້າງລາຍຮັບໄດ້ 3 ຕື້ 400 ລ້ານໂດລາສະຫະລັດ ແລະ ສ້າງໂອກາດປະກອບອາຊີບໂດຍກົງໃຫ້ແກ່ 6 ແສນ 2 ໝື່ນຄົນ. ທ່ານກ່າວຕື່ມວ່າ, ກຳປູເຈຍຍິນດີກຳໂອກາດສ້າງ "ໜຶ່ງແລວໜຶ່ງເສັ້ນທາງ", ເນັ້ນໃສ່ບຸກເບີກຕະຫຼາດແຫຼ່ງນັກທ່ອງທ່ຽວຈີນ ແລະ ເພີ່ມທະວີການຮ່ວມມືດ້ານການທ່ອງທ່ຽວກຳປູເຈຍ-ຈີນ.
ໃນກອງປະຊຸມຄັ້ງນີ້, ສອງຝ່າຍໄດ້ລົງເລິກແລກປ່ຽນຄວາມເຫັນກ່ຽວກັບຫົວຂໍ້ຕ່າງໆ ເຊັ່ນ: ຊຸກຍູ້ໃຫ້ການທ່ອງທ່ຽວມີຄວາມສະດວກ, ການໂຄສະນາເຜີຍແຜ່ການທ່ອງທ່ຽວ, ການຝຶກອົບຮົມຜູ້ມີຄວາມຮູ້ຄວາມສາມາດ, ການວາງແຜນດ້ານການທ່ອງທ່ຽວ, ການລົງທຶນດ້ນນການທ່ອງທ່ຽວ ແລະ ອື່ນໆ.
 |
